عجوزتي طردتني 2 مشكلة

عنوان الموضوع : عجوزتي طردتني 2 مشكلة
مقدم من طرف منتديات العندليب

السلام عليكم
انا صاحبة المشكلة التي ذكرتها سابقا وكتبتهالي جارتنا في القسم
قرأت كل الردود مشكورين اخواتي واخواني العزاز على ردودكم الطيبة
كاينة عضوة هنا ردت عليا واتهمتني بضرب عجوزتي ربما صرالها خلط انا لم اتعدى عليها حتى سلفتي لم اتعدى عليها بل انا اللي تعداو عليا رغم انه كنت قادرة الاثنتان نغلبهم لانهن رقيقات واقل مني طولا بصح وصلت لنقطة اين انني استحليت ضربهم صدقا لانني نستاهل رجليا جابوني لهاديك الدار وكان سكوتي سبب في تأزم الوضع حتى ان معاملة كلب المنزل احسن من معاملتي السكوت ليس بالحل لوكان وضعت خطوط حمراء لكرامتي ليس بيتني وبين زوجي بل بينهن لكان الوضع اختلف الشيء اللي كان مسكتني اني عايشة في دارها وكانت ضاغطة عليا بهاد النقطة الشيء اللي صرا ردني في حالة لولا ستر الله لاصبت بانهيار عصبي ولكن الحمد لله طلعلي الضغط وستر ربي متشليتش
الحقيقة والحمد لله لكني لا اتشفى فيها هي تبقى جدة ولادي شيخي كي عرف واش صرا اتخذ موقف ضدها وضد سلفتي مرضيتلهاش واش صرا حيث انه قام بضربهما وحدة اخرى رح تتشفى لكن لا ليست من شيمي لوكان وصلت لدرجة التشفي لكنت قادرة على ضربهما الاثنتان او حتى تقديم شكوى ضدهما نتيجة الاثار اللي تركوهالي من الضرب كيما قالولي
انا والحمد لله جابلي ربي حقي وجا شيخي وزوجي باش يراضيوني بصح هوما مجاوش بالطبع كرامتهم متسمحش يطلبوا السماح من كلبة المنزل والحمد لله ابي ايضا اتخذ موقف هو واعمامي بلزوم الكراء وعمي الله يخليه راح يكريلنا الشقة تاعوا اللي هي استوديوا لكن الحمد لله نعيش في قربي ومنعيشش معاها حفاظا على صحتي التي ذهبت حيث ان عمري 32 سنة وعندي الضغط يرتفعلي وما خفي اعظم الحمد لله
نطمنكم الحمد لله حلت اموري


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يكون معاك احتي

__________________________________________________ __________

>>>> الرد الثاني :

ربي معاك وري يفرج عليك

__________________________________________________ __________

>>>> الرد الثالث :

ربي يكون معاك انتي علمتيهم مايحترموكش ربي ياخذلك الحق ماتخافيش

__________________________________________________ __________

>>>> الرد الرابع :

ربي يكون معاك

__________________________________________________ __________

>>>> الرد الخامس :

الحمد لله . ربما الله جعل لك هذه الحادثة ليكون منها المخرج لمشاكلك كاملة . ربي يهنيك ان شاء الله