خطيبي و عزة النفس مشكلة

عنوان الموضوع : خطيبي و عزة النفس مشكلة
مقدم من طرف منتديات العندليب

السلام عليكم و رحمة الله و بركاته

والله ما لقيتش كيفاه نبدا

بالمختصر المفيدانا الحمد لله تحصلت على وظيفة دائمة و اليوم رحت امضيت المحضر المهم خطيبي ( عاقدة و مفتحة) البارح كي هدر معايا قالي ما تنسايش غذا كي تمضي و تخلصي عيطيلي باه نباركلكhttps://3andlib.xplainer.net/images/...s/confused.gif حطيتو يتمسخر و انا قلتلو هيه مكاين حتى بروبلام اليوم كي خلصت قلت والله نجرب تراه و نشوف عيطت هز عليا يعني صح الدنيا دارت بيا قالي كلشي مبروك قلتلو الله يبارك فيك و تكلمت معاه عادي بصح انا شخصيا من قوة ما نقرى فالمنتدى من مواضيع ديما يقولو البنات بلي كاين رجالتهم او خطيبهم يقولولهم بصريح العبارة اصرفي عليا طمعانين فيهم تعمر راسي بالافكار هذه و خايفة لا تطو ر الحكاية من عيطيلي لفلكسلي لللللللل مع العلم ماكانتش كاينة في راسي نهائيا

انا ما عنديش بروبلام اني نعيطلو او ان نصرف بصح كي نديرها من تلقاء نفسي فهمتوني تظهرلي مش مليحة عليه يدير الخدمة هذه واينها عزة النفس انا راني طفلة و عندي عزة نفس و ما نقدر نقول لحتى واحد اعطيني الصوارد والا اصرف عليا

ارجوكم هل الافكار لي عمرت بيها راسي غالطة و الا نحيها و كيفاه نوصلو لخطيبي بلي ما عجبنيش الحال سيرتو من اللقطة هذ تع نعيطلو باه يباركلي

الفتاه منا تحب الزوج تاعها يكون مسؤول عليها فهمتوني

ربي يهدي سرنا و ادعولي بالهناء و انصحوني واش ندير

شكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نورماااال
ما فيها والو
وعلاه تكبريها هو طلب منك مرة ما فيها والو

__________________________________________________ __________

>>>> الرد الثاني :

يا اختي عادي وش فيها
الا عيطتيلو مرة من عندك

__________________________________________________ __________

>>>> الرد الثالث :

بالاك قصدو كي تكملي عيطيلي لانو بالاك هو يخاف يعيطلك و انتي تكوني مازالكي مشغولة عااااادي يا حبوبتي نورمال

__________________________________________________ __________

>>>> الرد الرابع :

أظن أن المشكلة في مخيلتك فقط .. فحسب القصة نرى أن خطيبك طلب منك أن تتصلي به عندما تنهي أمر معين ليكون أول من يتحدث إليك و يبارك لك .. يعني لا يمكنه معرفة توقيت نهاية امضاء المحضر إلا إذا اتصلتي به أو أن يتصل بك هو كل خمس دقائق ليعرف إن تم الأمر أو لم يتم بعد و هذا فيه مشقة عليه و ازعاج لك ..
من وجة نظري فمشكلتك شئ عادي و ليس له دلالة أخرى إلا أنه أراد أن يكون أول من يبارك لك .. و هذه هي غلطته الوحيدة .. لذا أنصحك أن لا تفتحي هذا الموضوع أمامه و أن تنسيه تماما لأنه سيأخذ انطباع سلبي عنك لأنه سيفهم أنك استخسرتي فيه بعض الدقائق في الهاتف يعني دنانير معدودة ..

و اذا أردتي وضع النقاط على الحروف فعليك فتح موضوع معه بخصوص أجرتك الشهرية .. و أعلميه بموقفك منها .. يعني اذا تنوين الاحتفاظ بها لنفسك أو اقتسامها معه .. لأنكما عاجلا أو آجلا ستفتحون هذا الموضوع فمن الافضل أن يكون المقال في مقام سعة .. يعني سيأتي يوم تطلبين منه المال و يقول لك أين أجرتك الشهرية ...

هذا ما أراه و الله تعالى أعلم ...

__________________________________________________ __________

>>>> الرد الخامس :

هههههههههههه رديتونا نطلبو يا اختي واش فيها ادا قالك عيطيلي وواش فيها تاني ادا قالك افليكسيلي ياااااااو نورمال خسارة في راجلك 10 ميل ههههه هاديرو العقل شوية
نقصر ختي برك انا تبالي غي نتي راكي موسوسة هدا مكان ديجا هو مايقبلش نتي تفليكسيلو هدا ناكدهالك


هههههه نتوما تكونو تحوسو على الراجل كي تلقوه تبداو تتقلشو



تقبلي مروري