اخر زمن تم حل المشكلة

عنوان الموضوع : اخر زمن تم حل المشكلة
مقدم من طرف منتديات العندليب

السلام عليكم انا مشكلتي مع زوجي لم يدم زواجنا 8اشهر انا استادة وزجي محاسب في البنك يعني الراتب نتاعو يفوق 6ملاين خممنا مع بعض في مشروع وهو شراء منزل الراتب نتاعو شرى بيه المنزل والراتب نتاعي استغليناه في امور المنزل لكن زوجي لحد الان لم يتخلص من الديون التي عليه انا بديت نتقلق من الحالة هدي لانني لم اجد اي مبادرة من عند زوجي يعني شهريتو مقيستهاش خلاص من نهار لي تزوجنا وليت نحس بلي زوجي مادي بزاف وتقلقت وقتلو متزيدش تدي من الراتب نتاعي لانني كرهت معدتش نحس في روحي متزوجة براجل وليت نشوف في روحي انا الراجل لانه استغلني بزاف وهد السبب احدث مشكلة بيننا وشتمني وعيط عليا وقالي انت انانية وعرفتك اخيرا بيلي مادية يعني وليت انا المادية واش رايكم في هدا المشكلة وشكون الغالط انا ولا هو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مادام مكانش الأولد ليكيدي عليك

__________________________________________________ __________

>>>> الرد الثاني :

واحد فيكم ماراه غالط ... المشكل راهو في

الوقت هادا هو الغلط باسكو واحد ماراهو قانع

بواش عندو .... تلقايه طبيب فاتح عيادة يدخل في

الشهر الملايين و مامتو فاتح حانوت و يتاجر

القناعة مكانش يا ختي هنا المشكل

__________________________________________________ __________

>>>> الرد الثالث :

لم يدم زواجنا 8اشهر......يعني خلااااااص طلاااااااق؟؟؟؟؟ اختي حاولي تحكي معاه بصريح العبارة.....قوليلو وجهة النظر تاعك اكيد رح يسمعك تناقشو مليح وفهمي منو ...هادو المشاكل راهم كاينين الدنيا تبدلت والظروف تبدلت والعقلية تبدلت..حاولو تحلو المشكل بيناتكم وبهدوء لا داعي لتكبير الامور..واجهو بعضاكم ...والله مكانش كيما الصراحة ....

__________________________________________________ __________

>>>> الرد الرابع :

انتي الغالطة و هو تاني
للانك انتي من نهار لول عودتيه انو ياخد من راتبك او يخليك تصرفي على الدار بلا ما تتناقشو
يا اختي ماتكبروش المشاكل وحاولي تفاهمي معاه هكدا احسن

__________________________________________________ __________

>>>> الرد الخامس :

سلام اختي علاه الدراهم تاعو راه يضيع فيهم في الباطل باه ماكملش الدين تاعو؟لاكان الله غالب اعتبري روحك راكي تعاوني فيه هذا مكان و لا اعتبريهم سلف برك.و زيد الحل بيدك انت تفاهمي معاه راح يزعف و يولي نورمال