رايحة نهبل منهم 2

عنوان الموضوع : رايحة نهبل منهم 2
مقدم من طرف منتديات العندليب

انا صاحبة هذا الموضوع

السلام عليكم
حبيت نقلكم على مشكلتي بعد ماترددت كثير بصح شفت الحالة رايحة وتزيد سوءا
انا فتاة عمري 16 نقرى اولى ثانوي من عائلة محافظة جدا جدا
من كنت صغيرة حتمني ابي في لبس الحجاب خصبا عني
كنت من اشد الكارهين له ومبعد صراولي واحد المواقف عدت نحبو بزاف ونشكرا ربي ثم والديا اللي دعاولي بالخير والحمد لله اقنعت بيه وكامل دوكا منين كنت نقرى في المتوسطة كاين شي بنات دايما يجوني ويقولولي ربي انتيا زينة ومرحة وكامل وعلاه اكي مغمية روحك بالجلاابة ومانعرف ويبداو يجيبولي في قصايص الذكور وقاع نواجهم انا نقلهم هذا اللي حبو ربي يقولولي اتي شكون ضامنلك الجنة ماكي بدنيتك ماكي باخرتك واكم عارفين يبدا الشيطان لعب بيا كنت دائما نحكي لامي كانت هي اللي تشجعني في هاد المواقف ولهاد النهار قاتلي قلهم ماتزيدوش تهدرولي من داك نهار وهوما يديرو عليا في الاشاعات مع دراري
يظلو يهدرو فيا ولهاد نهار كان ابي راح للحج وانا بكرتو صافي ماعنديش اخ كبير جبنا عمي يبات معانا وهو يفوتني بعامين دارولي قصة معاه ودخلو في الشرف والله غير حسيت بزاف من هاد الشي
انا مادرت والوا قلت برك حسبيا الله ونعم وكيل فيهم وانتقلت لليسي والحمد لله ومبعد من هادو لبنات سمعت بوحدة ماتت فيهم خفت الا راني انا السبة حتى وامي قاتلي خلاص خلصو اياماتها يضلو يجيبولي او هداك قالك امشي معايا وتاني اخر وانا نقلهم اخطوني ماتهدروش معايا كل ماانا عاديتهم زادو اصرو وهوما يعرفو بزاف ذكور شغل كانو يشرولي فيها كل مرة يجي واحد يحب يهدر معايا وانا نعار كان حلي هو دائما نققول لابي
ساعات نحس روحي دايما جايبة لمشاكل لابي دائما يقولولي هاد لكلام حفظتو تعرفو انتي زينة وقاعدة قاتلة روحكوددافنة روحك قبل الوقت نكره حياتي كي نعود نسمع في هاك تانيت درت ايمايلات راحو مدوهم حذفتهم انا قاع وخليت روحي هاك مام من اساتدة ساعات ويقولولي مديلي ايمايلك نقلهمماعنديش يضحكو باستهزاء ويقولولي ماكيش عايشة انتي يعايروني السلفية المنافقة وتاني دراري اللي ماقبلتش باه نقيم علاقات معاهم عشاو اعداء لي غير يسناو وقتاش نغلط باه يتمسخرو بيا خاصة كي يسقسيني استاد او مراقب عن ابي ونقلهم انا ابي مو بابا يبداو يعلقو يديروني اضحوكتهم والله جاوني ايامات تبت نفسيتي بتها غير علا البكاء حتان رقاولي باه ارتحت والحمدلله ارجوكم قولولي الحل واش ندير معاهم ماعندي حتا واحد نحكيلو غير انتم ومانيشحابة ابي وامي نزيد ندخلهم في المشاكل اكتر من اللي راهم فيها اسمحولي طولت عليكم بالهدرة

