عنوان الموضوع : أريد آراءكم
مقدم من طرف منتديات العندليب
السلام عليكم
أريد طرح قضية خاصة عن عائلتي
أنا امرأة متزوجة وعندي طفلان الحمد لله على كل شيء المهم :
زوجي كان يعمل عادي وبين ليلة وضحاها أصبح بدون عمل وذرك راهو يتعب باه يجيبلنا لقمة الخبز وزيد أنا راني نعاون فيه في الدار لأني أعمل بعقود لانام
المهم في القضية ليس أنا وإنما أختي
أختي في عمرها 33 سنة وقارية لاباس بيها وتعمل مثلي عقود لانام وزيد أمي راهي تصرف عليها كيما تحب يعني راهي في رحمة ربي
جاها خاطب من العايلة يخدم عند روحو
يعني يعمل الفلاحة والأغنام والنحل
أنا نصحتها قلتلها اصبري يجيبلك ربي واحد قاري خير منو
هي راهي محتارة وأخواتي المتزوجات شجعوها وكذلك زوجات إخوتي
أما أمي ماراهيش متحمسة وخاوتي قالولها كيما بغيتي ديري لأنو الأب متوفي ربي يرحموا
إخوتي هل أخطأت عندما قلتلها أصبري يجيبلك ربي واحد خير منو أم لا
باعتبار أني راني نتعب بزاف في مصاريف البيت وندير حسابات بزاف ما بغيتهاش هي تاني تتعب كيفي
أنا بغيتلها مصلحتها من فضلكم إنصحوني وانصحوها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تحوسوا
على بطاقة التأمين
لا مشكل في ذلك
آخر دراسة نشرت الأسبوع الماضي تقول
أن هناك يوميا 13 حالة زواج من أجنبيات من جزائريين
ونحن لدينا 14 مليون عانس
ومازلت الناس تتحدث على بطاقة التأمين ................
المهم
بالتوفيق
__________________________________________________ __________
>>>> الرد الثاني :
انا اختي يظهرلي خليها تروح دير دار و اولاد على روحها 33 سنة و تقوليلها اصبري ربي يجيبلك احسن منه لالا لازم تشجعيها بدل ما توقفي في طريقها و ربي معاكم ان شاء الله
__________________________________________________ __________
>>>> الرد الثالث :
ياختي خليها تدي قرارها بعقلها ماشي تفكيرك او عقلك يلي صرالك ماشي بالضرورة يصرالها او زيد الخدمة هذي ماشي عيب راهو ربي يلي يرزقك او زيد راهي مهيش صغيرة ياربي دير دار او ولاد ربي يجيبلها يلي فيه الخير
__________________________________________________ __________
>>>> الرد الرابع :
استخارة ثم استخارة ثم استخارة
ربي يقدملها الخير
__________________________________________________ __________
>>>> الرد الخامس :
نقولك قوليلها تصلي صلاة الاستخارة
وتاني اذا كان هاذ السيد راجل صالح وعلاش لالا ............كامل الرجال تتعب باه تجيب مصروف عايلتها وماتعرفي بلاك ربي يرزقو هاذ السيد على وجهها
