دبرو عليا ربي يجازيكم مشكلتي
عنوان الموضوع : دبرو عليا ربي يجازيكم مشكلتي
مقدم من طرف منتديات العندليب
السلام عليكم
والله يا اخوتي غير راني في حيرة كبيرة ومقلقة بزاف دبرو عليا ربي يجازيكم:
تقدم لخطبتي شاب من عائلة محترمة، خدام وجميل.لكن لما سألنا عليه قالونا غير تاع بنات حتى يماه قالت أنو عرف بزاف
بنات بصح ذرك راه ناوي على الزواج ويحوس على بنت الفاميليا مع العلم انني عاملة، متخلقة وفي حياتي ما هدرت مع
واحد والحمد لله. على هذا الشئ عجبتو حسب أقوالهم.
أغلب الناس قالولي هذا شئ عادي كامل في هذا الوقت راهم هكذا؟؟؟؟ ما رأيكم إخوتي في هذا جزاكم الله خيرا.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السلام ورحمة الله
ربما ليس لي ما اقوله لك اختي الكريمة
لكن مشكلتك تتضمن رسالة لكل فتاة
تعودت على العلاقات
فمن تصاحبينه اختي الفتاة لا يفكر فيك كزوجة مستقبلية
فليُعلم هذا ..
ربي يستر على بناتنا وبنات المسلمين
__________________________________________________ __________
>>>> الرد الثاني :
السلام عليكم ورحمة الله وبركاته
اولا اختي كل فتاة يتقدم لها العديد من الخطاب لكن عليها ان تكون دكية وواضحة فيما تريد وحسب كلامك فالمقياس الدي اعتمدت عليه خاطئ ولا يصلح بتاتا لدا اعيدي النظر وهدا حسب كلامك **خدام وجميل**
وثانيا راه يماه عطاتك الاجابة وبالصريح ايضا
قالت انه عرف الكثير ولم تقل انه تاب بل قالت انه الان ينوي الزواج اي يكفي نال ما اراده وشبع والان ترك من عرفهن وجاء يبحث عن فتاة من عائلة محترمة لم تكلم شباب من قبل
هل هدا عدل في حقك حسب رايك ???
ستظلمين نفسك اختي فهدا الشاب راه اولا مجاهر بالمعصية يعني راهم قالولك عرف الكثير وثانيا اعلمي انك ستختارين اب لاولادك خاصة بناتك فربما قام بالاساءة الى فتاة ما وفتاتك ستكون ضحية في المستقبل فهدا الشخص لم يتب على حسب ما ارى
اما بخصوص الناس الدين قالو ان هدا امر عادي فهم على خطا بل يوجد من لا يكلم الفتيات وان شاء الله يلاقيك بيه ادا كنت اهلا له بالدعاء ووضع مقياس الدين والخلق اولا و اخيرا
لا تسمعي لكلام الناس رجاءا
واعيدي النظر فنصيحة لك كاخت اخطيك في راسك راهم قالولك نيشان لدا احمدي الله ربما لانك في الطريق المستقيم الله عزوجل بين لك كل شيئ وبدون تعب والله الزواج بهدا الشخص فيه عدة عواقب لا يسعني دكرها و في تركه منفعة
و ماشي شحا وانت صايمة تروحي تفطري على بصلة
بالتوفيق اختي وكان الله في عونك ورزقك الزوج الصالح
سلااام
__________________________________________________ __________
>>>> الرد الثالث :
لالا ماشي عادي
كل حاجة استسلمنالها ورجعناه عااااااااااااادي
يا اختي اقبلي بالذي ترضين دينه وخلقه
وهادا مانهدروش على اخلاقو بصح وين كان دينو كي كان يخلط من طفلة لطفلة
__________________________________________________ __________
>>>> الرد الرابع :
السلام عليكم اختي نصيحة من اخت لك في الله ما تسمعي كلام حتى واحد كاين صلاة الاستخارة ربي يبين لك كل شي و الصح احمدي ربي على كل شي
__________________________________________________ __________
>>>> الرد الخامس :
شوفي نتي يا ختي....اذا تقدري تعيشي مع واحد
عرف مائة واحدة ..وواحد نتاع بنات
اذا تقدري تنساي هاذ الجانب من حياتو...اذا ما راحش تشكي فيه
اذا راح توثقي فيه وراح يستاهل تضحيتك الا وهي القبول به.
فهناك معادلة خاطئة حسب رايي فيما يخص موضوعك
على كل ان استعطتي اخذ ضمانات بتوبته وندمه فاللهم بارك
