عنوان الموضوع : كيفاه نعيش معاها مشكلة
مقدم من طرف منتديات العندليب
السلام عليكم
هي بالعادة يسموها -أخت- لكن انا نقول عليها اكثر شخص نكرهو ... راح تقولو يا لطيف
احنا 3 اخوات بنات هادي اختي طبعها حاد و ارملة و عايشة معنا في بيت العائلة كلامها مسموم كانت تجرح و نفوت و نقول نكسب الاجر تغب و ما نتحاكوش و نشريلها الهدايا و نطلب السماح و هي الغالطة
انا فرحانة بخطبتي و هي تخرج و تخليني وحدي و اقسم بالله اضطريت احيانا نستقبل اهل خطيبي بلا ما نروح للحفافة ما نصيبش وقت هي ما تعاوني حتى في حاجة
انا نوجد محتاجة و هي تمد للبراني و انا نشوف و الله ما تحس بيا و القطرة اللي افاضت الكاس ظلمني خطيبي و تعرضت لصدمة منو و بطلت و الكل يعلم اني انهرت نفسيا و بعد ما رجعت رجعت هي تـعايرني بهادي الحكاية و هي علابالها الظلم اللي تعرضتلو
كلامها سم حفر داخلي احساس جيهتها اكثر من الكره
المهم انا ما نكلمهاش و الكل طلب انو نصفو القلوب انا تمنيت انـها تـموت و لا نكـلـمها نــكرهــا جرحــها ما زال يحفر في قلبي
المشكل وين نروح و كيـفاه نعيش معاها أنا المــكان اللي تكون فيه نخــرج منو و ما نقـعـدش وين تـكون هيا لكن تعـبت صرت نخمم نتززوج اي واحد و خلاص و نقبل باول واحد مهما يكون المهم نخرج من الدار لكن مازال المكتوب ماجاش و مانيش قادرة نتحمل
قولولي ردود من ناس اتظلمت و تفهم معنى الجرح
و سلامي للجميع و جزاكم ربي كل خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و عليكم السلام و رحمة الله و بركاته
اختي انعلي الشيطان و تعوذي منه ماتخليش الحقد و الغل و الكره يعمولك قلبك
مهما عملت لك و ظلماتك تبقى اختك دمك و لحمك
حاولي تعملي معها جلسة صلح بحضور افراد الاسرة و بحضور الوالدين
و صفوا قلوبكم
و ادعيلها بالهداية و لازم تتعلموا تتعايشوا مع بعض لانكم في بيت واحد..
و الحديث هذا لاشرف الخلق صلى الله عليه و سلم يعتبر درس كبير لو نتبعوه و نطبقوه راح تنعدم الخلافات و المقاطعات في المجتمع
(صل من قطعك و اعط من حرمك و اعفو عمن ظلمك)
الله يرزقك بالزوج الصالح
__________________________________________________ __________
>>>> الرد الثاني :
والله يا اختي واش نقلك كبري بالك راها ديما اخت الحساس لي تحسي فيه راه عدوانية وليس كره وانشاء الله يزول صلي وادعي ربي والزواج باي كان ليس الحل من الهروب من المشكلة بل تمهلي وكلشي بالمكتوب حاولي تهدري مع شخص يكون من الاهل مقرب لاختك وتحترمو ويفهمها بانو الشيء هدا ييولد البغيضة وانشاء الله يروح وبلاك اصل المشكلة عندما اصبحت ارملة عادت عندها شويا غيرة الغيرة هادي وصدقيني راها المشاكل هدي يوما ما وانت متزوجة تتفكريها وتغيضك ايام من عمرك راحت في معادات اقرب الناس اليك ةانشاء الله يصير خير وصدقيني نصحتك اختي من قلب شافنوعا ما من نفس المعاناة
__________________________________________________ __________
>>>> الرد الثالث :
بسيطة انت اهدري معاها رضاية لرب العالمين
وديري فيها الخير و لا تنتضري منها ان ترده لك
واذا ردته لك لا تقبليه واذا كلمتك بقبيح
طبقي عليها حكمة السكوت على الاحمق جوابه
ثم برهني للجميع انك احسن منها وعيشي حياتك
كأنها غير موجودة
واكثري من الاستغفار يجعل الله لك مخرجا
__________________________________________________ __________
>>>> الرد الرابع :
واش نقلك ربي يحببكم لبعض .......بصح عندك تتزوجي بسرعة علجال اختك الزواج فيه تخمام .يمكن تندمي.
__________________________________________________ __________
>>>> الرد الخامس :
اختي حاسة بيك صح لان عندي حالة مشابهة
وكلي ربي و خلاص
