تابع الخوف من زوجي المستقبلي 2 تم الحل
عنوان الموضوع : تابع الخوف من زوجي المستقبلي 2 تم الحل
مقدم من طرف منتديات العندليب
السلام عليكم
اشكر الجميع على الردود الطيبة و التي كانت عون لي في كيفية التصرف و السير
و فعلا قمنا بالسؤال عليه في الحومة و كامل شكروه من ناحية الاخلاق و التدين و الطيبة و لكن في الاغلب ما امه تضهر لنا الشكوك حول نفسها و معيشتها
المهم بعد ما سقسينا عليه قلت لماما سقسي يماه ادا بعد الفاتحة نهدرو مع بعضانا بقصد التعارف فكان ردها نعم هدا طبيعي و هو موافق على الكلام بالهاتف
انا فرحت و حمدت الله على دلك على الاقل يطمئن قلبي اكتر واكتر من ناحيته و نبدا نوالفو الى حين الزواج
بعد الفاتحة انتضرت امه تدي الهاتف ديالي باش تعطيه لوليدها بصح هي ماداتوش قلت ماعليش جازو ايام قلت لماما عيطيلها و اهدري معاها و افهمي السبب لي خلاها مفتحتش الموضوع
المهم ماما هدرت معاها و فهمتها انو الان هي مسألة حقوق و واجبات زوج و زوجة اما يماها قالتها وليدي يحشم
بعدها دات الهاتف ديالي و الى يومنا هدا زوجي محوسش يهدر معايا كامل
تعيشو قولولي واش معناها هد التصرف تع زوجي و انا واش نقدر ندير و ادا عادي انا نعيطلو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي يا اختى هذا الشخص هل يعرفه ابوك واخوتك بمعنى هل سبق وشافوه وكلموه وجلس امامهم عادي وكلمهم
وانتي هل شفتيه الشوفة الشرعية من قبل ام لا
اذا كان جوابك على هذه الاسئلة نعم وخلاص هو معروف عند اهلك اذن لا داعي للتفكير فى الامر والاستعجال
اما اذا كان لا فلا باس ان يلتقيه واحد من اخوانك ويكلمه ويحاول يعرف عقليتو شوية دون ان يعلم انه من طرفك يعني بحكم انكم نسبان ليرتاح قلبك فقط بما انك حابة تطمئني
اما انك تعيطيلو لا طبعا يعني هو يحشم وانتى لالا https://3andlib.xplainer.net/images/...s/confused.gif متعمليش اي خطوة دون استشارة اهلك
ولا تعطي للامر اكبر من حجمه هذه مجرد خطبة وعندك الوقت للتفكير والسؤال
وربي يوفقك
__________________________________________________ __________
>>>> الرد الثاني :
عيطيلو وديري روحك راكي تسقسي على اي حاجة
ممكن تتنحلو الحشمة
__________________________________________________ __________
>>>> الرد الثالث :
السلام عليكم
يا اختي انتم سقسيتو عليه و حمد لله لقيتو سيرته مليحة
صح من المفروض تحكي معاه بعد العقد....لكن هو لي يطلب هدا مش انتي ..لا تصري على هدا واصبري حتى يكلمك هو
__________________________________________________ __________
>>>> الرد الرابع :
انا ننصحك اهدري معاه ما تعاوديش الغلطة تع بنت عمتي حتى خلصتها غالية ..اعرفي العقلية قوليلي ديركت نهدر معاك باش نعرفو العقلية تع بعضانا
__________________________________________________ __________
>>>> الرد الخامس :
هل تكلم معه احد محارمك او سال عنه ؟ ربما معد او مريض نفسيا او مختل
