مشكلتي ... احتقار امي لخطيبي تم حل المشكلة

عنوان الموضوع : مشكلتي ... احتقار امي لخطيبي تم حل المشكلة
مقدم من طرف منتديات العندليب

السلام عليكم

اخوتي في الله اود ان تعطوني رايكم في مشكلتي

انا مخطوبة منذ سنة و بسبب ظروف خطيبي الصعبه التي جعلتنا ناجل العرس حتى السنه المقبلة ان شاء الله

خطيبي كان طالبا معي منذ الثانوي احببنا بعضنا في صمت و بعدها تخرجنا في نفس السنة

كنت اتمناه زوجا و كنت اتجنب الذهاب للاعراس و الاختلاط حتى لا يخطبني احد و هو بادلني نفس الشعور في تلك الفتره كانت تحتقره امي كلما تكلمت عنه لانه كان بطالا ووالديه فقيران .

بعدها جاء لخطبتي و حط عليا الكلمة عام ( خاتم الكلمة شراه من اول ما خلص من الحانوت) كان يخدم في حانوت نتاع ملابس يعطيه مليون برك و من هذاك المليون كان مسكيت يشريلي حقي تاع العيد و تجي امه في كل المناسبات

بعدها توظف في منصب رائع فيها ستاج سنة ....- انا فرحت بزاااف في تلك الفتره لانو ماما قالت لازم تكون الشهرية و لاروترات-

كي ربح درنا العقد الشرعي و هو مسكين دفع فيا 05 ملايين و خاتم العرس ب 3 ملايين و الله حتى دراهم منحة الدراسة الجامعية داخلا فيهم بقا يلم باه يدفع فيا


-----------------------------

المهم بينتلكم وضعية خطيبي

------------------------------

اول امس تعاركت مع خطيبي على اشياء تافهة و نحن متوالفين نتخاصمو و نتصالحو ... كي رحت للعمل امي اتصلت بخطيبي اللي كان راقد قالتله واش صاري بينكم قال لها ماكان والو خالتي و سقساها على حالها و حال ابي


-------

بعدها عيطتلي امي ف الخدمه قالتلي عيطتله و حكا معايا بالتشناف و ما قيمنيش

انا بقيت كيما الماريونات بيناتهم قلتله صح ما حكيتش معاها مليح قالي لالا كنت بجانب اخي الكبير و انا ما نحبش مشاكلي يسمعو بيهم دارنا و قالي كنت راقد و حكيت نورمال

---------

كي قلتله انا هك راح فليكسا و بقا يعيطلها ما حبتش تهز عليه و طفات هاتفها بعدها جا لعندي لمكان العمل قالي راني نعيط و ما حبتش تهز عليا قلتله انا لالا بلاك راقده (حشمت ما لقيت ما نهدر)

و بعدها غير باه يراضيها قالي قوليلها تهدر معايا الا حبت نجيها للدار نراضيها

كي رحت للدار دارت فيا حاله و هو بقا يعيط لها هزت عليه قالت له انت تديرلنا غير المشاكل و هو بقا ساكت ما قالي والو

و بابا زاد عيطلي لانو يتبع امي بزااف تاني هو قالي كي نجي نقوله 05 اشهر و يدير العرس

و انا خطيبي ما عندوش ضرك رح يكمل الستاج هذا الشهر و يبدا يخلص

درك مارانيش نحكي مع حتى واحد ف الدار غير قافلا باب بيتي علاخاطر كرهت الظلم

انا نبغي الانساب بالقدر لانو هادي عشرة عمر


***********

للعلم خطيبي هاد المرة سحبو لابي رخصة سياقه راح جابهاله ف نفس اليوم

ازمة السيولة تاع الدراهم كان يجيبله دراهمه بلا ما يتعب

رحنا مره عطلة بقا يعس ف دارنا ف الليل يبات فيها

درنا حادث مره لقيناه غير هو




ادعولي الله يحفظكم ربي يكملي و نتزوج و يهنيني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله يا اختي كون جيت مكانك من تخلى عليه ولو بكنووووز الدنيا
ربي يهنيك نتي وياه باين عليه سيد الرجال
ربي يفرحكم ويكمل

__________________________________________________ __________

>>>> الرد الثاني :

معليش اختي واش راح ديري

انا نقولك راجل كما هدا اياك اياك تودريه حاولي تربحي داركم وتربحيه واحكي مع مك بلعقل بالاك يهديها ربي وربي يخليهولك ويحفظهولك ان شاء الله ويكمل بيناتكم

__________________________________________________ __________

>>>> الرد الثالث :

ربي يهدي والديك و يكملك مع خطيبك و يسرلكم اموركم ان شاء الله مي حاولي ما تبينيلوش راي والديك فيه لانو يجي يوم و يرضاو عليه ان شاء الله

__________________________________________________ __________

>>>> الرد الرابع :

ربي يفرج عليك أختي و يهدي والديك و يكملك مع خطيبك بالخير ، إصبري وأكثري من الدعاء .

__________________________________________________ __________

>>>> الرد الخامس :

يا اختي هذا خطيبك ما شاء الله ايك اتفرطي فيه
ووالديك بالحسنى يرضاو
الله اخليكم للبعض