عنوان الموضوع : عجوزتي المدللة
مقدم من طرف منتديات العندليب
ل
- م اكن اريد ان اكتب عنها شيئا في يوم من الايام خاصة انني امضيت معها ليومنا هذا نصف عمري ..ولكن الشيء اذا زاد عن حده انقلب ال ضده ....تخيلوا انها تعتبر نفسها دائما ضيفة في بيت ابنها ..وتتصرف على اساس انها ليست احد افراد العائلة ...فهو لا يعنيها شىء سوى ما يهمها اويخدم مصلحتها ...وتتصرف تصرفات اراها صبيانية جدا ...وتشعرك دائما انها مسكينة ومظلومة ومهمشة ...مؤخرا لم تعد تعين في شيء مع انها بصحة جيدة نكاية في طبعا في شهر فعل الخير والاعانة عليه ...هي على فراشها تتقلب كل النها ر من قناة الى قناة ووعندما يؤذن المغرب وتفطر تتجه الى المسجد للتراويح ؟؟؟ ما رايكم يا معشر القراء هل مثل هؤلاء الحموات يستحقن التقدير والاحترام ؟ وينزلن منزلة الامهات ؟ حسبي الله ونعم الوكيل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي قالك دير الخير وانساه ودير الش وتفكروا
الانسان لما يكبر يصبح كطفل صغيير مدلل
لذا نصيحتي لكي انسيها ولا تهتمي لما تفعله
انت قةمي بواجبك اتجاهها ولا تنتظري منها شيئا اعتبريها واخدا من اطفالك الصغار
وثقي ان الله سيؤجرك على ذلك اجرا كبيرا
__________________________________________________ __________
>>>> الرد الثاني :
وحدة في الدنيا ما تصل منزلة الوالدة .
ربي يعاونك ... اتكلي على روحك و ما تستنيش منها أدير فيك الخير راكي مرا قادرا على شقاء و هذا مكان
المعادلة صعبة الحل
__________________________________________________ __________
>>>> الرد الثالث :
اختي بصح نتي واش قلقك
لوكان تدخل للكوزينة ماتحبوش تقولي راني في داري و راهي تدخل روحها وتتحكم فيا و تزاحمني في داري
جبدت روحها قلتي راهي ادير كي الضيفة
راكي حابة تخدمي عجوزتك الشغل
هي الكبيرة و انتي الصغيرة هي تعبت بكري باش جابت الراجل اللي راكي مزوجة بيه امالا دوك من حقها ترتاح
راكي تقولي بصحتها يعني ماراهيش مريضة و انتي ترفديها و تغسليلها و تغيريلها الحفاضات كي بعض العجايز المرضى
اختي ما تخليش الشيطان يلعب بيك من جيهتها لانها ما راحش تعيش قد اللي عاشت
ربي يعينك و انتي احتسبي تعبك عند الله و ديريها كي يماك و صيبيلها الاعدار
و على سؤالك نقولك ايه و علاش ما تستحقش الاحترام و التقدير!!!!!!!!!!!!!!!
__________________________________________________ __________
>>>> الرد الرابع :
يا اختي وش نقلك وسعي قلبك واصبري
عجوزتك مكان امك وتاني الصراحة بك انتي يماك تقبلي تخليها تروح تغلس لمواعن ولا تروح تسيق وووو
اكيد راح تقولي لالالا
الازم عليك تتحمليها و لكل شيء ثواب وثوابك ان صبرتي الجنة
عامليها بما يرضي الله وانتظري اجرك من الله فقط
عامليها بالاحترام والمحبه والتقدير والرحمة
تفكري الدنيا دوراة
راج يجي يوم وتكوني عجوزي ديري الخير تلقاي الخير
وكما تدين تدان
__________________________________________________ __________
>>>> الرد الخامس :
زعما كون جات يماك تحبيها تقعد و لا تنوض
يخي عقليه
