عنوان الموضوع : مشكلة مع خطيبتي تم الحل
مقدم من طرف منتديات العندليب
السلام عليكم ورحمة الله
اولا شكرا على هاذا القسم القيم وجزاكم الله الف خير
انا في مشكلة متمثلة في اني خاطب بنت ’ انا عندي حساب في الفايس بوك فيه غير اصدقائي و اقاربي الذكور وفقط وخطيبتي المشكلة بدات من مدة قصيرة تلاقيت بالصدفة في الفايس بوك مع وحدة قرات معايا من ايام الثانوية يعني من 10 سنين ماعلاباليش بلا مانفيق لروحي لقيت روحي نقصر ونضحك معاها والله لم اتعدى الحدود ’ خطيبتي فاقت بلي حكيت مع فتاة قبل مانهدرلها صرات مشكلة كبيييرة كفاه تحكي مع طفلة المهم هي درك راهي تطالب بفسخ الخطوبة للعلم مدة الخطوبة عامين و مابقاش بزاف لو لا هاذ المشكلة خطيبتي درك ماتحكي معايا ماخلاتلي اي حاجة نفهمها بيها طلبت منها السماح والو راهي تقول تحبس هنا خير مافهمت والو ....
ارجو مساعدتي وانا مصتعرف بالغلطة تاعي وراني نادم عليها وفي نفس الوقت خطيبتي مانقدرش نسمح فيها ارجوا الافادة وقوليلي واش ندير باه تسامحني وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السلام
اخي انا نشوف هدي ماشي سبة تفسخ عليها الخطوبة . ابسط حاجة تزعف و متحكيش معاك ايامات و كي ترجع تحكي معاك بسماطة ههههه مي متوصلش تفسخ الخطوبة
بالاك كاش حاجة اخرى بالاك الطفلة حاكمة عليك حوايج كيما هكا يعني موالف دير هكا على بيها حابة تفسخ الخطوبة و تسمح في عشرة عامين
حاول تحكي معاها اتفاهمو و تخرجو على حل
ربي يجيبلك الخير
__________________________________________________ __________
>>>> الرد الثاني :
الناس دارو حوايج كبار و سامحوهم بلاك راها تعزز شويا في روحها يعني تتقلش يامات و ممبعد تهدر معاك هذا ايلا مراش باينتلها حاجة اخرى و لقات هذي سبب فقط
ان شاء الله خير متنساش تعرض المنتدى للعرس
__________________________________________________ __________
>>>> الرد الثالث :
السلام عليكم
اخي والله ردة فعلها حيرتني وردة فعلك ايضا
كيفاش ياعجابة ياربي هي تسمع بلي عندك طفلة في الفايس تقولك نفسخ خطوبة مقاتلك امحيها مقاتلك متزيدش تحكي معاها مقاتلك حتى سبة غير فسخ الخطوبة؟؟
وانت اخي علاش خبيت عليها مدامك مكش دير في حاجة تقيس بيها خطيبتك؟
اخي نصيحتي ليك حاول ترسللها رسالة تخبرخها فيها بالحقيقة واطلب منها تحكي معاك وتتفاهمو واذا طلب الامر اعطيها فايس بوك صديقتك خليها تحكي معاها باش تطمن
ان شاء الله يكونغيرة بنات وغضب مار ودلع بنوتي
وربي يصلح بيناتكم ان شاء الله
__________________________________________________ __________
>>>> الرد الرابع :
السلام عليكم ورحمة الله وبركاته،،
قد يكون ردي مختلف عن الردود السابقة!!
أولا أكيد أخطأت بدردشتك مع هذه البنت، مهما تكن قريبة درست معك,,,جارتك,,,الخ
تبقى أجنبية والرسول صلى الله عليه وسلم قال: " ما خلا رجل بامرأة إلا كان الشيطانُ ثالثَـهما "
يعني مهما كان الكلام بينكما نقي وووو فالشيطان يجري مجرى الدم في العروق، فإياك والوقوع في مصيدته بارك الله فيك،،
ولهذا ينبغي لك حذفها نهائيا وعدم العودة لمثل هذه الأمور، فانظر كيف تمكن الشيطان من الدخول بينك بين خطيبتك؟؟
أما عن ردة فعلها فأظنها تحاول تحذيرك من عدم التساهل في هذه الأمور لأنها لو أخذت الأمر بشكل عادي واستسهلت الأمر فلربما تخشى من أن تعيدها مرة أخرى خاصة بعد الزواج، وتتمادى في ذلك,,,
وضح لها الأمر بشكل جدي ثم اترك لها مجالا لتفكر فيه، وبإذن الله ستعود المياه إلى مجراها عندما تتأكد هي أنك لم تكن تقصد
الفيسبوك وغيره من المواقع الإجتماعية ومواقع الدردشة قد خربوا الكثير من البيوت وهدموا سعادة الآخرين، رغم ما تحويه من بعض الإيجابيات إلا أن سلبياتها أكثر فكم من قصص سمعناها وووو
ولهذا فالأحوط بالمرء الذي لا يأمن على نفسه؛
ومن يأمن على نفسه في زمننا هذا!! أن يتجنب مثل هاته المواقع والله المستعان
أسأل الله تعالى أن يصلح حالكما ويجمع بينكما في الخير
وأن تكونوا صادقين في اعتذاركم لخطيبتكم والله المستعان
بالتوفيق،،
__________________________________________________ __________
>>>> الرد الخامس :
رب كلمة يقولها العبد لا يلقي لها بالاً تهوي به في النار سبعين خريفا
اتقو الله كيفاش وحدة تقول بايتنلها طريق و اخرى تقول راهي تتسبب
كل وحدة و كيفاش تقبل على عمرها
شخصيا لو مكانها نطلب فسخ الخطوبة باش ياخدها درس و لو نعرف انه يرجع يحكي معاها نفسخ الخطوبة صح
متحرضوش الاخ على خطيبته اصلح الله بينكما
