عنوان الموضوع : قلبي يتمزق تم الاجابة
مقدم من طرف منتديات العندليب
السلام عليكم ورحمة الله وبركاته
خاوتي لعزاز حبيت نفضفض شوية ونحكيلكم مشكلتي خاطر نتوما ناس ثيقة الله يبارك وراح نهدر بالدرجة باش نلقا راحتي اكتر المهم يا خاوتي انا طفلة عندي قريب 21سنة نقرت في الجامعة سنة ثالثة المهم الحمد لله ربي عطاني بزااااف ميزات في حياتي ومن بينهم الجمال ولله الحمد وحبيت ننوه بلي انا جامي درت علاقة ولو لمرة واحدة ولا حتى علاقة صداقة مع الجنس الاخر لاني ضد الموضوع هذا اساسا,وكنت دايما نعتبر الحب شىء تافه لابعد الحدود وصحاباتي يقولولي نتي معقدة وجامي اثروا فيا لكن المشكل العويص اللي صرالي واللي اثر فيا وخلاني نكتب مشكلتي بدا ه\ا العام وبالذات في شهر افريل حيث اني اعجبت بشخص يطلع معانا في الحافة '' الكوس" مع اني كنت مانطيقوش ونكرهو لكن مع مرور الايام وليت نتوحشو بزاف لانو اساسا هو قليل الحضور تقريبا نشوفو مرة كل 15يوم او اقل لكن تعقدت مشكلتي اكثر لما وليت نخمم فيه كل دقيقة ونتخيل روحي عايشة معاها في الحلال وهو زوجي ومازاد الطين بله هو اني صرت نشوفو كل يوم في منامي ونحلم بيه وكينكون قاعدة في الجاردان ديالنا ونشوف للسماء نشوف وجهو والله ماراني نزيد كلمة عليكم وليت مهبولة بيه بعدما كنت مانطيقوش وهو كان كل يوم يقعد قريب ليا ويشوف ليا والظاهر عليه يحبني بزاف لكن ماقدرش يصارحني خاصة لما جا عندي صاحبو وقالي انو يحبني لكن انا قلتلو انا خاطيني العلاقات ومستحيل نقبل نمشي مع حتى واحد حتى يجيبلي ربي مكتوبي لباب دارنا يا جماعة ربي يستركم قولولي واش ندير راني مرضت على جالو لاني حبيتو حب حقيقي وعميق وراني ضحيت بالاف الخطاب على جالو وراني مستعدة نضحي بكل حياتي باش نكون معاه في الحلال عموما نسيت نقوللكم ان فيه مشكلة وح اخرى انو هو صغير وسنو نفس سني لكن ربي شاهد انو لو ناويني خير نستناه طول حياتي ومعنديش مانع نعيش معاه وين يحب ونضحي لاني بين قوسين والفت عيشة الرفاهية ولله الحمد والشكر قولولي يا جماعة كيفاش ندير في حبي المرضي له ولو حصل وصارحني كيف اقولله نعم انا ايضا احبك علما اني نحشم بزززاف والموضوع الاخر اني لست محجبة لكن انا ناوية نديرو باذن المولى وخايفة يكون اخذ موقف مني لاني لست محجبة ارجوكم افيدوني افادكم الله وجعلها في ميزان حسناتكم انا في امس الحاجة الى مساعدتكم فلا تبخلوا علي ارجووووووووووووكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبوبتي توكلي على ربي و استخيريه و ادعيه دايما
و قوليلو ربي اكتبليو كونلي للي فيه الخير
ماتدريش منين تجيك حنونة و ربي يكتبهولك
انت بقاي فموقفك هك و ماتتنازليش و كوني حازمة ممكن يحكم فيك كتر
و اكيد كون يحوس عليك بجدية يسقسي عليك و ينويك للحلال و يقدم لباب الدار
ربي يفرحك
__________________________________________________ __________
>>>> الرد الثاني :
اختي يسعدني أن أرد عليكي،
ماأعجبني فيكي هو أنك لحد الآن لم تقوم بعلاقات محرمة و لله الحمد،و أتمنى أن تسيري على هذا الدرب، في الحقيقة نسمع كثيرا بهذه القصص (أعجني شخص و أريده زوجا.............)، إذا كتب الله لكي هذا الشخص زوجا سوف يكون لكي على رغم كل الظروف، لكن أنصحك أختي أن لا تقوم بعلاقة محرمة و تندمي عليها بعدها، لنفرض أنك ارتبطت به وقت من الزمن و لم تكملا علاقتكما بالزواج ألن يصيبك الندم بعدها على تضييع وقتك في الحرام؟بلا، لذلك إبقي كما أنت نظيفة و إهتمي بدراستك و مستقبلك، و الزواج إذا بني على الحلال من البداية سوف يكون مباركا و تكون حياتك سعيدة بعدها، هل فهمتني؟ هذه العلاقات ليس لها أساس من الصحة و ما تمرين به مجرد إعجاب فقط سوف يزول مع الوقت حاولي أن لا تفكري فيه، حين يأتي وقت الزواج سوف يسهل الله ذلك لك إنشاء الله, و فيما يخص مسألة الحجاب فإذا نويت إرتدائه فهو لله وحده و السعي لمرضاته لأنه هو سبحانه من فرضه عليك و ليس لإرضاء عبد من عباده,
أتمنى أختي التوفيق لك في دراستك و أيضا في إرتداء الحجاب عجلي في ذلك فإنه خير إنشاء الله.
أختك في الله
__________________________________________________ __________
>>>> الرد الثالث :
السلام عليكم
انصحك اختاه الاهتمام بالدراسة فموضوع الزواج لم يحن بعد والسلام
__________________________________________________ __________
>>>> الرد الرابع :
ارجوك حبيبتي انتي مازالك صغيرة و عمر ما تضحي على واحد ما علابالكش اصلا واش يخمم ولا راكي في بالو اصلا
وزيد هو صغير ونتي تبقاي تستناي فيه شكون ضمنلك يجيك
بالنسبة للحجاب فهو مرضاة لله عز وجل قبل كل شيء
__________________________________________________ __________
>>>> الرد الخامس :
والله ظننتك محجبة في اول كلآمك ،
إن شاء الله ييسر لك الله ارتدآء الحجاب في القريب العاجل ،
ومن فضلك واصلي كما أنت ،
ومافي قلبك من مشاعر خليها على مستوى قلبك فقط وماتخليش الشيطان يجرأك تقومي باي فعل ،
وربي راه قريب منك لي في قلبك احكيه في سجودك ودعاءك ،
لانو في النهاية ماراح يكون الا ما كتبه الله
تفضلي لتعرفي دوآء مرضك كما وصفتي
https://www.youtube.com/watch?v=Lcw8CcaEJpA
ان شاء الله تسمعيها وتكتبي الدعاء و ترددينه في كل وقت
راهي دقيقة ونصف فقط !