والله ياخاوتي ماهم صحباتي هوما برك بنات يقراو معايا مي مانيش مصحبتهم وعندي صحباتي من لفامي بعد والله ماعرفت كيفاه نفهمكم في هادي دوكا صحباتي ماشي من هاد لبلاد اللي ساكنين فيها صافي هوما مايهدروش معاهم عندهم العنصرية وانا جا ابي من هاد لبلاد وام ماشي منها صافي دايريني كلي منهم ماشي كيما صحباتي وكل مانقلهم اخطوني وماتهدروليش هوما يزيدولي في المشاكل وعلا الاشاعات دايما نقل لامي كلش اما بالنسبة لقصة عمي والله غير يعرفوه لكن بالعاني برك باه يمسحو فيا لكلام السيء كون غير قالو اسمو منين كانو ينشرو فيا كون ناس عرفتو راحو غيرو في معطيات قاع ونشروها بصح مانيش دايرة عليهم في هاد الشي من ناحية الاشاعات مقليقين بالكلام وعلاه دافنة روحك شكون ضامنلك الجنة ارجوكم خوتي دبرو عليا واشش ندير معاهم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اقراي صباح قبل ماتروحي سورة الواقعة+المعوذتين
وقولي اللهم اجعل كيدهم فى نحورهم ونعوذ بك من شرورهم

وحذار تسمعيلهم ماعليش غي خليهم يقولو المهم يرضى عليك ربي
هادو كي خاطين الطريق يحوسو يولو قاع الناس كيما هوما
الله يهديهم

__________________________________________________ __________

>>>> الرد الثاني :

لو كتبت بالعربية الفصحى يكون احسن لانني للاسف لا اعرف الدرجة كثيرا .......و نصيحتي لكي..........اعملي كما قالت لكي الاخت قبلي اكثري الدعاء لله و تعوذي من شرهم و كوني حريصة على اختيار الصديقات ذوي الاخلاق الحسنة حذاري ثم حذاري للاسف كيد النساء عظيم كما ورد في القران الكريم..........توكلي على الله و كوني صاحبة دين وخلق........و الله في عون العبد الصالح دوما........نساله جل وعلا بصفاته الحسنى ان يبعد عنكي فتنة الاعداء........

__________________________________________________ __________

>>>> الرد الثالث :

غاليتي العزيزة

الإلتزام بطريق الحق ليس بالأمر السهل

أثبتي على الطريق لي راكي فيه، لأنني أعتقد - والله أعلى و أعلم- أنك مصيبة

أكيد هاذو البنات ميحبولكش صلاحك: والحجاب سترة للمرأة وانت ولله الفضل والمنة مستورة،

ما تدري، بلاك ربي باغي يختابرك أتثبتين أم لا ؟؟

إدعي ربي يكون معاك و يوفقك

دعواتي لك بالتوفيق

أختك - إيمان -

__________________________________________________ __________

>>>> الرد الرابع :

يا أختي اثبتي و كلما زاد ثباتك زاد الله من ابتلائك ليختبرك فلا تضعفي
و لك في الرسول عليه الصلاة و السلام الأسوة الحسنة لو لم يثبت و يصبر لما كنت أنت و أنا و الجميع ننعم بنعمة الإسلام

__________________________________________________ __________

>>>> الرد الخامس :

صدقيني لن يتركوك و الحل ان تبتعدي عنهم و لا تسمعي كلامهم حتى لا تتاثري بهم
مثلا اذا ذهبت الى عرس و رايت فتيات يضحكن قد تقلقين فربما كانوا يتحدثن عنك و لكنك لن تتأثري بهن لانك لم تسمعي ما كن يقلنه , اما اذا سمعت الحديث فاكيد تتاثرين و قد ترجعين الى البيت باكية . فتجاهلهن هو الحل الوحيد لا تسمعي لهن . لا تطلبي من واحدة نقل الكلام الذي يتفوهن به و التفتي الى الدراسة و اذا كنت شجاعة فاطلبي من المدير ان يغير قسمك عند الدخول من العطلة فالمدير رجل واعي و سيتفهم وضعك فهو اب قبل ان يكون مديرا لا تخافي منه و اطلبي منه تغيير القسم . وفقك الله