عنوان الموضوع : مهنة خطيبي
مقدم من طرف منتديات العندليب
السلام عليكم
انا فتاة مخطوبة لشاب قمة في الاخلاق و يحبني و نحبو
لكن مهنته دارتلي مشكل وين ما نروح يسقسوني واش يخدم راجلك نقولهم طباخ يبداو يسخرو مني
انا مكملة دراستي و قارية الحمد لله لكن هو ماحصلش حتى باكالوريا
لكن انا قابلة بيه ونحبو ومانلقاش كيفو
كيفاه ندير مع اهلي و الناس الي مرة على مرة يجبدولي الموضوع تاع طباخ
يقولولي كيفاه تدي طباخ مالقيتي غير هو وانت قارية و فاهمة وشابة و كلام لا معنى له
عاونوني كيفاه نير معاهم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا أختى وشبيه الطباخ ياخي خدمة شريفة ويجيب قوتوا من عرق جبينوا ويقدر يعيشك نت وولادك مستقبلا
اما بالنسبة لفرق التعليم هدا مش مشكل خصوصا كي تكون المرأة هي لي قارية على الراجل نفرضوا راكي ديتي واحد عندوا دكتورة ونتوما ماشي متفاهمين ويكرهلك حياتك واش تديري بيه (وزيد يكون حاسب روحوا عليك )
أختى لكان بناتكم انجداب وتفاهم غير توكلي على ربي وبالبراكة انشاء الله
__________________________________________________ __________
>>>> الرد الثاني :
ماتقوليلهمش طباخ
قوليلهم موظف في المطعم
المهم يجيب رزقه بالحلال
وقادر يصرف عليا
__________________________________________________ __________
>>>> الرد الثالث :
شوفي أختي الفايدة يكون تفاهم و انسجام و لعباد تاعنا ما يسكتوش و كي تجيهم فكرة في بالهم يروح المنطق والدين و القيم و قدما تفهميهم ما يحبوش يفهموا أقتليهم بالبارد و ما تبينيلهمش بلي تأثرت بكلاهم و كي يسقسيوك أعطيلهم إجابات ساخرة حتى يحبسوا و الله عن تجربة (قوليلهم مثلا باه نتهنى من الطياب و أضحكي)
__________________________________________________ __________
>>>> الرد الرابع :
و هل مهنة الطباخ مهنة حرام ؟؟؟ اتقي الله و ساعدوا بعضكما بأن تقيما سنة الله و رسوله و تحفضا فروجكما .
__________________________________________________ __________
>>>> الرد الخامس :
لهذه الاسباب ارتفعت نسبة العنوسة بالجزائر
