صلاة الاستخارة 2 تم حل المشكلة
عنوان الموضوع : صلاة الاستخارة 2 تم حل المشكلة
مقدم من طرف منتديات العندليب
السلام عليكم و رحمة الله و بركاته انا صاحبة موضوع صلاة الاستخارة اللي يظهرلي اغلبية الاعضاء اللي اضطلعو على الموضوع ما فهمونيش بزاااف اللي قالولي ما تلعبيش بولاد النس و حرام عليك............. انا الشخص اللي تقدملي عرفتو قبل هدا اللي راني معاه وقلت عرفتو معرفة سطحية لما تقدملي قالولي ما تدريش المكتوب واين صلي صلاة الاستخارة و بلاك فيها خير هدا ماكان
على العموم نشكر اللي ردو عليا كامل بلي فهم الحكاية و و بلي ما فهمش انا صليت صلاة الاستخارة على هاد الشخص و نمت جاءت امو قاتلي اعطيني مفتاح زعمة حوست عليه قلتلها ماكانش و مبعد قلتله حبسي بلاك هاهو بصح ما شفيتش لكان مديتهولها و لا لالا المهم انا ردينا على الخاطب بلالا بصح هوما مازال عندهم امل و انا ما قلتش للي راني معاه بالحكاية خلاص.
و دركة ما علاباليش علاه راني حاسة بلي ما رانيش رايحة نكمل معاه ديما ندعي ربي لكان عاد ماشي من نصيبي اصرفه عني و اصرفني عنه هو ديما يقولي انت لي انا وحدي و اوكان يديك واحد خلاف نولي نسكر ونكره النساء و جامي ويلا نزوج هاد الكلام ولا يخوفني بزااااف و ماما ولات ديما تقولي اخطيك منو ..... والله كرهت حابة نريح ساعات نقول ندير اي سبة ونفريها ونقعد وحدي باه نرتاح و كي يعود من مكتوبي يجي نهار ويتقدملي هاد التخمام معمرلي راسي هاد الايام و مالقيت واش ندير مخليتها على ربي و خلاص.
زيدو دبرو عليا نتوما رايكم يهمنيhttps://3andlib.xplainer.net/images/smilies/sdf.gif
وشكر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا اختي كيفاه جا واحد و ناوي الحلال ...صلي استخارة و اسئلي عليه او الوال هو لي يسئل عليه ان كان شخص صالح علاش ترفضي
و هدا لي راكي تقولي راني معاه واش يضمنلك انك تكملي معاه و تكوني زوجته،وعلااااااااه مايجيش يخطبك،غادي تقولي ضروف....مهما كانت الضروف يجي يتقدم المهم يهدر عليك هكدا لما تحكي معاه يكون خطيبك مش شيئ اخر
__________________________________________________ __________
>>>> الرد الثاني :
السلام عليكم جميعا
انا فقط حبيت نعقب على حاجة و هي خطأ شائع عند بعض الناس و هو انه يقولك لما نصلي صلاة الاستخارة لازم نشوف منام على الحاجة اللي
راني ناويها و لكن هذا غير وارد فجواب هذه الصلاة هو ان ربي يشرح صدورنا لما فيه الخير لنا و يوجهنا لاتخاذ القرار السليم
يا اختي كوني مع ربي أكيد رايحة توصلي للطريق الصح و ربي يرزقك الزوج الصالخ اللي يستاهلك و يصونك
__________________________________________________ __________
>>>> الرد الثالث :
اختي شوفي لكان راكي مرتاحة مع هذا اللي راكي معاه قوليلو يجي يهدر عليك هدرة وخلاص والشيء اللخر حتى يفرج ربي المهم تتهناي من هاذ التخمام وترتاحي....ولكان مراكيش مرتاحالو الاحسن انك تنهي العلاقة هاذي في الحين....ربي يوفقك اختي ويفرج عليك...
__________________________________________________ __________
>>>> الرد الرابع :
والله تحير هاد الدنيا
كاين شي بنات نص راجل مالقاوهش ههههه
و كاين شي بنات راهم بالشبعة
أنا نقول ديري شادي مادي
__________________________________________________ __________
>>>> الرد الخامس :
شوفي أختي إذا هذا الشخص لي تقدملك ولد فاميلية و خدام علاه ترفضيه ؟ أقبلي بيه ، هذا على الأقل بانت نيته إتجاهك و جاكم للدار ، ماشي كيما صديقك لي راكي معاه في ثلاث سنين و مدارش خطوة رسمية ، قاعد يجيب في الوقت ، حتى تلقي روحك كبرتي و فرص الزواج تقل ، خمي بعقلك .
