عنوان الموضوع : هل اتزوج رغما عني مشكلتي
مقدم من طرف منتديات العندليب
تقدم لخطبتي شخص واهلي عجبهم لانه كما يقولون لاباس بيه .وانا رفضاتو تماما تقدروا تقولو نكرهوا .تصوروا اليوم جاء قدام خدمتي بقا يستنا فيا نخرج ومعاه صاحبوا وكي خرجت شفتوا يوري فيا لصاحبوا وصاحبوا مات بضحك.في الحقيقة حسيتو عاد دايرني تليفيزيون لصحابوا انا نعرف الانسان كي ينوي يختار شريكة حياته ميحطهاش تفريجة للغاشي يتسما من بدايتها مش غاير عليها وهدا بالرغم من ان عمرو 36 سنة.ودارنا يشوفو فيا بلي راني نشرشيلو .لكن الانسان بتصرفات صغيرة راح تعبر عن الكثير من شخصية الانسان.ماذا افعل هل انساق وراء راي اهلي الذين حكموا عليه من مجرد شكله ومنصبه وانا اكره .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لازم تحكي معاه حسب واش فهمت مازال ماحكيتي معاه أحكي معاه وبيني رايك في كل شيئ هكدا تقدري تتخذي موقف الله المستعان ربي يفرج عليك و يسهلك ان شاء الله
__________________________________________________ __________
>>>> الرد الثاني :
اختي الزواج ماهوش زواج ليلة كيما يقولو الزواج انك تعيشي مع انسان حياتك كامل انك تكوني معاه ويكون معاك في كل لحظات عمرك في فرحك وقرحك هو راح يكون ليك زوج وحبيب وصديق و واب واخ ووووو لازم تعرفي وين راح تحطي رجليك مليح هادا ولا واحد آخر وماتقدريش تحكمي عليه من جاست وحدة دارها بالاك نيتو صافية بالاك هو انسان مليح لازم تحكي معاه وتعرفيه سيرتو كيعادو والديك عاجبهم انتي شوفي عقليتو ادا عجبك فهو مبارك وادا ماعجبكش اكيد والديك مش راح يجبروك .... ربي يقدرلك الخير وين ماكان
__________________________________________________ __________
>>>> الرد الثالث :
لزام تحكى لاهلك عليك كيف راه يتصرف معاك
__________________________________________________ __________
>>>> الرد الرابع :
من راي انك تعبري عن رايك لاهلك اشرحيلهم وجهة نظرك وهما يتصرفو معاه و يقولولو مكانش نصيب ..... بالتي هي احسن خير من تواجهيه يمكن تجرحيه بصراحتك و يمكن رايح يزهجك في المستقبل ... انا ننصحك ان لا تنصاعي لراي والديك لانك صاحبة الشان الاولى و الاخيرة .... ان تتحداي اليوم خير من تندمي طول العمر فالزواح مبني على الرضا الذي يولد المودة و الرحمة و عدم القبول هو سبب لفشل العلاقة الاسرية ا ربي يوفقك و يسر امرك توكلي على الله و تظرعي للمولى فلا قادر سواه .......... ربي يسهل انا رايحا ندعيلك و نتمنى ربي يستجيب
__________________________________________________ __________
>>>> الرد الخامس :
لو اخبرتي اهلك عما يفعله اعتقد ان نظرتهم اليه ستتغير
ان لم تتغير ..فلا تفعلي شيئا انتي غير مقتنعة به
لان الزواج هو عمر باكمله ..لابد له من تفكير
و اختيار صحيح
بالتوفيق
