دبرو عليا 2 تم الحل

عنوان الموضوع : دبرو عليا 2 تم الحل
مقدم من طرف منتديات العندليب

السلام عليكم
ربي يخليكم شكرااااا على الردود و الحمد لله كان رايكم من راي ماما و اقتنعت بيه
الجديد : هو انو امو عادوت اتصلت ( لا ادري من اين له(ا) الرقم ) المهم حكيت معاها و كنت نستنى تقولي هاتيلي ماماك و هكاك كان https://3andlib.xplainer.net/images/smilies/biggrin.gif حكات مع ماما و قاتلها حددولنا موعد العطلة هادي نجيو نشوفو الطفلة و هو يحكي مع باباها بصح كلمة برك يعني الخطبة الرسمية كي تجي اختو الكبيرة من كندا الصيف الجاي
انا هاد الانسان صح معزتو كبييييييييييرة في قلبي و كان الوحيد اللي تعاملت معاه من الدكور في حياتي لانو متربي و ولد فاميليا و قاري و زيد محترمني و كان ايامات الليسي بالرغم من انو ظهر يحبني بصح جامي زاد معايا في الهدرة و الا قالي كان برك يلمح مثلا نمرض ب grippe و نرتاح منها يبقى شهر و هو : وش cv رتحتي شوية خخخخخ ( دكريات مضحكة )

فرحت كي قاتلي راكي بنت فاميليا و يا سعد ولد بيك https://3andlib.xplainer.net/images/smilies/1.gif ان شاء الله يكون عجبها موقفي
درك الحكاية في بابا ههه كيفاش راح يكون رد فعلو https://3andlib.xplainer.net/images/smilies/sdf.gif ( عمرو 20 سنة و مازال يقرا و انا ما عندي حتى معلومة كيفاش ناوي يدير يدخل للعسكر او او او ... بحكم اني ما حكيتش معاه ، و انا مشواري في الطب مازااااال طويل https://3andlib.xplainer.net/images/smilies/cool.gif )

ادعولي تسهال الحكاية و شكراااا لكم https://3andlib.xplainer.net/images/smilies/19.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخت أنا حبيت ننصحك على حساب خبرتي في حياة طفل راهو صغير 20سنة مشي بزاف وزواج راهو صعيب والحيات زوجية تاني واعرة لازم تحمي مليح وتاخذي قرار صحيح ناس بكري قالو زواج ليلة تدبارو عام لحياة زوجية راهي مسؤولية دار وولاد خمي مليح اخت وديري راي مليح و سقسي عليه مليح باه تكملو حياتكم مع بعضاكم.

__________________________________________________ __________

>>>> الرد الثاني :

يا اختي انت مدامك حاباتو ومقتنعة بيه اكيد باباك راح يوافق برك لازم تفكري بعقلك انت مزالكي تقراي والخطبة كي تطول تكثر المشاكل وكذلك هو مكيش عارفة حتى كيفاش راح يبدا مستقبله العملي فكري مليح والقاي حلول وسطى مناسبة وربي يسهل اللي فيه الخير

__________________________________________________ __________

>>>> الرد الثالث :

في راي مليحة لو كان ديرو الخطوة الاولى ما فيها والو مادامو جاء من الباب الواسع ربي يسخرلك و يقدم لي فيه الخير

__________________________________________________ __________

>>>> الرد الرابع :

حنونة انا راجلي 27 سنة وساعات يبانلي مازال صغير فمابالك 20 سنة

__________________________________________________ __________

>>>> الرد الخامس :

السلام عليكم،والله فرحتيني بالخبر، وانا الشئ الوحيد الي ننصحك بيه: صلاة الاستخارة+ خودي راي والديك.
والي يصرا اكيد بربي ان شاء الله راح يكون خير ليك. الله ييسرلك امرك ويشرحلك صدرك لكل خير يراه ولكل ما يحبه ويرضاه
الله يخليك اعلمينا بالجديد. وان شاء الله يكون مليح وتكون قصة مليحة تنتهي بالسعادة يا اختي. والله يهني كل المؤمنين.