عنوان الموضوع : هل اطلب الطلاق تم الحل
مقدم من طرف منتديات العندليب
مشكلتي اني اعيش مع اهل زوجي منذ 3 سنوات وعندي ولد وزوجي عنده سكن خاص لكن محبش نروحو نسكنو وحدنا لانو اهله محبوش ومنذ اكثر من شهر وقعت مشكلة بيناتنا وقالي صبري عليا حتى لشهر شعبان ونرحلو وانا قبلت .. ومن بعد حسيته بدل رايه ومراهش ناوي يوفي بوعده ليا ..وكي سألته محبش يرد عليا .. وانا قتله نفضل نطلق ومنبقاش عايشة في هادي الدار ( لوكان ندخل فتفاصيل العيشة لي راني فيها مراحش نكمل ابدا والله راني في معاناة اناوابني لي مكملش عامين .. ينضرب وكسروله العابه ونحوهم له و... و.... و.... ولوكان نحكي على روحي حدث ولا حرج )
حاولت نروح لدارنا ونحطه امام الامر الواقع .. زاد كبر المشكلة ودخلنا في امور اخرى وفي الاخير جا ابوه ورجعني للدار وانا واهلي حشمنا منه راجل كبير فوق 80 مقدرناش نردوه
المهم هل الطلاق هو الحل ؟؟؟ هذا حد طاقتي مقدرتش نصبر عندهم كتر من هاك .. والله كل يوم صباح نجلس نبكي قبل ما نخرج من بييتي .. كرهت لوكان معندهش سكن نحسن عونه لكن السكن موجود وهو محبش ينتقل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا الاخت والله المشاكل لا تحل بالطلاق تفاهمي مع زوجك بالحوار
ربي يفرج عليك
__________________________________________________ __________
>>>> الرد الثاني :
أختي الطلاق ليس حل واش ذنب ابنك يتربي في بعد عن والدية حاولي مع شخص يقدره زوجتك هو لي يحاول ينصحو بسكن الصبر مفتاح الفرج ووعليكي بأدعية واستغفر وتوكلي على الله
__________________________________________________ __________
>>>> الرد الثالث :
المشاركة الأصلية كتبت بواسطة مشكلتي https://3andlib.xplainer.net/images/...s/viewpost.gif
المهم هل الطلاق هو الحل ؟؟؟
السلام عليكم الطلاق هو ضياع الاولاد والله يحاسبكم الدليل مشكلتك تكمن في صبرك وسيأتي يوم وترحلون وتعيشوا بهناء فراجعي حساباتك وفكري في اولاد
__________________________________________________ __________
>>>> الرد الرابع :
الطلاق ليس حلا وستكون عواقبه وخيمة عليك وعلى ابنك أكثر من زوجك
لم يعجبن قولك "ذهبت لبيت أهلي لأضعه أمام الأمر الواقع" هذه ليست طريقة امرأة صالحة!
إياك أن تكرريها ثانية لأنك الخاسرة الوحيدة في كل الأحوال
اصبري وحاولي تلتمسي لزوجك العذر ربما هو المتكفل بوالديه ولا يريد تركهم
ساعديه على البر بوالديه وأكيد لا يوجد من لا يريد السكن في بيت مستقل
ربما القضية تحل في أشهر وتنتقلوا تفائلي وتعاملي مع أهله بإيجابية .. ربي يفتح عليكم
__________________________________________________ __________
>>>> الرد الخامس :
الطلاق ابدا ابدا ماهوا حل الطلاق كارثة الا في حالات نادرة انصحك بكثرة الصلاة والصبر وان الله مع الصابرين وفهمي زوجك غير بالعقل وربي يهنيك ان شاء الله
