اختي تحب شخصا متزوجا تم الاجابة

عنوان الموضوع : اختي تحب شخصا متزوجا تم الاجابة
مقدم من طرف منتديات العندليب

السلام عليكم ورحمة الله تعالى وبركاته
المشكلة هي اختي التي اكبرها بسنتين اي انا عمري 24 سنة وهي 22 سنة
انا وهي كصديقتين اكثر من اننا اختين تصارحني بما يخالجها وانا نفس الشيء
المهم
لاحظت على اختي من فترة وجيزة ان حالها مقلوب اي انها كثيرة التفكير شاردة الذهن تغيب مرات عن الجامعة هدا ما جعلني اقلق يعني خفت عليها تكون مريضة خصوصا خفت عليها من خويا لي بدا يشك وكل مرة يطل فيها يقولها مراكيش نورمال
وكنت نلاحظ ختي الصغيرة لي في عمرها 10 سنوات دايما معاها وختي الصغيرة كي تكون خارجة تخرج معاها ورقة صغيرة كي نسقسيها تقولي سهام بعتتني لصحبتها عادي مديتهاش فيها قلت في نفسي بلاك المهم نهار رحت نسجل فلجامعة هي كانت مريضة من كرشها مرض شخصي قاتلي هاكي سجليني معاك كي وصلت للجامعة تلاقيت بلبنات صحباتها سلمت عليهم وقلت لصحبتها مالكي انتي وختي سهام الرسائل يظلو داخلين خارجين بيناتكم هاو هدرو في البورطابل صحبتها قاتلي لا مكاش منها هادي انا حرت وجبتها على طرف قلتلها فهميني ودوك بدات تتهرب استعملت معاها اسلوب تصغار العقل على سعدي قلتلها اممممم راها حاكيتلي وش هو حبيت نعرف وشبيها برك ايا قاتلي بلي الراجل لي تبغيه دا مرتو وراحو عطلة انا انصدمت قلتلها وشنو ؟ قاتلي ايه انا دخت كلي طاحت عليا بلوكا ثلج بارد رحت لدار لقيتها مريحة بلا منفيق ضربتها بكف وقلتلها متحشميش ايا ناضت بدات تبكي وتسب فيا قاتلي ماما وشبيك يا طفلة هبلتي؟ حكمت ختي الصغيرة تاني خوفتها حتى قاتلي بلي الرسائل كنت نمدهم لواحد راه يجي هنا انا هبلت وهي بدات تقولي نحبو ايه ملقيتش وش ندير قلت لماما ماما انبتها بصح منضعرتش قعدت معاها قتلها انا ختك ونبغيك كن يسمع خوك صح خويا صغير بصح مبرهش ايا هزتلي كتافها انا رحت لهداك الراجل وراتهوني ختي الصغيرة يخدم في حانوت ايا بخصت بيه بصح هدرت معاه قالي بلي ايه نبغيها ونهارات نجي نخطبها ونطلق مرتي ياويلي نخلعت اختي دمرت عائلة محبيتش نقول لماما عندها الظغط والله راني نفكر نقول لخالي ايه خالي انسان رزين وتاني قدي في العمر وانسان متفهم وكنت نقصدو دايما غير هو
دروك راني حابة نصيحتكم كي ندير؟ ربي يخليكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

...................


بالنسبة لمشكلتك أختي فانتبهي لأختك جيدًا .. راقبيها في كل صغيرة وكبير

والله إن فتيات هذا الوقت إذا لم يجدن شخصا صارما سيفعن ما يشئن

وفقك الله

__________________________________________________ __________

>>>> الرد الثاني :

مشكلة والله

لازم التريث

وتنصحي أختك بالتي هي أحسن

تريد أن تخرب عائلة من أجل عشق

الله يسترنا يارب

أختك ربي يجبلها مكتوبها
وماتحزنش

ومازال كاين الرجال تاع الصح

مش داك الراجل فقط

راهم ملايين وبعقليات متفواته

اذا عقلي اختك وفهميها مليــــــــــــــــح

__________________________________________________ __________

>>>> الرد الثالث :

السلام عليكم, عليك أن تبقي الى جانبها ولا تتركيها وحدها أبدا حتى لا يتلاعب الشيطان بعقلها (لها عقل مثلك أخي فهي ليست حيوانا)قلت عليك بنصحها و الصبر عليها كما عليك ان تنسيها هذا الذئب الذي يريد ان يفكك رباط اسرة من اجل شهوة عابرة, ثم من قال انه لن يفعل باختك ما ينوي فعله بزوجته؟؟؟
وفقنا الله و اياكم لما يحب ويرضى


__________________________________________________ __________

>>>> الرد الرابع :

الحل هو وضع الجميع أمام الأمر الواقع
اعلام الأم و الأب و اخبارهما بالحقيقة كما هي دون خجل أو حياء لأنه غالبا ما السكوت عنها يفضي الى أمور أكثر تعقيدا فالمشكل ليس عندما لاتعلمين بالأمر بل عندما تعلمين و تضنين أنك لسبب من الأسباب أنه يجب عليك السكوت ...ادن لا سكوت بل و ضع النقاط على الحروف بالنسبة لعائلتك و عائلة الشاب المتزوج باعلام زوجته أو أصهاره أو من قد يكون له القدرة للضغط عليه لأنه انسان لا يخاف الله و يتلاعب بزوجته والا فلما يقول أنه سيطلقها ليخطب الأخرى.... للأسف النساء جعلن من أنفسهن أمرا هينا حتى في الزواج الدي قال الله فيه أنه الميثاق الغليظ...
و الله أمر مؤسف و ما يحز في نفسي هو أن يأتي الأمر من جامعية تعلم ما لا تعلمه غيرها من النساء الماكثات في البيوت و الغير متعلمات..
الله يهدي ما خلق...
تحياتي

__________________________________________________ __________

>>>> الرد الخامس :

صحيح مقال الاخ
لازم تخبري العائله ولا تشوف شيء واحد تحبو من خلاتك ولا خوالك ويكون متفهم احكيله تره يكلمها بلااك تعقل وعلابالي في حاله هك راها تسمع كلام البراني تشوف بلي يحب مصلحتها
وشوفي شيء صديقة ليها تحبها تاع الصح وتبغي مصلحتها تحكي معاها وتخبرها تفهمها لانو اختك والله مزالها صغيرة

ونشوف بلي يلعب بيها هذا الذيب وقثوليلها انت ثاني الا تزوجك هذا الا صرا يلقى وحد اخرى عمرها 20يزيد يقلك باباي ويروحلها هذا ذئب فاحذري منه احذري
وان تكلف الامر اخبري زوجته بالهاتف على اساس انك فاعله خير وهي توريله شغله ولا خبري باباك علابالي صعيبه مي لازم يوقف وتوقف عند حدها ونشوف بلي هي الي فتحتلو الطريق لانها لوكان صداتو اول مرة ميصراش هك اختك باينة راها غارقة خلاص مالا عندكم عليها ساهل ياسر يلعب بيها ويدير بيها وش يحب اسمحيلي على الكلام هذا مي هذا الواقع والمسلسلات التركية والي يتبعها راهم عزايز وهبلو خلي يا المراهقين
نصيحه من اخت تبلغ 19 سنة