تابع مشكلة زواجي طلاق تم الحل
عنوان الموضوع : تابع مشكلة زواجي طلاق تم الحل
مقدم من طرف منتديات العندليب
السلام عليكم
اشكركم جميعا على اهتمامكم بالموضوع ربي يجازيكم و يهنيكم اما بعد
راكم تقولولي اصبري انا صبرت معاه و صبرت عليه و عقبت شحال من حاجة و ممكن نقدر نصبر لكن كي كون تغير نطمن بيه و تانيا انا جربت عدة طرق لكي اتناقش معه و نجدوا الحل يجاوبني بانه كي نكبر في عقلي راه يناقشني ولا راه يجي النهار لي تفهمي وحدك و عندما نتشاجر انا نسكت و اتحاشاه الى ان يتجاوز حدوه عندها يضربني و كانه يستفزني ضعوا انفسكم مكاني هل ياترى لاسكات الناس ارضى هده الحياة و انا متاكدة انه لن يتغير لانه وعدني بالتغيير قبل مانتزوجوا و لكن هدا طبع فيه و ماذنب المطلقة لم اعد اشعر معه بالامان و هو احسه فاقد للثقة في بعد ان اخبروه بعلاقتي مع شاب و كدلك خطبني صديقه من عنده و رفضت و اخيرا انا كرهته كل ما اصلي ندعي ربي ادا كان فيه خير ينور لي طريقي و يسهل لي الرجوع اليه انا لست سعيدة على عكس وقت فات و يقولوا الناس لعروس تعيش على الاقل شهر كالملكة انا صدقوني ما عشت الا اليومين الاولين عادي و بعدها بدات المشاكل انا اعلم انها الحياة الزوجية تتخللها خصومات و متقبلتها لاني شايفة خواتاتي و صحاباتي لكنه لم يضيفني حتى اطلت الكلام عليكم و بارك الله فيكم و اخيرا ادعولي برضاية الوالدين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
آسفة على السؤال عزيزتي و لا أطلب منكي الصبر فأنتي ادرى بحالك ....لكن ما هو مفهوم السعادة في نظرك ........؟؟؟؟
أخاف أن المفهوم الأصلي لديك سوف يؤثر على كل علاقاتك المستقبلية ...............فتأكدي من صحة المعنى ....فالسعادة هي الرضا بالقسمة .......مهما كانت .........
و الدنيا ما كملت لحتى حد ...................
اتمنى ان تتقبلي رأي عزيزي
__________________________________________________ __________
>>>> الرد الثاني :
سامحيني اختاه راجل لي يدرب مرتو يوميا خسارة ما نقدر نقولها وربي في عونك
__________________________________________________ __________
>>>> الرد الثالث :
السلام عليكم
يا اختي واش نقولك ربي معاك و ان شاء الله ينجيك منه
لانو الراجل الي يضرب زوجته كل وقت و تاني ما يقيمهاش ماشي راجل
علاه انت ماعندكش رجال حتى يقعد يغبن فيك و يهين فيك هاكا
خلي اهلك يديروا ليك حل معاه
و ربي معاك
عسى الله يفرج عليك عاجلا غير اجلا و يفتح عليك و يعوضك خير ان شاء الله
ما تقنطي روحك ماوالوا ربي حنين
__________________________________________________ __________
>>>> الرد الرابع :
سلام عليكم واش نقولك أختي أنا مشكلتي أكر من مشكلتك فقررت الطلاق أنا قام بخيانة الزوجية والمشكل خانني مع إبنة خالته ويقوم المبيت معها فقررت الإنفصال الطلاق ليست نهاية العالم مع العلم أني عندي بنت معه عمرها أربع اشهر
نصحتي لك إتبعي قلبك هو الذي يدلك لما فيه خير.
__________________________________________________ __________
>>>> الرد الخامس :
والله يا اختي ربي يفرج عليك انشااااااااااااااااااااااااااء الله
