عنوان الموضوع : مشكلتي خوفي من العنوسة
مقدم من طرف منتديات العندليب
السلام عليكم انا فتاة عمري 22 سنة ماكثة في البيت
مشكلتي التي ارقتني انه لحد الان لم يطرق خاطب باب بيتي حيث اني مقبولة الشكل ومتحجبة وسمعتي جيدة والحمد لله
فصديقتي اخبرتي ان ابدا الخوف من الان وقالتلي لي عندك لا تبوري
علما هي تقدم لها خطيب وقريبا سوف تتزوج ربي يكملها على خير لكنها جرحتني بكلامها
اخوتي هل شيء طبيعي اني في هدا السن ولم يتقدم لي خطاب ؟
وهل علي حقا الخوف ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي والله مزالك صغيرة وصاحبتك هذي ربي يهديها محقهاش تقولك الكلام هذا
والله كل شئ بقدر مي حاولي تقتلي وقت فراغك بما يفيد
ماتدري وين راه الخير
__________________________________________________ __________
>>>> الرد الثاني :
22 سنة و عنوسة؟؟؟؟؟؟؟؟؟؟
مازلتي صغيورة ختي
الزواج مسؤولية صعيبة بزاااااااااااااااف لكن للاسف بعض البنات عندهم فكرة المهم نتزوج و خلاص!!!!!!
زيدي عيشي شوية في دار باباك و استمتعي بالايام هناك لانك رايحة باذن الله تشتاقيلهم لما تتزوجي
عيشي كل وقت في وقته و مادام انك ما زلتي صغيرة لا داعي للقلق
الدقيقة للي تروح من حياتك ما توليش
و ماراكي رايحة تستفادي والو كي تقلقي روحك من درك اذن واش خليتي للزواج و مشاكله (نقصر بركhttps://3andlib.xplainer.net/images/smilies/smile.gif)
كلشي في وقته مليح و ربي كل حاجة دايرها في وقتها اذن لا تقلقي ختي و بينك و بين الله فقط سجدة و دعاء
ربي يكتبلك الخير ان شاءالله و يزوجك بالشخص للي تقر به عينك
__________________________________________________ __________
>>>> الرد الثالث :
كاين لي تزوجو و هن في سن الأربعين
مزالك صغيرة وجاية للدنيا ماتضيعيش وقتك في القلق راه كل شي بالمكتوب
__________________________________________________ __________
>>>> الرد الرابع :
شوفي يا اختي نقولك حاجة
الزواج مكتوب
ما تقولي راني مليحة اللي متوسطة الجمال وتزوجت وربما الجميلة قعدت
ما تقولي راني فحلة
تلقاي الخايبة مدايرة دارها والفحلة راهي قاعدة بلا زواج
كل شيء مكتوب
تقلقي ولا ما تقلقيش
ما عندك ما ديري
زيدي غير على روحك
وكي انت في عمرك 22سنة ةتقلقت
واللي في عمرها ثلاثين واش رايحة دير
ما زالك صغيرة يا حنونة
__________________________________________________ __________
>>>> الرد الخامس :
اختي...وان بدأتي بالخوف ماذا سيحصل؟؟
سترهقين نفسك فقط وتتعبينهااا ...وتتحول حياتك الى اسوء
نصيحتي لك اشغلي نفسك ووقتكي بهوايات مسلية ومفيدة في نفس الوقت
وكي يجي المكتوب ما منو مهروب كيما يقولو
كلو بيد ربي سبحانو
يمكنكي ايضا الدعاء بتعجيل النصيب
