اعطوني راي تم الاجابة

عنوان الموضوع : اعطوني راي تم الاجابة
مقدم من طرف منتديات العندليب

السلام عليكم اتمنى من المشرفين ان لا يغلقو الموضوع بسرعة لاني والله في امس الحاجة لكل رد او كلمة نصح
انا متزوجة منذ 7 سنوات ولي طفلان صغيران الكبير عندو 5 سنوات عندي بيت مستقل ومستقرة ماديا لا احد يزعجني وانا لا ازعج احد من اقارب زوجي او اقاربي وهو كذالك كل عائلتي تحترمه مهما يحصل بيني وبينه
انا اعيش حياة زوجية تعيسة امام الناس نبان سعيدة ومتفاهمة مع زوجي لاني لا اشتكي للمقربين ابدا سوى اهلي اللذين لا يتدخلون ابدا في شؤوني الزوجية
كما قلت حياتي تعيسة زوجي صامت في البيت وان كلمته اشبعني كلام فاحش وضرب امام اولادي ولدي الكبير ترباتلو عقد نفسية ورجع يتلعثم في الكلام حتى اخذته لطبيبة واكدت انو السبب نفسي نظرا لما يشاهده من عنف داخل البيت كما قلت الحياة معه صامطة وجحيم علاقة حميمية لا توجد الا نادرا ولا تكتمل وهو لا يهتم واظنه بل ومتاكدة من اعتراف منه انه اسير العادة السرية ولما اقول له وانا ؟ يقولي ماعنديش رغبة فيك هو سنه 43 وانا 26 سنة كان قد طلقني عد مرات فاقت 4 لكن قال انه سال مفتي وقال له ان طلاق الغضب غير محسوب اخبرت اهلي انه طلقني فلم يتقبلو وقالو لي تقعدي تماك مكانش الطلاق
هو دائما يهينني ولا يحترمني وصراحة انا ايضا فقدت احترامي له كليا يقولي راكي عايشة تاكلي وتشربي ايا بلعي فمك واقعدي ؟ هانتني بزاف هاد العبارة وانا ابنة عز وتربيت في الدلال ولما تزوجته تزوجته لاني احببته بصدق وليس لاني كنت بايرة او قاتلني الجوع وعريانة
هو علاقاته متعددة حتى اني كنت اجد محاداثات له على الشات فيها شذوذ يعني يكلم رجال دوما يكرر كره لي انا تعبت بزاف ورجعت هاملة نبات قدام الميكرو المنتدى سكنت فيه رجعت نخدم في الدار ونجي للميكو وندخل لعالم اخر رجعت كما المرهقات اتمنى بشدة لو اسمع كلمة غزل بل وتحرك قلبي كثيرا ترجيته نبدو صفحة جديدة ونحبو بعض من جديد وعندي استعداد للتغير لكنه فجاني انه لا يريد بل يريد ان نعيش معا من اجل الاطفال وكل واحد في حده انا مانقدرش وهو ماعندوش مشكل انو يطلقني فقط على جال الصغار مخليني في بيتو انا هبلت من راسي ماعدت عارفة روحي لا راني في الحلال او الحرام مع انو الطلقتين الاخيرتين كانو مقصدوين ولم نكن في شجار عنيف حتى نقولو طلاق في اغلاق كرهت وكما تعرفو انا انسانة وعندي رغبة لكن ......لا يريد رجعت نشوف افلام اباحية ومرات نصلي ونبكي ونندم ومن بعد نعاود نرجع ضايعة وماعرفش سلاكها ابي وامي منفصلين واخوتي رفضو استقبالي مع اطفالي بعد الطلاق يعني لا ملجئ لي ياويني مع صغاري عندي مبلغ من المال يقدر ب 140 مليون لكن لا اعرف ماذا افعل به كي ابني حياة كريمة لاطفالي ولي بعيدا عنه هو مريض نفسي وعاجز جنسي وعندو ادوية كأبة ولا اظنه يتناولها بل يرميها ويعمل حالو شربها لاني اعرف طبعه جيدا دبرو عليا وديرولي الكوراج خايفة يجي النهار ونغلط غلطة كبيرة لقدر الله رجعت بعد معاملتو ليا ضايعة ومحتاجة اني احس اني امرءة مع العلم انو شكلي وقدي مقبول ولست بشعة او يعيبني شيئ في جسمي
دبرو عليا وعطوني راي كيفاش نعمل راني ضايعة تاع الصح وزوجي لما اترجاه ونحدثه ونقله الزواج دارو ربي باش الرجل يحصن زوجتو والعكس يتضايق من كلامي نقلو كي راك هاجرني هكا ومخليني كي المعلقة ماتخافش عليا نغلط او نضعف امام كلمة رقيقة من شخص ما قالي انا ماعلاباليش بيك وكون نسمع عليك حاجة نذبحك نورمال اقعدي هكا ولا روحي انتي لا صقة فيا انا قلتلك نكرهك وشادك غير على جال ولادي
المهم اخوتي هذا المهم ذكرته بغض النظر عن الجوانب الاخرى لانو المنتدى باكمله راح يجيني قليل لو احكي كل ما في قلبي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي العزيزه ربي يفرج عليك ويهنيك ان شاء الله..لازم تفكريي في أولادك هو ليس إنسان قدوه لأولاده ..يجب أن تكوني قويه و تاخذي قرار و مادام طلقك الطلاق ليس شييء سهل يتلاعب به ...تصرفي كأنه مات و أنهي حياتك ب دوونه مادام رآح الاحترام و الكرامه مبقتش معيشه معاه و ربي يكوون معآك .

