>>>> الرد الرابع :
روحي عن نفسك و اخرجي و تنزهي مع اخواتك او صديقاتك و ارجعي للمراجعة تدريجيا دون ضغظ كبير و بالتوفيق.
__________________________________________________ __________
>>>> الرد الخامس :
اختي الكريمة في الاول اريد ان انبهك انه احيانا يصاب الانسان بالتعب وهذا يعود للارهاق و السهر و عدم اعطاء النفس الراحة النفسية و الجسدية الازمتين ليجدد طاقته لذلك انصحك ان تخبري امك يتعبك و مللك و تاخذك عند طبيبة يمكن ديرلك تحاليل تاع الانيميا وان شاء الله ميكون غير الخير و اذا مالقات والو
معناه لازم تبدلي شوية طريقة المراجعة لكن قبل ما نقلك الطريقة عندي ملاحظة ليك
مليح انك تبعدي على الرفيقات في الدراسة لكن اذا شفتي بلي كاين بنت نربربية و متديتة علاش ما تكونيش رفيقتها اعلم اننا في وقت صعب لكن مستحيل ان تبقي وحدك لكن اذا مالقيتش لي تصلح ابقاي وحدك افضلك اتكلمي مع الزميلات في القسم وكي تخرجي مباشرة للبيت تكلمي مع عائلتك وخاوتك افضل
المراجعة تتم بعد اخذ قسط صغير من الراحة وتناول وجبة خفيفة و ليس مباشرة بعد الرجوع من المدرسة
كل ساعة خذي 10ذقائق او5 دوري في الدار حوسي كاشما تعاوني ماماك او خاوتك بالخف او لا تعملي شيئا معينا فقط اريحي عيناك و دماغك و هذي القترة بالذات هي فترة ييقوم الدماغ بادخال المعلومات لي قريتيها من قبل يعني اعطي راسك وقت باش تفهمي ووقت باش يسجل و الا ترهقيه وترهقي نفسك
بعد مرور ساعتين او ثلاث ساعات على حسب تحملك اتركي كل شيء و ادرسي مادة اخرى لوقت قصير يعني راجعي تمرين او درس او خلاصة المهم ما تكثريش و كي يلحق وقت العشاء تعشي و صلي اقري قران ولو صفحة و روحي بدلي جو مع داركم
حاولي نا تسهريش بزاف و انما نوضي بكري انا نشفى الاب ديالي ما يخلينيش نسهر غير لما يكون عندي واجب لازمني نكملو و يقولي نوضي بكري ترى العقل يستوعب في الصباح الباكر افضل باضعاف المرات من استيعابه في الاوقات المتاخرة
اما طريقة الحفظ و المراجعة تاع الامتحان النهائي لازم ديري جدول تاع كل مادة واش فيها من دروس تاع الحفظ وحدهم وتاع الفهم وحدهم
من بعد ديري جدول للايام لي بقاولك قبل الامتحان و تقسمي عليه المهام ديالك من جهة و الدرس لي يكون فيه غموض اكتبي ملاحظة قدامو باش تسقسي الاستاذ مباشرة و يكونو عندك الحوليات ابداي تحلي التمارين لي فتو الدروس ديالهم و علمي على كل تمرين الفكرة الجديدة لي فيه او الشي اللي مشي مفهم و اكيد لما تحلي الحوليات ديريهم في اوراق نظيفة و بالساعة قدامك هكذا تحطي نفسك في نفس ضروف الامتحان
الدراسة مع الصديقات مليحة في خلال العام الدراسي لكن في الايام الخيرة تضيعلك الوقت بزاف انا اخبرك عن تجربة لانو في الباك جربت الحالتين و صديقتي لي كنت اراجع معاها جدية كاكناش نتوقفو غير للاستراحة لكن الانسان غير يكون مع نفسو و متمكن من الدروس من الافضل يشوف النقائص تاعو وحدو لانك كي تكوني مع الغير ماتقدريش تعرفي بالضبط واش ما فهمتيش لان الحل جماعي غير تكوني فاهمة البرنامج اقراي وحدك وغير تكوني مشي متاكدة من حوايج سقسي الاستاذ و اذا مالقيتيهش توجهي للصديقة
الله يوفقك
