انصحوني من فضلكم في امر الخطبة تم الاجابة

عنوان الموضوع : انصحوني من فضلكم في امر الخطبة تم الاجابة
مقدم من طرف منتديات العندليب

السلام عليكم اخوتي انا فتاة ابلغ من العمر 20 سنة مبدئيا تمت خطبتي لشخص عمره 29 سنة يعمل كمهندس من جهة انا مستراحة لان الشخص متربي قاري عائلته ناس ملاح ورايح نسكنو وحدنا .........و.من جهة اخرى انا خايفة لاني رايحة نتزوج ونقرا ماستر يعني نقرا ومتزوجة (اكيد هو راضي وعايلتو راضية )مي علابالي الزواج ولقراية انا اللي رايحة نغلب ورايحة نهمل حاجة على حساب حاجة ...انا استخرت قبل ما نمد قراري وكنت مستراحة والحمد لله ...مي ضكا بديت نتوسوس ونقول واش داني كون خليت حتى تميت قرايتي كامل ومن بعد الزواج ساهل ............الامر الثاني اني هدا السيد ماشفتوش فالصح شفتو غير فالتصاور وهو مقبول اني خايفة اللا شفتو فالصح ننكرو ولا مانتقبلوش وفي رايكم هل الزواج ولقراية في نفس الوقت قرار صائب من فضلكم انصحوني فانا مشوشة كليا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الزواج و الدراسة في نفس الوقت ......... أنت من تقرري صعوبة الأمر من عدمه .
إضافة إلى أن زوجك قابل بالأمر ......... فعليه إذن أن يتنازل و يتغاضى عن العديد من الأمور ....... حتى تكملي دراستك .

__________________________________________________ __________

>>>> الرد الثاني :

اذا كان انسان على دين وخلق وخدام لا داعي للقلق لانو ماستر عام او اثنين فقط مش مشكل اما بالنسبة للصورة اعتقد انها تقرب وبنسبة كبيرة جدا.................وتقدري ايضا تطلبي لقاء شرعي يزاح فيه كل غموض...................................اعتقد ان تخوفاتك منطقية ويمر بها كل من اقدم على الخطبة شيء عادي يحصل لجميع الناس

__________________________________________________ __________

>>>> الرد الثالث :

الله يكمل في الخير

__________________________________________________ __________

>>>> الرد الرابع :

الخطبة هي فترة يتعارف الخاطب و المخطوبة
فذا رأيت انه الشخص الملائم ف ربي يكمل لي فيه الخير و العكس
و من جانبه نفس الشيء

__________________________________________________ __________

>>>> الرد الخامس :

الزواج والدراسة عادي في نفس الوقت
نظمي روحك ووقتك برك
وما راح تهملي والوو
مضاليش ديري في مقارنات بين قرايتك و زواجك
كل حاجة في بلاصتها
والشكل خليقة ربي المهم راه قاري ومهندس ومربي كيما قلتي
ربي يسهلك