واش ندير معاه تم حل المشكلة
عنوان الموضوع : واش ندير معاه تم حل المشكلة
مقدم من طرف منتديات العندليب
السلام عليكم و رحمة الله ترددت كثير قبل ما نكتب لحساسية الموضوع لكن المواضيع هنا شجعتني باش نفتح قلبي و نحكي المشكل ديالي و شفت بلي ما رانيش غير انا لي نعاني منو المهم انا مزوجة من 6 سنوات رجل كنت دايرة فيه الثقة العمياء يعاملني مليح و متفاهمين حتى اكتشفت بلي عندو علاقات فالمواقع الاجتماعية حسبتهاتحبس تم و قلت نسكت و خلاص بصح مؤخرا اكتشفت بلي راه مع علاقة بامراة تسكن في نفس المنطقة و يتلاقا بيها و يصرف عليها كهدرت معاه ضربني و انكر و قالي كيفاه تحوسي فاغراضي على جال الاولاد ما حبيتش نخبر اهلي بالضرب و بعد 5 ايام جا طلب السماح و سمحتلو و حسبت خلاص ولا للطريق لكن الكارثة انو مازالو معاها همال جاتني فكرة و انصحوني الا مليحة او لا قلت فالعيد كنروح لدارنا 3يوم نخليلو رسالة فالميكرو و نكوبيلو كامل لي ميساج لي صبتهم بالاك يحس بيا خفت نواجهو مباشرة يضربني ولا تكبربيناتنا للعلم انا نحب زوجي و راني حايرة في امري و الامراة هادي ما تخافش ربي وصلت حتى وين دخلت داري في غيابي يعني المشكل راه كبير ماشي غير تيليفونات و ميساجات اسمحولي الا طولت بصح غير انتوما لي قدرت نسركم بسري و ادعولي ربي يفرج همي و يهدي زوجي.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي وصل به الامر لحد خيانتك وانت صابرة وصامتة
الا تخافين ان ينقل لكي الامراض المعدية
اختي صارحي زوجكي وخاطبيه بالادلة وحاولي انقاذ حياتك الزوجية
ربي يهدي راجلك
__________________________________________________ __________
>>>> الرد الثاني :
ربي يهديه
نصيحتي لك ان تواجهي الزوج ديالك و تحطيه فالأمر الواقع لأن السكوت ديالك هو لي لحقوا يدخلها لدارك
أتكلمي معاه ان شاء الله يفهمك
و ربي يهدي هاطو لبنات لي يتقربوا من راجل متزوج
ربي يتسرنا
__________________________________________________ __________
>>>> الرد الثالث :
سلام أختي
لكان قدرتي أحكمي عليه أدلة ديري نسخ لكلش تحتاجيها روحي لدار أهلك و شوفي إيدرولك حل قادر ينقلك مرض خطير
__________________________________________________ __________
>>>> الرد الرابع :
علاش تخلعوا فيها
روحي لاقرب امام عندكم و احكيلو هو يرشدك وا ش تديري
و ماتنسايش ادعي الله و صلي اولا
__________________________________________________ __________
>>>> الرد الخامس :
أخبري أهلك بكل ما يقوم به وهم سيساعدونك في إتخاد القرار الصائب .
