مشكلتي مع العاملة زوجتي مشكلة

عنوان الموضوع : مشكلتي مع العاملة زوجتي مشكلة
مقدم من طرف منتديات العندليب

السلام عليكم إخواني
أريد أن اطرح مشكلتي عساني أجد السداد والصواب منكم مع ان هذا المشكل تكرر كثيرا في هذا المنتدى لنبدأ
زوجتي عاملة وأنا عامل وراتبها يفوق راتبها ، لدينا طفلين الحمدلله قدرني ربي عليهم وراني نكبر فيهم وحاجة ما تخصهم وحتى زوجتي لا ينقصها شئ طبعا هذا واجب عليا .
لكن ما اشعر به هو الذل منها بمصطلحات استفزازية إذا اشترت هي شيئا ولو حبات حلوى لازم تذكرني بكلمة هادوك بدراهمي ، هاك فليكسيلي ورجعلي الصرف ، إذا فكرنا نشتري أثاثا أو مثلا كبش العيد تقولي /ا فيفتي فيفتي أنا وياك نشريو ......وغيرها .

اللي غايضني في كل هذا هو عكس مع أهلها تمدلهم الدراهم ومنشغلة بهم كثيرا تخمم عليهم بزاف وكأنها هي المسؤوولة عنهم ..
هي تخرج في الصباح للعمل ع 7/30وأنا نبقى مع الأولاد إلى 9 نلبسلهم ونديهم لكراش (مع العلم هي من تدفع ثمن لكراش )وبعدها اذهب إلى عملي وقت الغذاء هي لا تعود تذهب عند أهلها بحكم قرب المسافة من عملها الى بيتهم وأنا اذهب عند والدتي اتغدى ....وما إن ينتهي الشهر حتى يفرغ جيبي.

الآن هل أخطأت لأني تزوجت عاملة ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يعينك مش اخطاءت هى مهما يكون ام ولادك حاول تتكلم معاها وتنصحها بلا ما تبين ثاثرك او نعاركها واذا كنت قادر تعيشهم وحدك حاول تنصحها تبطل ولو انى مانظنش تقبل اخر الحلول اقبل بعيشنك لانها نتيجة اختيارك

__________________________________________________ __________

>>>> الرد الثاني :

ربي يكون في عونك
لازم تكون عندك سلطة عليها يا تبطل الخدمة ولا ماتخليهاش تصرف باش ماتبقاش تعاودلك فالهدرة وارضى بلي عطاهالك ربي

__________________________________________________ __________

>>>> الرد الثالث :

امرأة عاملة ؟ هذا خيارك من البداية.اما بالنسبة لدارهم اتقي الله أخي راهم قراوها هذا أقل واجب تعملوا ليهم.ساعدها أخي على بر والديها.وخليك من الحسابات.وعش سعيد مع زوجتك وترفعو عن الماديات لانها رايحة تفرق بيناتكم و أكيد لو شافتك طايحة بيك راح تعاونك ماديا لأنك أبو أولادها

__________________________________________________ __________

>>>> الرد الرابع :

يا اخي مجرد راي برك.............اصرف عليها ..راهي عاملة بصح مسؤولة منك...افليكسيلها من عندك مرة على مرة...انت اصرف عليها واتفكرها وهي بلا ماتطلب منها دراهمها ماريحينش يخرجو برا...اي امراة راهي تخمم في دارها وماراحاش تخبي دراهم ودارها محتاجة...بصح مالازم تحسسها بلي لازم تصرف. خفف عليها وماشي دايما فيفتي فيفتي...اصرف بالشي لي قدرك ربي...وربح كلمتك ومكانتك
وربي يحفظلك الزوجة الكريمة ويعينها على الخدمة تاع برا راهي ماشي ساهلة.

__________________________________________________ __________

>>>> الرد الخامس :

القصة ميش امراة عاملة ولالا
يا اخي المشكل فيك انت انت لازم تفرض روحك وتفرض رايك وساعة لاساعة اتفكرها افليكسيلها اشريلها حاجة يعني متخليهاش كل يوم تصرف من جيبها
اما بالنسبة للعمل قادرين تتناقشو فيه وتخرجو بنتيجة
انت يا اخي عش حياتك عادي بصح اعرف كيفاه تسيرها
اما بالنسبة لوالديها متنساش والديها وساعدوها على قرايتها لذالك هي ترد لهم جزءا من جميلهم
يبقى هذا رايي ولا الزم به احدا