__________________________________________________ __________

>>>> الرد الثاني :

أنت تقولين انه شاذ جنسيا وعاجز

هنا أنتفت صفة الزواج وأحد اهم مقاصده

الطلاق مهما كانت الظروف

وتأكدي أن إذا كان يخالط الشاذين جنسيا فسينتقل إليه مرض خطير فاولئك عافان الله أغلبهم مرضى بالسيدا

__________________________________________________ __________

>>>> الرد الثالث :

لا حول و لا قوة الا بالله العلي العظيم .... ربي يفرج عليك اختي ما اقوله لك اسالي جيدا عن الطلاق لانك تقولي انه طلقك 4 مرات و المرتين الاخيرتين لم تكونا تحت تاثير الغضب ...... لن اقول لك اصبري و اصبري لانه من خلال كلامك راكي تعانين جدا لانه ممكن يجي الوقت و ينفد صبرك و تجي على صحتك و صحة اولادك و هم صغار و يشوفو معاناتك

صعب جدا لما يكونوا الوالدين منفصلين لانك بدلك لن تجدي الى من تلجئين..... حاولي انشاء مشروع خاص بك باموالك الخاصة و ان كنت دو شهادة جامعية ابحثي عن العمل و اخدمي على اولادك

في حالتك هده فابغض الحلال عند الله هو الحل



نعرف واحدة مثل حالتك كانت مطلقة و لديها بنت و اعادت الزواج مرة اخرى و عندها معه 03 بنات و مع دلك لما كانت موش عايشة معاه مليح تركت له المنزل و اخدت البنات و كرات دار و هي خدامة على بناتها

ربي يفرج همك ان شاء الله

__________________________________________________ __________

>>>> الرد الرابع :

rabi yfarag alik bish balaki min lahram aokhti

__________________________________________________ __________

>>>> الرد الخامس :

ملقيتش واش نقول ذهبتلي لهدرة يحسن عونك زعمة المرأة دير زوج و أطفال باش تتهنى بصح رانا نشوفو المرأة راهي تنذل بعد الزوج يا أختي واش نقولك الحل هو تصبري على وجه ولادك و ابغض الحلال الي هو الطلاق خير متروحي للحرام نعرف وحدة زوجها ضعيف جنسيا كانت دايرة صحبها و صحبها عندو خطيبتو شوفي وين وصلنا و ماشي غير هذي راهم ألأاف