عنوان الموضوع : دبرو عليا مشكلتي
مقدم من طرف منتديات العندليب
سلام الله عليكم
راح نحكي بالعامية افضل ^^
انا شابة نقرا 2 جامعي الحمد لله مثقفة و عاقلة و متربية بشهادة الجميع
كان يقرا معايا واحد من ايامات اللسي مهتم بيا و نحسو قريب ليا لكن عمري ما حطيت حاجة في بالي لاني ضد العلاقات
المهم هو تاني درك يقرا في الجامعة و كيفي سنة ثانية ,, حنا اصدقاء في الفيسبوك بصح كوم ما ندخلش ياسر ما نحكيش معاه نلقى ميساج من عندو يسقسي على احوالي
المرة هادي الحكاية تطورت لقيت مقالة ماشي ميساج مكتوب على 2 تع الصباح قالي فيه بلي راو يحبني من. سنين و ما قدرش يقولي خاطر خايف عليا و في نفس الوقت حاشم ! قالي يما ولات تحبك قبل ما تعرفك تالمون ديما نحكيلها عليك و راي قاتلي اخطبها الصيف هذا او على الاقل مد الكلمة ( يهدر مع بابا )
انا كي قريت الميساج تشوووووكيت !!!! و حطيتو كيما باقي الشباب اللي يدخل امو في ابحكاية هكاك برك ! قريت الميساج و ما لقيت ما نرجع
هداك النهار جاني رقم ما نعرفوش ! هزيت لقيتها مرا قاتلي انا ام فلان و راو في حالة كي شاف بلي قريتي الميساج و ما رديتيش فهمها بلي راكي رافضاتو
و قاتلي راني حابة نشوفك انا و ياه و نحكيو في 3 نجيك للجامعة ???? ( امو نعرفها بالوجه كانت تجي لليسي يعني نستبعد فكرة مرا اخرى تجي https://3andlib.xplainer.net/images/smilies/tongue.gif )
انا الحق ما عجبتنيش الفكرة و قتلها نخمم و انا من النوع لي نحكي كلش لماما ! قاتلي علاه ما تجيش العطلة هادي للدار ! و هو يحكي مع باباك ? علاه تشوفك البرا و في الصيف باش تجي
انا كيفاه راح نقولو هاد لكلااااام ! تبلي نعرض فيهم باش يجيو ! و الله ما فهمت كيفاش لازم ندير :/
واش رايكم ! مع العلم هو اللي هبلها قالها غير احكي
معاها و اقنعيها بلي نحبها و ناويها الخلال و اللي طالبو منها تحطني في بالها و ترفض اي عرض يجيها حتان تولي ليا *
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا حسراه على هاذ الرجل لي عادت امه تعاونوا و تهدر في بلاصتو على خاطر هو مسكين جاتو صدمة نفسية .
__________________________________________________ __________
>>>> الرد الثاني :
ومادام شاتيك بهذا الشكل وعلاه ميجيش لداركم يماك عندها الحق بارك الله فيها
__________________________________________________ __________
>>>> الرد الثالث :
أختي علاه راهم يصعبو فيها هكذا وعلاش يماه تجي لعندك في الجامعة ياك انت بنت فاميليا واللي يقصدك يجي لداركم نظن قوليلها هاد الشيء وقلها اذا ناوين الخير تقدمو بالطريقة الصح سيرتو راهي تعرفك وهو يعرفك وش حكاية تجيك للجامعة؟؟؟؟؟
ربي يوفقك ويسر امرك اختي
__________________________________________________ __________
>>>> الرد الرابع :
تقصد البيوت من ابوابها....ناس تجيك للدار وتخافي وما تديريش كونفيونص
مابالك في مكان اخر
نصيحتي هيا نصيحة أمك....قولها هاك ماما قالت وربي يجيب لي فيه الخير
__________________________________________________ __________
>>>> الرد الخامس :
اليت ثم البيت ثم الييت
