عنوان الموضوع : مشكلتي اخي تم حل المشكلة
مقدم من طرف منتديات العندليب
السلام عليكم ورحمة الله وبركاته
يا اخواني واخواتي انا محتاجة نصيحتكم وش ندير مع خويا ؟؟
انا عمري 19 نقرا في الليسي ماديتش اباك وراني نعاود فيه وعندي اخ عمرو 21 هو جامعي هو الشاب الوحيدة بين 5 بنات وهو الاكبر بكل صراحة انا خويا من النوع الخفيف والضحايكي والغير مبالي ويدور بلبنات بزاف انا صح نتهم بيه مي مانقدرش نحكي معاه في اموروا الشخصية
المهم خويا لاحظت في الفترة الاخيرة هادي عندها 15 يوم بدا يتبدل ويرجع شاب مليح يعني رجع يصلي ويعاملنا مليح وكامل استغربنا هاد الامر وكي بديت نحوس نفهم عرفت انو مداير صاحبتو وهي وحدة من اللي اللي نقرا فيه وهي تاني هاد العام باك وقل مني بعام حوست مليح وعرفت هي اللي راهي ماثرة فيه هكا وحتى جا هوا وحدو وحدو عاد يخالطنا ويحكي معانا ويسقسي علينا وعلى وش نحتاجوا وكي سقسيتو قالي الطفلة هادي اللي تعرفت عليها بدلتني ورجعتني هاد هي تقولو اهتم بخواتاتك وامك وباباك وهي اللي كانت تحكيلو على الدين حتى يرجع يصلي وهي عندها حركة ديرها كي يبقى على الادان دقايق تعطيلو تحكي معها هو يدن هي تقولو نروح نصلي ونجي هو حتى عاد كي تكوبي يروح هوا تاني يتضوا ويصلي انا عرفت بلي الطفلة هادي كانت حاجة ايجابية في حياتو
مي الشملكة انو جاتني صاحبتي قاتلي بلي خويا او شاف خوك من قبل يتكيف زطلة انا تشوكيت وما عرفتش وش ندير
في رايكم نحكي مع الطفلة وهي تلقى حل وتبعدو عليها ولا نخاف نقلها تجبد روحها عليه وهو بدا يتبدل ويتعدل ولا انا نحكي معها ولا كيفاه ندير؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
kheti khalih balak hadi haja fatat w 3adat matgoulilha ma walou khaliha madam hadi tofla salha w bdat tbadal fih w awal khotwa hiya slat hmd ki wala ysali rahyha tatbadal hyatou khlas w kadra tkoun ghira man nas ki chafouh bda yata3dal habou ykharjo alih hadra mataamnich kheti choufi li godam aynik
__________________________________________________ __________
>>>> الرد الثاني :
بنتي بالاكي تغلطي و تقوليلها
شوفي اهدري معاه برفق قوليلو راني فخورة بيك لي عندي خو كيما نتا طايع ربي و طايع والديك و مرضي خواتاتك
دايما بينيلو بلي راهو هايل حتما اذا كان يدير في حاجة ماشي مليحة راح يحشم منكم كامل بطريقة غير مباشرة
يا ربي ماتكونش صح
خوديلي راي بنتي و ماضيعيش خوك ربي يهديه
__________________________________________________ __________
>>>> الرد الثالث :
و عليكم السّلام و رحمة الله و بركاته
عليكِ أن تنصحي أخاك بالإبتعاد عن هذه الفتاة لأنه بالتأكيد لن يرضى لكِ أن تصاحبي شابا يأمرك بالصّلاة و يتّصل عليك قبل الآذان بخمس دقائق.
قولي له أن يصون إبنة غيره و أخت غيره كي يصون الله أمه و أخواته و زوجته و بناته في المستقبل
لا تظنّي أن علاقته مع الفتاة ستبقى هكذا (أمر بالمعروف و نهي عن المنكر),,, فللشيطان عدّة أبواب يدخل منها لتشويش دين المسلم و أخلاقه
أما بخصوص كلامك عن المخذرّات فأنت من تعرفين أخاكِ,,, إذا كن تظننين أنه يستطيع فعل ذلك فسارعي إلى نصحه و إلى إخبار والديك بشرط أن يكلموه بالحُسنى و إلّا فأنت تعلمين أن الناس محترفون في الكذب و تلفيق الحكايات التّي تسبب المشاكل لغيرهم
__________________________________________________ __________
>>>> الرد الرابع :
من الاحسن تتاكدو من المعلومة تاع *يتكيف الطاة اولا*
اذا كانت مؤكدة كلمي صاحبتو قوليلها تنحو باه يجبد روحو من الزطلة راهي تفسدلو حيات
__________________________________________________ __________
>>>> الرد الخامس :
لا أنصحك بالتدخل, و اصبري قليلا فلربما نزوة و توقف عنها, و ربما الخبر كاذب
