عنوان الموضوع : مشكلة في الصلاة مشكلتي
مقدم من طرف منتديات العندليب
السلام عليكم ورحمة الله
تكمن المشكلة في اني لا أركز في الصلاة لاني دائما أفكر بفتاة سحرتني بجمالها و أخلاقها رغم أني أعرف انها لن تكون من نصيبي راكم تعرفوا الزوالي معندوش قيمة في هاد الوقت هذا لا يعني اني حقرت روحي و لكنه واقع مأكد في مجتمعنا
والله أصبحت نحس بلي راني مقصر في حق ربي و أحاول أن أخشع في الصلاة ولكن بعد دقيقة اعاود التفكير بها
خاوتي أدعولي ننسى هذه الفتاة و نتهنى ونكمل حياتي عادي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ألهذه الدرجة؟؟أي فاتنة هذه؟؟ربي يجعلها من نصيبك
مادام راهي تجيك في صلاتك ادعي ربي تكون من نصيبك وييسرلك ربي وتكون حلالك،راني عارفة الزوالي كيما قلت انت كيفاش يعاملوه في مجتمعنا وكيفاش يحتقروه بالصح صدقنب كاين بنات الله يبارك عز وجاه ومال ومابغات غير الزوالي تكمل حياتها معاه في ظل حيرة كل المجتمع وهاذي قصص حثيثية،امالا ما تستاهنش بروحك ممكن الحوايج لي فيك يغنو عن مال الدنيا،ربي ينحي حاجات بالصح يعوضهم بحاجات اخرى
حاول تتقدملها من الباب الكبير وماتدري توافق وتكون من نصيبك
ربي معاك خويا وبالتوفيق
__________________________________________________ __________
>>>> الرد الثاني :
هذا يسموه تزيين من الشيطان خويا
اذا تقدر تونقاجي و تطبب الباب اللهم بارك حسيت روحك ماكش قادر اجبد روحك و لي ماهو ليك غير يعييك و انهي هاذ لحكاية نهائيا
البنات ماراحش يخلاصو
والشيطان مادام يعرف نقاط اي واحد منا دايما يستغلها ويقدر يزين و يشبح للانسان اي عفسة حتى ولو كانت تافهة
والانسان ضعيف ينخدع بالوهم و ياكل المقلب و النتيجة ف الاخر انو يلقى روحو خاسر
سواء يطيح ف ذنب و لا ينقطع عن طاعة ولا يضعف ايمانو
ما تخليش بليس يديرلك صنم ف قلبك و استعين بالله و كثر الدعاء و الاستغفار
__________________________________________________ __________
>>>> الرد الثالث :
وما أكثر الفاتنات في زماننا
لو كان نتبعوك أنت
الواحد ميصليش ركعة وحدة صافية لربي
المهم تذكر في الأول والخير أنها إمرأة كباقي النساء
لها ما لها وعليها ما عليها
__________________________________________________ __________
>>>> الرد الرابع :
ماتفقدش الامل بلاك تكون من نصيبك ان شاء الله
ثق بالله فحسب
__________________________________________________ __________
>>>> الرد الخامس :
حاجة مليح كي راك تحس مقصر في حق ربي سبحانو
اكثر من الاستغفاار ووالدعاء
وكي تدعي قول يارب اخرج حب هذي الفتاة من قلبي
ربي يقدملك الخير يا اخي
