مشكلتي مع خطيبي تم الاجابة

عنوان الموضوع : مشكلتي مع خطيبي تم الاجابة
مقدم من طرف منتديات العندليب

في حياتي الجامعية تعرفت على شاب مدة 3 سنوات كان يحبني لدرجة كبيرة قمة في الاخلاق قمة في التربية.كان لي نعم الأخ و نعم الصديق .بعدما أنهيت الدراسة مباشرة اجتزت مسابقة توظيف و تحصلت على و ظيفة مهندس دولة رغم أن سني لم يتجاوز 23 سنة,و عند إلتحاقي بالمنصب طلبت منه التقدم لخطبتي فوافق و قطع مسافة 1000 كلم لكونه من الشرق و أنا من الغرب لكنه اشترط علي أن أـوقف عن العمل بعد العرس لكونه إطار سامي بالجيش و ظروفه المادية جيدة جدا و بطبيعة الحال وافقت و أقنعت أهلي لكوني أحبه ,لكن المشكل أنه بعد الخطبة تغيرت معاملته لي جذريا لم يعد يتصل بي كما كان,

نلقاه يحكي في الهاتف في الليل على 22.30 كي نقلو معامن كنت تحكي يقولي الخدمة ,نزعف مانزعفش مايحوسش علي.

وحد النهار قتلو راني ظحيت بالخدمة التاعي و بالبعد على دارنا عل جال باش نعيش معاك قالي إذا ماعجبكش الحال مانيش دايرلك الموس في الرقبة تقدري تبطلي.و كي يزعفني مايستسمحش مني,و دايمن يقلي الخدمة هي اللي راهي شادتني عليك و ماما كي نحكيلها تقولي هادو هوما العسكرو لوكان مايحبكش ما يجيش يخطبك.

مانيش نزوخ عليكم بصح و الله أنا غير فائقة الجمال و صغيرة و خدامة و بنت عائلة و الخطابة راهم عليا بزاف,و ضحيت بكلش باش نعيش معاه مالجري علابالي راه نتميزر معاه لأنه في الجيش و البعد على دارنا

دي فوا نحس راهو ندمان كي خطبني و راه يكرهلي في حياتي باش نبطل و العيب يخرج مني و نقول نبطل و نتهنى لكن المشكل دارنا ماكنوش قابلين بيه من ألأول و أنا أقنعتهم و مبعد نقلهم بطلت,

رايو علي واش ندير نزيد نصبر و نخليها تجي من عندو باش مانندمش و لا نبطل و نتهنى منو و أكيد مع الوقت ننساه,

و راهي غايدتني الخدمة التاعي خصوصا أنو طول حياتي كنت من المتفوقات و دائما الأولى,

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممممممممممممممم
اسمحيلي بصح و الله ماراكي تحوسي على النصيحة اختي العزيزة
نزيد نصبر و نخليها تجي من عندو باش مانندمش و لا نبطل و نتهنى منو و أكيد مع الوقت ننساه
ديجا راكي ناوية تحبسي و مقررة و كلشي الله يهديكي
انا نقولك انو حياتك تاع الصح مع راجلك راهي تبدا نهار تكوني في دارو
ماش في التيليفون.. و على حاب وا هدرتي ما عندكم حتى مشاكل.. و باش نصارحك اكتر حاساتك انتي لي بدلتي رايك فيه و تحوسي على سبة باش تحبسي و ما تزعفيش مني اختي
و ما تنسايش المسافة لي بيناتكم هاديك تاني عندها دور كبييييييييييير
علاش ما تصبريش عليه و تسايسيه و تبينيلو انتي بلي راكي حابة تعيشي معاه حياتك
احسن من انك تنفري منو و تنفريه منك
احمدي ربي لي عطاكي راجل كيفو راهم كاين بنات مساكن يحلمو يجو يخطبوهم
زيدي ديري استخارة .. و ربي يجيبلك لي فيه الخير

ps: في الليل كي تلقايه يهدر ماش شرط تكون مراة.. انا خطيبي يهدر معى صحابو حتى على 23 تاع الليل..و الثقة هي كلشي,, امالا غمضي عينيك شوي و ماتحاسبيهوش بزاف و ربي يجيبلك لي فيه الخييييير


__________________________________________________ __________

>>>> الرد الثاني :

اكثري من صلاة الاستخارة ولي فيها خير يقدمهالك ربي انشاء الله ربي يهنيك

__________________________________________________ __________

>>>> الرد الثالث :

ديري في بالك انو هدا الرجل راح تعيشي معاه أكثر من اللي عشتيه مع أهلك ........

وادا تحسي نفسك انك تقدري تتحمليه تزوجي بيه

وادا لا انهي العلاقة .........

__________________________________________________ __________

>>>> الرد الرابع :

mon avie akhtik mennou khir rahom l3askar kamel nta3 nssa
sur kachma lga wa7da badlatou 3lik
stakhiri rabbi w choufi w mech 3la jal hadret nass walla 3yat w tbahdil darkom tdamri 7yatek
hadi rahi 3echra mech nhar w 3agab
wzid ra7 toskni b3id 3la darkom wallah takrhi 7yatek
w men ba3 telgay fat l7al lkhedma ra7et
w lmotalla9a makach li yediha loukane t3oud malikat jamal

__________________________________________________ __________

>>>> الرد الخامس :

الظاهر يا اختي انك انت اللي ندمت وحابة سبة باه تبطلي ماهوش هو وفي هاد الحالة ننصحك بالاستخارة وربي راح يوجهك للي فيه الخير صدقيني.واش نقلك اذا شفتي روحك متقدريش تكملي معاه بطلي باسكو هادي حياتك ماشي حياة الناس.ربي يكون معاك اختي استخيري وعاودي وخبرينا وش درتي.وان شاء الله مايكون غير الخير.