عنوان الموضوع : لم افهم نفسي تم الاجابة
مقدم من طرف منتديات العندليب
السلام عليكم اردت طرح مشكلتي و هي انني فتاة حنونة طباعي ليست بالشديدة و احاول قدر المستطاع الابتعاد عن كل مايسبب لي النكد لكن في الفترة الاخيرة صرت لا اعرف نا اقول ماعرفتش ايلا انا الغالطة او لا مرات نحس بالندم مرات نقول لالا من افعالي مع زوجي نزعفوووووو و بعدها نندم و نرجع نطلب في السماح و نقولو نوعدك مانزيدش نزعفك بصح نعااود نزعفو و نعتذر كالعادة حتى هو ولا يفولي دينا احنا نقعدو على هاذ الحال تزعفيني و تمرضيني و بعدها تطلبي السماح ...انا و مافهمتش روحي نحس راني مخلطة و الشيء اللي زاد الطين بلة انو قالي ماكيش حابتني نترفه يعني يولي عندو الدراهم ايا قولتلو باه تجيب امراة ثانية و تتزوج عليا ..ايا هو زعف و قالي علاااااااه هاذي مش هدرة و اللي يدير الدراهم لازم يتزوج انا حاب ندير داري وحدي و حاجات بزاف قوتلو انا حبيتك هاك و نحبك تقعد هاك رانا الحمد لله قالي ديما تفكري في السلبيات علاه ماتفكريش في الايجابيات و لقيت عندو الصح هو قرا و تعب و مالقاش المنصب اللي يليق بيه انا لازم نحفزوا مش نهبطلو الموراااال
يالله سامحني ماعلاباليش واش بيا ان شاء الله يسامحني و يفهمني
سلاااااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يجيب الخير
الراجل نهار كامل و هو يخدم و يرجع عيان نتي تزيدي عليه
يا اختي احكميه بحنانة و نحي التوسويس من راسك و طيعيه و قومي بيه
__________________________________________________ __________
>>>> الرد الثاني :
من يخالفك الرايك ليس عدوك بل هو هو افضل صديق لانه يمكن ان يرشدك للطريق الصحيح
حاولي ان تخففي من توترك وشكك في نفسك
الشك في نفسك وتوترك هو اللي يدفعك للافعال السلبية تصرفي على طبيعتك
خاصة وانك تعرفين ظروف زوجك حاولي اعانته نفسيا وتهيئة الظروف النفسية الجيدة بالمنزل حتى يجد راحته وينسى مشاكله الخارجية
ادام الله عليكم بالبركة والهناء وجعلك وزوجك في الجنة
__________________________________________________ __________
>>>> الرد الثالث :
هذا يسميوه توسويس وكون تكملي هكذا راح تخربي بيتك بيدك
لذا ديري الثقة في زوجك وحفزيه باش يطلع
وادعي ربي يعاونو ويحفضهولك
والله المستعان
__________________________________________________ __________
>>>> الرد الرابع :
السلام عليكم :
اليوم أصبح الواحد قادر يتزوّج بلا ما يترفه
كاين النساء اللي يحوسوا عل راجل برك (عندهم الدراهم ، الخدمة و زيد السكنة)
يعني ماهوش اللي يترفه برك اللي قادر على زوجة ثانية
و زيد أنا نظن بلي لازمك توقفي مع زوجك أو يجي اليوم اللي يحوس فيه على وحدة توقف معاه
إذا عندك مشكل معاه صارحيه (إذا يقبل الصراحة)
المهم خليه كي يجي لدارو يحسها جنة و مكان راحة و متعة
ثمّ مستحيل يروح يحوّس على إمرأة أخرى
يلزم الأمور تكون بالقناعات و ليس الإجبار
ربي يكون في عونك
__________________________________________________ __________
>>>> الرد الخامس :
السلآم عليكم ..
يعني يولي عندو الدراهم ايا قولتلو باه تجيب امراة ثانية و تتزوج عليا
ما أردت قوله لك بعد هذا الإقتباس لماذا تقولين لزوجك هكذا ؟ ربما كانت نيّته جعلكم تعيشون أكثر رفاهية
+
بهذه الطريقة تجعلينه يفكرّ في زوجة ثانية ( ربما تكونين سببا في جلب زوجة ثانية لك من دون أن تشعري وهذا ما لآ أتمناه لكِ ) لا أقصد جرح مشاعرك من خلال ردي ولكن فقط مجرد نصيحة
وفّقك الله لما يحب و يرضى ...~
