رح نموت مشكلتي

عنوان الموضوع : رح نموت مشكلتي
مقدم من طرف منتديات العندليب

بآختصار مشكلتي اني فتاة بائسة في هاد الحياة كل منقول رح تضحكلي الدنيا تزيد تسواد عليا حابة نفهم واش درتلهم علاش هكدا يعاملوني علش علاش علاش متقولوليش خواتاتك مهمش خواتاتي راهم عديان عدوات من لحمي ودمي حسودات من لحمي ودمي ميسواوش من قبل كتبت موضوع وقلتلكم فيه معاناتي في المنزل معاهم نخدم كي الرخسية كي البونيشة لا لشيء لوجه ربي ووجه امي كل اشغال البيت الراحة معنديش نغسل نظف من التنظيف مرضت بالحساسية ورح توليلي اقزيما في يديا الكلاب يغيضوهم وانا منغيضهمش وفوق كل هذا الاهانات اليومية ساكتة لانهم فضحونا وسط الجيران صواتهم العالية رجالة وجامي سمعت صوتهم وهوما كل يوم شجار وضرب وسب وشتم حتى انني من الغش والغضب خممت نشتكي عليهم ونباسيهم
خلاص يا ديني خلاص مخي رح يترتق جبتها في صحتي كرهت الدار رح نرفد التيليفون ونقول لخطيبي ارواح اديني بيا باللباس اللي عليا غير نخرج من الدار هاذي حسبي الله ونعم الوكيل فيهم كبره مزوجوش انا اللي نخلصها واش دخلني فيهم ماش مشكلتي ربي يسهل عليهم يخطيوني االي عنده مشكل يحكمه ليه
معايرة كل يوم وتسقاط هدرة كلام قلب العبد يدود منه يولي كحل بالسيف يكحلولي في قلبي رغما عني يشريو ويصرفه على الدار ويعايروا والديا هاذوا نساء؟ نعلبوا النسا اللي كيما هكدا واحد مطلبهم في النقود يحبه يمدولك ويهينوك المن والاذى اقسم بالله العلي العظيم مصروفي اللي يمدهولي والدي يكفيني ويزيد وفيه الف بركة منطلبش منهم الف فرنك قالك علاش مترخسش روحا لينا ونحطه عليها الرجل ونعفصوها هاذي اللي حابة تزوج قبلنا هذا حسد مكانش كيفه مانيش نبي بصح صاريتلي كيف سيدنا يوسف عليه السلام والله على ما اقول شهيد كل يوم يحوسوا على المشاكل كل دقيقة مشكل كل دقيقة شجار كل دقيقة
ماذنبي ؟ هل لانني اجمل منهن ؟ ربي اللي خلقني مانيش انا اللي خلقت روحي ؟ هل ذنبي لانني كملت دراستي وهوما كانه يعايروني يغبائي ؟هل لانني مخطوبة وهوما لالا؟ واش ذنبي مبلعة فمي مندخل في حاجة خاطيتني مانهدر منسقط عليهم وفوق كل هذا ساكتة مرضوني عاد قلبي ينوضلي والقولون ينوضلي ودماغي ينوضلي مرضت ومارايحة ونضعاف ونخلص وهوما قلبهم اشد من الحجارة قط كنت مربيته كي يشوفني نبكي نغيضه يولي يلحس فيا وهوما كره وحقد ونظرات الكره في عينيهم
وزيد فوق كل هذا معايرة بالبطالة والفشل الخ راني نهدر والدوخة دايرتلي ادعيولي يفرج ربي عليا رح نموت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يفرج احتسبي عند المولى عز وجل وادعي في جوف الليل ماهو الا ابتلاء حبيبتي فاصبري ايام معدوده وينتهي الامر
https://t0.gstatic.com/images?q=tbn:...mWezrwDRzZiino

__________________________________________________ __________

>>>> الرد الثاني :

ربي يفرج عليك اختي........

__________________________________________________ __________

>>>> الرد الثالث :

السلام عليكم

لا اله الا الله سيدنا محمد رسول الله

اخيتي هوني عليك مصيرك الى بيت زوجك قابلي السيئة بالحسنة حتى تفترقن برائحة طيبة و حينها سيشعرن بقيمتك و يتذكرن منك الا الجميل

لا تشعيريهن ان الله امن عليك بالزوج و هن لا بل حاولي ان تشعيريهن انكن سواسية و ان مكتبوهن تاخر لا غير

كابري دموعك اختي اشتكي للعلي القدير احتسبي بالدعاء و الصلاة حتى تفرج

كان الله في عونك .......

__________________________________________________ __________

>>>> الرد الرابع :

حسبنا الله ونعم الوكيل ربي يفرج عليك حبيبتي
اكيد الفرج قريب وانت باينة علي انسانة طيبة وخاصة انك تعملي لوجه ربي
ولوجهامك ورضاها
تفائلي خيرا فاكيد كل هته المشاكل ستنتهي قريبا وستسعدين في حياتك مع زوجك ان شاء الله
امي عانت الامرين مع والديها واخوتها حتا انهم اسكنوها في غرفة خالية من كل شيئ وكي زوجت فرج عليها ربي والحمد لله
وانتي كذلك ا شاء الله

__________________________________________________ __________

>>>> الرد الخامس :

ما بقاش و تتهناي منهم يا اختي حاولي تحكي مع خطيبك يزرب بالعرس حتى تتهناي منهم و قولي ديما حسبي الله و نعم الو كيل انت راكي عارفة السبب علاه يعملو هكا هي فقط الغيرة لانو القط كي ما يوصلش للشحمه يقول عليها و نوصيكح ما ترفديش في قلبك و ما تعمريش راسك بيهم ما يستاهلوش باه تخسري صحتك علاجالهم