تائهة و حايرة واش ندير تم الحل

عنوان الموضوع : تائهة و حايرة واش ندير تم الحل
مقدم من طرف منتديات العندليب

السلام عليكم استسمحكم انو شكلتي طويلة و ما تملوش و تروحو و تخلوني حاصلة ,انا الان اعاني جدا و لكن الاسوء اني نخبي بزاف و منحبش نحكي حتى الواحد وليت راشية بزاف حاجة خفيفة تبكيني من كثرت ما راهو معمر قلبي وحابة نحكي ياسر لدرجة اني الواحد بطريقة سهلة يستفزني وليت مانستحملش الهدرة كل لدرجة انو كي ندخل في نقاش نرد و ما نسكتش في بعض الاحيان حتى نرد على امي و علابالي بلي غالطة لكن لقيت حتى واحد يفهمني لاني ما كنتش هاك و خطرات باش نقلل من هدا الحلة نقول ما نهدر مع حتى واحد لكن امي مستحيل يعني نكون غالطة من جهتها و هذا الحالة قاع ناتجة من عدة اشياء في نظري انا او ممكن كاين حوايج اخرى رايحة نلخصهم في نقاط:
1- انا هذا العام كملت القراية في الجامعة وممكن مصدومة انو ملقيتش عمل و كذلك مصدومة بانو تخصصي مش مطلوب ياسر و رحت ضحية ديري هاذا التخصص عندوا مستقبل من بعد .
2- مشاكل عائلية صراحة من و انا صغيرة عايشين في مشاكل و اكثرية من ناحية الاب مش لي يتحاور ولا يشوف ولادوا وش خصهم فقط يحوس يخدم و يوكلنا و انا نفضل ما نكلش و نكون قريبة لابي.
3- حنان من ناحية عائلة الاب ما كانش كل اصلا ما نحسوش انو عندنا اعمام ولا عمات بعاد علينا ياسر من ناحية الحنان .
4- ساكنين في منطقة تقريبا لا قريب لينا لا والو يعني كيما يقولو برانية فيها بالرغم من انو عائلة ابي يبعدو علينا 40 كم برك و كانهم بعاد ب 10000000 كم.
5- امي متغربة من ناحية عائلتها و احنا عائلة امي لقينا فيهم الحنان تع الصح لكن بعاد علينا و قاع هذا الغربة لامي و زيد المشاكل ديما مع ابي و صراحة امي صابرة رغم الي شافت بزاف من ناحيت ابي.
6- ممكن يجيني فرصة عمل و لاكن بعيدة مش زاف قضية 40 كم برك و ما نظنش انو ابي يقبلي نروح نخدم و هذا الي خالاني نندم علاه قريت اصلا يعني وليت نحس بلي ضيعت وقتي برك .
و لان صدقوني من كثرت ما كرهت و حسيت بلي مستقبلي ضاع و من كثرت تعلقنا بعائلة امي لانها عطاتنا الحنان الي ما لقيناهش لا في ابي و لا عائلته و ليت نتمنى انا يجي يخطبني واحد من بلد امي و نتزوج بيه وصلت حتى ندعي في الصلاة بهذا الطلب ماشي لاني حابة نتزوج لا حابة باش نتهنى برك من هذيك المشاكل و نقص الحنان و نعوضهم في و ين تسكن عائلة امي و نولي قريبة ليهم و نعوض الحنان معاهم برك لاني ما لقيتش حل اخر و انشاء الله تساعدوني باه نخرج من المشكل هذا و كذلك الحاجة الاساسية مع امي كيفاش نتفادى الدخول معها في الكلام و انا نعرف بلي راني غالطة في حقها مع اني والله مواظبة على الصلاة و متربية و الي غايظني ما كنتش هاك من قبل في خصوص تصرفاتي مع امي ربما لنتيجة الضغط و معنديش لمن نحكي و نتكلم ندس في قلبي او نسكت و نستنى الفرصة لي يهدر معايا و نفرغ فيه باش نتنفس وليت نحس روحي تايهة و معنديش هدف في الحياة هذي كلش ضاع اقترحا عليا حلول ربي يخليكم راني حايرة و يائسة و معلباليش واش ندير و حابة نتهنى من هذا المشكلة قبل ما نزيد نتاثر اكثر و لا كاش ما ندير او نغامر بحاجة و نندم عليها من بعد ما نيش نقصد حاجة الي تغضب ربي لا الحمد لله مؤمنة و ما نديرهاش لكن خايفة من ناحية انو يتقدملي واحد و نقبل فقط باش نهرب من الوضع هذا افيدوني و اجركم على الله.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفرج همك اختي

__________________________________________________ __________

>>>> الرد الثاني :

اختاه تعرفين انه من اسباب الازمة القلبية هو كتمان الحديث في داخله كيما نقولوا حنا بالدارجة نخبي الهدرة لازم تعودي تنحي على بالك وترفهي على روحك ومتحكيش شيء خاطئ بالعكس حاولي تكوني اجتماعية لا منعزلة لا تبالي ببعد مكانكم بالعكس. اما الدراسة فالكثير من الناس هكذا بنفس الحالة دون عمل انت انهيت دراستك ولم تجدي عمل ليست هذه هي النهاية بالعكس انت انسانة مثقفة وواعية يجب عليك مراعاة نفسك قبل كل شيء وبخصوص والدك لازم تتقربي منه ومن امك لانوا الوالدين اساس كلش ميهمكش عماتك او عمومك ربي وصى على رضى الوالدين وان شاء الله فيه خير
ويارب تجدين عمل في اقرب وقت

__________________________________________________ __________

>>>> الرد الثالث :

السلام عليكم و رحمة الله
أختي الكريمة... قد تألمت لما تحسين به كثيرا... و الله وددت لو انّك اختي او صديقتي.. فآخذك في حضني.. و أجلس معك ما أردت.. و أستمع لكل ما في جوفك...


