عنوان الموضوع : اكاد انفجر مشكلتي
مقدم من طرف منتديات العندليب
السلآم عليكم و رحمة الله تعالى و بركاته
أرجوكم أن تعيروا موضوعي بعض الإهتمآم لأني أكأد أنفجرْ
الحمد لله انا ناجحة في بكالوريا 2015 بمعدل جيد جدا و اخترت تخصص الطب عن قناعة وصليت صلاة استخارة و الحمد لله كنت مرتاحة جدا جدا من اختياري لكن المشكل انو
كآين نآس راهم خوفوني من الطب بزآف مكآش اللي يطلع المورال و لا غي اللي يهبطو ، و كي يشوفو كاش واحد يسأل على الدخول الجآمعي في سيدي بلعباس وقتآش يزيدو يهبطولو المورال و هوما سنة 6 طب اللي يسمعهم يقول هوما زادو قاريين و مخافوش من السنة 1 وقاعدين يتمسخروا على طلاب السنة 1 و زيد كي سألتهم اذا دراسة الطب في بلعباس جيدة ام لا قلتلهم منيش حابة نقى 7 سنين و نخرج niveau 0 قالي واحد غي niveau 0 اللي فيهافيها واش بيهم الناس دايرين هاكا هادي هدرة يقولوها لواحد حاب يدخل جديد للجامعة ؟؟؟؟
و الله تكون حاب تقرى الطب بصح كي تسمع هاكا يكرهولك الطب و يكرهولك النهار اللي جا فيه الطب و انا خلاص بديت نستسلم من الآن و ملقيتش حتى واش ندير باه يرجعلي حب الطب و الله غير راني خايفة بزاف لاتنسوني من صالح الدعاء ارجوكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا حنونة كثرتى كلمة طب فى الموضوع خخخخخخخ
مي راهم يقولولك هكذا من الضغوط اللى راهم فيها
انا راني فى العاصمة مي نحب نقولك اولا انو سنة اولى ساهلة بزاف هكا شفتها انا برك فيها مواد بزاف واغلبهم نسيناهم دركا https://3andlib.xplainer.net/images/smilies/1.gif
والمشاكل تبدى من السنة الثانية مع الاناتومي يعنى احفظي وبالصورة 3d شكل العظام مثلا راح ينطبع فى مخك تولى تعرفيه كثر من باباك https://3andlib.xplainer.net/images/smilies/1.gif راح تولي رسامة ماهرة https://3andlib.xplainer.net/images/smilies/19.gif ونصيحة اشري الالوان قد ما تقدري لان من كثرة الدروس راح تحتاجيها وتولي تلوني كيما الاطفال خخ
يا عزيزتي متزعفيش الطب هبلنا واغلبية الطلبة كارهين والنيفو قد ما تقراي تلقاي روحك بعيدة لان الطب دراسة مدى الحياة لا تنتهي يعني ديري فى بالك راكي مgاجية https://3andlib.xplainer.net/images/smilies/1.gifhttps://3andlib.xplainer.net/images/smilies/1.gif
دوك تزيدي تكرهي مني انا تاني خخخخخخخ شوفي تحبي الصح الصح رغم صعوبات الطب الا انها اجمل دراسة تقرايها فى حياتك راح تتثقفي بزاااف فى كل المجالات وراح تتقربي من ربي بزاف لما تشوفي عجائب جسم الانسان
وراح تتوسع نظرتك للحياة بزاف وتتغير افكارك والعجايز كامل يولو يحبوك باش تنتهلاي فيهم https://3andlib.xplainer.net/images/smilies/biggrin.gifhttps://3andlib.xplainer.net/images/smilies/biggrin.gif
ننصحك اقراي من قلبك هذي امانة وارواح بشر ومتقلقيش روحك بشويا درك تدخلي يفهموك كلش
واذا احتجتى حاجة رانى هنا ابعثيلي نفهمك
ربي معاك
__________________________________________________ __________
>>>> الرد الثاني :
سلام عليكم عليكم
نصيحة ليك اختي الحاجة لي عندك فيها عزيمة وصح حابة تقريها من قلبك اقريها وما تسمعيش لكلام لاخرين وثاني ما كاين حتى حاجة ساهلة في دنيا بركا لازمك المثابرة والعزيمة كل واحد وكيفاه حسب العقل واش يفهم ويستوعب اصابع الايدي ليست مثل بعض وربي يوفق
__________________________________________________ __________
>>>> الرد الثالث :
السلام عليكم
اختي لا تستمعي الى كلام المثبطين و ما اكثرهم
انا مثلك كنت اسال كثيرا عن تخصصي الجامعي بحثا عن علومات اكثر و ربما تشجيع
و لم اسمع ما يرضيني من بعضهم (لكني لم التفت اليهم)
و كأن بعض الناس مهمتهم احباط الاخرين
مادام عندك الرغبة اذن توكلي على الله و خذي بالاسباب و الله الموفق
__________________________________________________ __________
>>>> الرد الرابع :
العلم لله
ربي اعاونك
__________________________________________________ __________
>>>> الرد الخامس :
السلام عليكم
1 كي تحبي تنفاجري كيما قلتي استغفريالله احسن لك
2 ادا عندك ثقة في نفسك و عندك مستوى جيد علاش تسالي ناس ....اقراي روحك و افهمي وحدك...وانتي لي راح تعرفي ادا ساهل و لاصاعب
ربي يوفقك
