مشكلتي الحياء الزائد تم الاجابة

عنوان الموضوع : مشكلتي الحياء الزائد تم الاجابة
مقدم من طرف منتديات العندليب

السلام عليكم و رحمة الله و بعد أنا متخرج جديد من الجامعة قسم الترجمة و قد تلقيت عدة فرص للعمل كأستاذ التعليم المتوسط في اللغة الفرنسية أو الإنجليزية و لكني لم اوافق على العمل لأني أجد صعوبة في الوقوف أمام التلاميذ في القسم فهل من نصيحة يا إخواني للتخلص من هذه الحشمة و بارك الله فيكم.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوف خويا أكيد في الأول راح تحشم وتلقى صعوبات هذا أمر طبيعي لكن ماتتركش خوفك وحشمتك تؤثر عليك لأنني نعرف واحدة حشاااااااااااااااااامة لدرجة ماتتصورش وبشوية بشوية راحتلها حشمة واسأل التوفيق من الله وعندي واحدة نعرفها واش كانت تدير تحضر درس أمام المرآة ومن بعد تلقيه أمام إخوانها ولا أحد زملاء وبشوية ومع الوقت راح تروحلك الحشمة ومرات اتخيل أنك أمام تلاميذ وتلقي الدرس وربي يسهلك ويكون في العون ولازم تصدم ياخويا متقعدش غير هاك راح طفرها في روحك وزيد مناصب راهم يطيرو في رمشة عين خير ماتندم من بعد والله يوفقك ونتمنى نكون افدتك ولو بالقليل

__________________________________________________ __________

>>>> الرد الثاني :

لقد جربت التعليم هذه السنة فقط وقد كنت خائفا في البداية ولكن صدقني ماهي إلا لحظات وينتهي كل شيء المهم أن تحضر الدرس جيدا وتتوكل على الله وربي يوفقك.

__________________________________________________ __________

>>>> الرد الثالث :

و عليكم السلام و رحمة الله تعالى و بركاته

توكل على الله يا أخي و لا تخف بمجرد أن تدخل القسم راح تنسى كل شيء فقط لازم تكون عندك شخصية قوية و عليك أن تثبت وجودك و لا تظهر لهم ذلك لأنهم

سيعرفون نقطة ضعفك و ستجد صعوبة في القيام بمهامك

فقط عليك بالعزم و الإرادة القوية ، فرصة لا تضيعها


أتمنى لك التوفيق و النجاح

__________________________________________________ __________

>>>> الرد الرابع :

توكل على الله...اخي الكريم
وكي تدخل القسم اقرأ اية الكرسي وقابلهم بابتسامة معاها نظرة حزم
تعرف عليهم واحكي معاهم شوية
وبالنهارات توالف بالشوية وتتعود برك حضر دروسك بيان واسالهم كل مرة شكون ما فهمش عاود اشرحلو
وربي يسهلك ان شاء الله

__________________________________________________ __________

>>>> الرد الخامس :

اقرا كتب ابراهيم الفقي هايلة تفيدك وتغير حياتك
وعادي استاذنا تاع الفرنسي
استاذ هايل ومعروف بطريقتو الفعالة فالتعليم مع انو متخرج جديد
وفي نهاية السنة قالنا
بلي كان عندو مشكل يحشم وكان يخاف يوقف قدامنا واحنا مفقناش
بصح راحلو في اول اسبوع قرا فيه
تكون عندك نظرة حازمة مع ابتسامة تبين شخصية قويةو
توكل على ربي وقدم حتى التلاميذ ناس ملاح