مشكلتي أم زوجي تم حل المشكلة
عنوان الموضوع : مشكلتي أم زوجي تم حل المشكلة
مقدم من طرف منتديات العندليب
السلام عليكم
أنا إمرأة متزوجة منذ 15 شهر عاملة إطار دولة في الإدارة منصبي محترم و الحمد لله ظروفي المادية أنا وزوجي جيدة الحمد لله
مشكلتي في أم زوجي جايبتها مورا خدمتي حابتني نحبس بسيف وراهي تحرش في زوجي باش يحبسني من الخدمة
قبل الزواج متفاهمتش أنا وزوجي على العمل بسبب الظروف لكن الحمد لله فرجها ربي و سهلت الأمور و قبل بالعمل التاعي لكن الأم التاعو جايبتها مورايا يالطيف ’أنا منسكنش معاهم و تزوجت أنا وزوجي بعد قصة حب و الأن راني حامل كل خطرة تقولي حبسي الخدمة و الأطفال اللي يترباو في الحضانة يجو ناقصين و تخلط في الكلام و تعاير في المرأة العاملة بدون مراعاة أن الوالدة التاعي كانت عاملة و رباتنا أنا و 6 خاوتي تربية حسنة و الحمد لله
و عندي عائلتي كلهم إطارات في الدولة عكس عائلة زوجي مستواهم التعليمي محدود لايتعدى 3 ثانوي
وزوجي الوحيد اللي قرا فيهم شايفينو حاجة كبيرة
و حد الخطرة قاعدة تهدر غلفتلي على قلبي و أنا راني مع الوحم قلتلها هذي خبزة و عطاهاني ربي إنت واش راه غابنك
الحمد لله ربي عطاني الشطارة متدينة و نحافظ على الصلاة و الصيام و الزكاةو نتقن الخياطة و الحلاقة و الطبخ و نسوق السيارة زوجي مرتاح معايا قايمة داري و راجلي و الحمد لله و الخدمة كيما نحب أنا نحبسها كي نلقى روحي مقصرة نحبسها
والله راني خايفة كاش خطرة مع الوحم كاش منقلها منحكيلكمش شحال راهي مغلفة على قلبي
رايو علي كيفاش ندير معاها أنا منيش باغية نجبد لراجلي على الموضوع منيش حابة نكبر الموضوع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
راكي متفاهمة انت وزوجك وراكي مقتنعة بواش راكي ديري .ايا خلاص ... ديري اذن سمعت ولاخرى ماسمعتش خليها تهدر راهي كبيرة الفايدة فيك وفي زوجك
__________________________________________________ __________
>>>> الرد الثاني :
أختي و عن تجربة لوحدة صاحبتي خدامة.كل شهر تعطي لعجوزتها كاش 100او200ألف.او تشريلها روبة .و الله غير عات تحلف براسها.جربيها.ونظن راكي كرهتيها على الوحم برك.ربي يهدي الاحوال
__________________________________________________ __________
>>>> الرد الثالث :
معليش كبري عقلك و ساعفيها مهما كان الحال هذه أمك كذلك و زيد عقليتك و عقليتها و جيلك و جيلها مشي كيف كيف يعني موحال تخمم كيما انتي
و الإطار لا يعني حاجة كبيرة بل الكبر في الأخلاق و التربية و الأدب فقط و الباقي مكتوب مشي معناها أهل راجلك ماقراوش و نتوما قريتو هوما مايفهموش و انت تفهمو
"لا فرق إلا بالتقوى"
ربي يفرج عليك
__________________________________________________ __________
>>>> الرد الرابع :
معليش كبري عقلك و ساعفيها مهما كان الحال هذه أمك كذلك و زيد عقليتك و عقليتها و جيلك و جيلها مشي كيف كيف يعني موحال تخمم كيما انتي
و الإطار لا يعني حاجة كبيرة بل الكبر في الأخلاق و التربية و الأدب فقط و الباقي مكتوب مشي معناها أهل راجلك ماقراوش و نتوما قريتو هوما مايفهموش و انت تفهمو
"لا فرق إلا بالتقوى"
ربي يفرج عليك
__________________________________________________ __________
>>>> الرد الخامس :
السلام عليكم
اولا يا اختي الزوج مليح وامه لالا ؟؟ لو لم تكن هي ما كان هو زوجك
ما تنسايش يا لالا بلي هذيك امه مثل انت ام الذي في بطنك فلا يمكنك ان تشكي منها لانها بمقام امك ايضا
وسبحان الله ....... زوجك قاري واهلو لالا هذا حظ ولا خليني ........ اظن امه واهله هم من علاوا مستواه ؟؟
كما قالت الاخت قبلي دللي حماتك واهدي لها بعض الهدايا القيمة كما اوصانا الرسول صلى الله عليه وسلم : تهادوا تحابوا
بما انك قلت متدينة فهذا سبب يجعلك تتأقلمين وتجبدي حماتك ليك مش ضدك
لا تنسي انك ستكونين ذات يوم في مكانها .................... فكري مليح والله المستعان
