اختي الصغيرة تم حل المشكلة

عنوان الموضوع : اختي الصغيرة تم حل المشكلة
مقدم من طرف منتديات العندليب

السلام عليكم

اخوتي اريد ان اطرح لكم مشكلتي و اتمنى ان اجد حلا او على الاقل النصح منكم

انا فتاة عمري 19 سنة المشكلة التي ساطرحها تتعلق باختي الصغيرة المتمردة عمرها 16 سنة الصراحة طايشة بزاف لدرجة متتصوروهاش و انا كل ما نكتشف عليها حاجة نخاف نبيعها معلاباليش علاه عندها تلفون شاريهولها بابا مي عنها تلفون وحدوخر تهدر بيه بلا معلابالهم درانا طبعا على خاطر راهي مريحة عند جدي و جدة مرضى يعني دايرين عليهم الدالة و اختي متخافش بصراحة معلاباليش كيفاش نوصفلكم المشكلة بالضبط نتمنى تكونو فهمتوني عاونوني كيفاش ندير معاها انا اليوم هدرت مع ماما و قلتلها متزيدوش تخلوها تروح عند جدي و ماما توسوست قاتلي قوليلي اذا كاين كاش حاجة شكت معرفتش واش ندير نتمنى تنصحوني و اي استفسار لي عودة ان شاء الله حتى ان تطلب الامر ان اضع موضوع جديد


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جربي تكلمي مع اختك بحنان وهدوء وقوليلهااخطيك من الطوايش ولانقول لمما وستني منبااسبوع لا مهداهش ربي قولي لمماك

__________________________________________________ __________

>>>> الرد الثاني :

شوفي اختي والله لو انا منك اقول لأمك كل شي

هي الآن في مرحلة لن تخاف احد لكن ان وجدت امك بجانبها توجهها للأحسن

فلن تخافي

وربي يسهل واليوم خير من غدوة

__________________________________________________ __________

>>>> الرد الثالث :

سلالالالالام شوفي يا بنتي انا من رايي خبري امك اختك راها في سن المراهقة وراه كل حاجة باينتلها ساهلة وفي هدي المرحلة لازم امك لتصاحبها وتلزليها غير بشويا حتى تعرف واش عندها مش بالعنف غير بسياسا ربي يهدي بنات المسلمين

__________________________________________________ __________

>>>> الرد الرابع :

شوفي اختي هاذ المرحلة بزاف حساسة لانها في المراهقة الكاملة ننصحك بشيء اجبديها ليك من قبل اهدري معاها اذا ماجابتش نتيجة قولي ليماك ننصحك احكمي العصا من وسط يعني ما تزيري ما ترخي و حاولي تتصرفي قبل فوات الاوان

__________________________________________________ __________

>>>> الرد الخامس :

السلام عليكم,
يا اختي من رايي انك تعلمي امك بكلشي و ما تخبيش عليها
و تقدري تطلبي منعا فرصة تهدري انتي مع اختك على اساس انو , واحد ما علابالو
اذا اقتنعت مليح, اذا ما سمعتش كلامك تدخل الوالدة و دير اللي تشوف فيه مناسب

ربي يهدينا و يهدي كل بنات المسلمين