اختي تحب شخصا متزوجا 3 تم الحل

عنوان الموضوع : اختي تحب شخصا متزوجا 3 تم الحل
مقدم من طرف منتديات العندليب

السلام عليكم ورحمة الله وبركاته
سمحولي قلقتكم معايا راني عارفة بصح نهار لي نحكيلكم وشحال نرتاح ربي عالم
حبيت نقولكم بلي ماما وصلتها لبابا جابلي ربي بابا فهمها بلمقلوب جا ليا جبدني من شعري وضربني جا عمي يسلك قالي وشبيك قتلو والو ماما قالت كيفاش هدا والو وختك مدايرة المداير ايا عمي ضربني بكف وزاد طلع لختي كسلها تاني انا زعفت وليت نبكي ولحد الان جسمي يسطر عليا جيت طالعة زاد خويا صرفقني بصقلة وشدني من شعري ومنعرف وش قال خملت قشي وداني خالي عند خالتي قعدت عندها معندهاش ولاد وراجلها خدام في ورقلة حكيتلها نخلعت وبقيت نبكي المهم ماما عيطت لدار خالتي وقالت بلي ختي خطبها صاحب خالي واش فرحت على خطراش راحة نتهنى منها وزدت فرحت كي قبلت ختي ايا رحت لدار لقيت خويا وبابا بابا قالي نلقاك برا نباصي عليك وخويا قالي ندبحك
وعمي قالي ندفنك حية وخالي قالي نكسرلك راسك وماما ياااااااااا ربي يجيك مكتوبك ونفك منكم
المهم قلت ماعليش حق الخير
دوك راني حايرة علاش مصيري هك حق ما درت الخير
لوكان غمضت عينيا وش كانت راح تكون العواقب؟
وش ندير نزوج بوليد عمي بسيف كبير عليا ويخدم في الجيش منشوفهش كامل ولا نريح عند خالتي بعيدة عليها الجامعة وهي قدها قد حالها
نريح فدار يعصروني ومشي محال نموت غير من الهدرة والعصير اففف
ياربي عاوني كرهت وسمحولي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصح يا اختي التصرفيق والقتلات والتكسال راه داير حالة عندكم ...وانت ذرك علاه الي راه اجي بعطيك حقك؟..نورمالمو اختك هي الي دارتها ماشي انت...مالا ذرك المشكلة تاع اختك انحلت وبسبابها وليتي انت في مشكل ..ها اصبري حتى يفتح عليك ربي وتزوجي انت ثاني وتتهناي.

__________________________________________________ __________

>>>> الرد الثاني :

نتيا كل مايجيو يضربوك يجبدوك من شعرك !

خالك جبدك من شعرك
عمك جبدك من شعرك
باباك جبدك من شعرك
خوك جبدك من شعرك

قصي شعرك وتهناي .. رانا نستناو في الحلقة 4 من مسلسل شفيقة

ربي يصلح اسرتكم ويفوتها على خير راني نشوف لازم الكبار تاع العيلة والعقلاء او امام مسجد الحي يلقاولكم حل قبل مايسيل الدم


__________________________________________________ __________

>>>> الرد الثالث :

اختي واش هادي الاحداث اللي راهي تصرا عندكم و الله مفهمت والو هل هذه القصة حقيقية و لالا
اذا كانت حقيقية ربي يفرج عليكم هادا واش نقدر نقولك

__________________________________________________ __________

>>>> الرد الرابع :

ربي يهديهم انشاء الله
وانتي صلي صلاة الاستخارة
وادعي ربي هو وحدو يفرجها عليك

__________________________________________________ __________

>>>> الرد الخامس :

بصراحة أسلوبك تحفــةhttps://3andlib.xplainer.net/images/smilies/smile.gif

المشكلة يا غالية على ما يبدو ليست في أختك

بل فيك ...

وما وقع درس لك لتعرفي أنك لا تعرفين أهلك ولا طريقة تفكيرهم https://3andlib.xplainer.net/images/...s/confused.gif

شيء مؤسف للغاية
تعيشين معهم ولم تقدّري من الأول أن اكتشافهم للأمر سيؤذيك
بل حتى أحكامك ليست صحيحة كما قلت في أول موضوع أن خالك رزين وإذا به مصارع من الدرجة الأولىhttps://3andlib.xplainer.net/images/smilies/redface.gif
عليك إذًا من الآن أن تستفيدي بأن العجلة في حل المشاكل تؤدي في الغالب إلى أزمة أكبر ومشاكل أخرى

وأن تدركي أن التعامل مع الأهل يحتاج رزانة وتعقل في مسائل مثل مسألة أختك

حلها معقول جدا ..يزوجونها وانتهى الأمر

لكن ما فعلته هي أصبح كابوسا بالنسبة لك لأنهم سيشكون فيك ويرون أنك قنبلة موقوتة سوف تنفجر في أي لحظة

ذكرتني ببيت جدي رحمه الله كلما رآنا وكان أبي يرحمه الله أكثر أفراد الأ سرة عنده بنات يقول له : ربي بلاك بالمصايب
مع أن والدي ربانا أحسن تربية ومع ذلك كان جدي فيه جاهلية لا تُتصور نتيجة اعتقاد أن البنت تجلب العار وكلما حدثت قصة في حيهم من قصص البنات والغراميات طبقها علينا وملأ رأس والدتي بأننا سنفعل ونفعل
يعني أصبحنا (ملطشة ) هم يعشقون ونحن ندفع الثمن https://3andlib.xplainer.net/images/...s/confused.gif


لذلك تعلّمي من هذه التجربة وتمسكي بأخلاقك وبدينك فهذا الشيء الوحيد الذي يجعلهم يغيرون نظرتهم إليك

رزقك الله الصبر ورزق أسرتك الرفق