يا صديقتي... لا تحزني.. و أبشري بالفرج.. فالله تعالى قال في كتابه و هو أصدق القائلين "فانّ بعد العسر يسرا. انّ مع العسر يسرا" و المفسرون يقولون 'لا يغلب عسر يسرين'
اصبري و احتسبي.. فانّ الله مع الصابرين
اصبري و كوني ممن قال فيهم المولى عزّ و جلّ "و لنبلونّكم بشيء من الخوف و الجوع و نقص من الأموال و الأنفس و الثمرات و بشّر الصابرين. الذين اذا أصابتهم مصيبة قالوا انّا لله و انّا اليه راجعون. أولائك عليهم صلوات من ربّهم و رحمة و أولائك هم المهتدون"

أختي العزيزة..
لقد مررت مثلك بأوقات كدت فيها ان أفقد الأمل في كل شيء.. و انا مثلك.. لا أحبّذ الشكوى للناس... فما وجدت غير الله.. سبحانه و تعالى.. فكنت كل ليلة أدعوه و أشكو اليه.. و أبكي له... و أذكّر نفسي بأنّه تعالى هو من يسمعني.. و يرى مكاني.. و هو اعلم بي من نفسي.. و أرحم بي من والديّ.. فأقوم من مصلّاي و أنا مرتاااااحة راحة عجيبة.. صدقيني أختي.. الأمر لا يحتاج الّا لخشوعك و تضرّعك لله..
هو تعالى من أنعم عليك بنعمة الاسلام... فانت ما شاء الله محافظة على صلاتك.. و انعم عليك بحصولك على الشهادة.. و أنعم عليك بتربيتك في عائلة كريمة... غير ذليلة و لا مريضة... و نعمه لا تعدّ و لا تحصى... فاحرصي على تذكير نفسك بفضله العظيم.. وعلى شكره و حمده في كل الأحوال... السارة و ..... دعيني أقول الغير سارة...
ألم تسمعي قوله تعالى " و لان شكرتم لأزيدنّكم" ؟ ها هو ذا وعد من الذي يخلف الميعاد.

أختي... من أعظم نعم الله تعالى علينا.. كتابه عزّ و جلّ.. فيه من كل مثل... فيه شفاء و رحمة...
فيه من آيات السكينة ما يذهب عنك كل روع و همّ...
فالتفتي الى كتاب الله... و اعلمي أنه المنهاج الصحيح و الطريق الى السعادة و الهناء
+
حبيبتي في الله
لا تقلقي و لا تفكري كثيرا فيما هو آت... ان جاءك من رضيت دينه و خلقه فتلك نعمة اخرى من الله..
و ان تأخر عنك ففي السماء رزقكم و ما توعدون
اما والداك... فالله الله فيهما...
أبوك لو لم يكن مهتم بكم لما بحث عن عمل من اجل اطعامكم... و الله كاين آباء ربي يغفر لهم و لنا ما يحوسوش خلاص على ولادهم و ين راهم.. وش ياكلو.. وش يديرو... فاحمدي الله ليلا و نهارا
أما الأم.... با ربّي اغفر لأختي فيك... 'أمك ثم أمك ثم أمك' يا اختي اياك و امك.. كل شيء الّا هي.. ألا ترين أنها صابرة ما شاء الله؟ كيف تزيدين همّها؟ و انت التي يفترض بك أن تبلعي كل ما لك و تكوني لها عونا و سندا...
يا أختي كي لا تخطئي معها لا تتجنبيها.. بالعكس.. اذهبي اليها.. و فضفضي لها.. و دردشي معها.. و اجعليها ترتاح معك.. و انت بدورك سترتاحين معها...



آخر كلمة لي اختي...
أختي... الدنيا جناح بعوضة... معقول نصرف أعمارنا في القلق عليها؟؟ و على مشاكلها التي لا تنتهي؟؟ الله تعالى وعد عباده المتقين النعيم الأبدي... فلنقبل عليه اذا... و للننسى أمر الدنيا و أشغالها...

أحبك في الله.


تحيتي.. و الأخوة

__________________________________________________ __________

>>>> الرد الرابع :

الله يكون في عونك اختي كلنا عندنا مشاكل هذ هي الدنيا دايرة هكا واش نديرو لازم نصبرو وخلاص

__________________________________________________ __________

>>>> الرد الخامس :

الله يكون في عونك اختي كلنا عندنا مشاكل هذ ه هي الدنيا دايرة هكا واش نديرو لازم نصبرو وخلاص