زوجي يخونني

عنوان الموضوع : زوجي يخونني
مقدم من طرف منتديات العندليب

السلام عليكم المشكل باين من العنوان من مدة اكتشفت انو زوجي يخونني مع امراة يتواعد معها و يكلمها فالهاتف و الفيسبوك واجهتو وانكر و صار بيناتنا عراك كبير لحق حتى قريب رحت لدارنا و لم يعترف مع اني قلتلو بلي قريت كامل لي ميساج قالي درتهم بلعاني نجرب فيك هادي كي ماصاب مايقول بعدها ظنيت بلي اخطاها حتى نكتشف بلي مازال معها و عييت من هاد المشكل لاني جوزت يامات الليل ما نرقدتش و ضرك قررت ياش نوكل امري لله و مع كل اذان نقول حسبي الله و نعم الوكيل عليها على خاطر ما حبيتش نهدم بيتي بيناتنا طفلة عمرها عام هو ما تبدلش عليا لوكان ما نساش الفيس مفتوح كنت ما نعرفش قولولي نسكت و ندعي ربي يهديه ولا اقترحو عليا حل اخر شكرا لي سمعتوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أطلبي الله أن يهديه

وإذا لم يتوقف واجهيه

وإذا لم يتوقف فالأحسن لك الطلاق أحسن من أن ينقل لك أحد الأمراض القاتلة

__________________________________________________ __________

>>>> الرد الثاني :

m3a kol ihtiramati lik, hada rhis w enti 3labalek bli c'est vrai, mala ya yged rouhou ya kolilou ntalkek, w zid haja ida 3andek des preuves 3lih men internet ytalkouk facilement ida haba bien sur ana manich nhared fik juste khawfih surtout goulilou nedilek tofla, c'est koi hadou l'3bad dir m3ahom nia materbeh, allah wakilhom

__________________________________________________ __________

>>>> الرد الثالث :

وكلي امرك لله الطلاق ماشي ساهل

__________________________________________________ __________

>>>> الرد الرابع :

عوضيه بما وجده في غيرك و املئي فراغه ...الغيرة الزائدة تهدم الأسرة... عالجي الأمر بحكمة ... هي مراهقة عابرة يمر بها الكثير من الرجال ...

__________________________________________________ __________

>>>> الرد الخامس :

اختي هذه المشكلة لازم تعاجيها بسرعة كاين بزاف رجال زوجوا على نساهم غي من خلال بنات الفيس بوك الله يهديهم
المهم اختي ماتتعجلي في اتخاذ القرار هذه ماشي ساهلة باش تفكري في الطلاق احسن شء عنك عندما تواجههيه يكون متلبس يعني في وقت الدردشة مع البنت هذي
وربي يهديه ويسر لسك سبل النجاح