عنوان الموضوع : كرهولي حياتي مشكلة
مقدم من طرف منتديات العندليب
انا عمري 25 سنة عندي عام ونص ملي تزوجت وعندي طفل المشكلة اللي راني فيها مع الاهل نتاع الزوج نتاعي لو كان نقولكم الجن ميعشرهمش مراحش تيقووني انا كنت ساكنة وحدي في مدينة اخرى بحكم العمل نتاعو مي كي مرض زوجي ترك العمل ورجعنا سكنا معاهم كاين الام نتاعو واخواته 4 ماشي متزوجين الاصغر فيهم عندها 31 ..عايشين وحدهم عمر حتى واحد مادخل عندهم الناس عارفينهم كي يدايريين ممنووع الخروج لحتى بلاصة الحمام م مع العلم انهم لاكانش التاقة ممنوع طلي فيها المهم الواحد يحس راه في حبس المزيرية وكلشي قليل ولمعاني صبح وعشيا .. التحراش هو يسمعلهم ويخاف منهم صدقووني مكانش خصوصية وين مانروح يتبعوني مراقبة خصوصا الى قعدت مع الجدة نتاعهم مفهمتش العقلية هدي راني مصددوومة مكنتش عارفة بلي كاين ناس هكاا تخيلووو الى زوجي غاب وعيطلي ف التلفوون اخته تبقى تبكي علاش راه يعيطلها هي وميعلطناش احنااا.. تقول راني مع ضراات ..الزوج نتاعي شخصية نتاعووو والووو ضعيفة . ..تخيلو لعروسة الاولى عندها عام ملي رحلت من يوم اللي خرجت من عندهم حلفت ماترجع قاطعتهم نهائي ..هي وراجلها راهم ساكنين في دار راجلي كامل مخبيين علياا يقولولي دار خونا لخر وانا ساكتة ..راجلي قلتله خرجهم قالي خويا منقدرش نقوله يخرج انا الى بقيت في هداك الحبس نقتل روحي احسن راني تحت واحد الضغظ ربي عالم بيه .. بغيت نطلب الطلاق والى هاد المعيشة .عاونوووني واش ندير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا تطلبي الطلاق لكن اضغطي اكثر اختاري وسيلة من الوسائل لان صراحة هذه ليست بمعيشة من سبل الضغط الخروج من البيت الزوجية ضعيه امام الامر الواقع اما واما اظن تجيك في عام ولا شهر تعاني خير من حياتك كامل والانسان رايح يعيش مرة اختي لاسيما من بعد يكبر الطفل واش من بيئة رايحة تحطيه فيها ،،نهذا رايي الشخصي ،ربي يوفقك
__________________________________________________ __________
>>>> الرد الثاني :
ربي يكون معاك ..... اصبري واحتسبي وأعلمي ان الله إبتلاك ليمتحن صبرك .... وتأكدي ان دوام الحال من المحال
__________________________________________________ __________
>>>> الرد الثالث :
من حقكم ان تخرجوا اخو زوجك من داركم انت اولى بها.........
__________________________________________________ __________
>>>> الرد الرابع :
علاش روحتي لطلاق و حابة تخربي دارك
كتري من الاستغفار و اتقربي لربي بالصلاةو الدعاء و ان شاء الله يفتحها ربي في وجهك
وحاولي تتناقشي مع راجلك و ان شاء الله ربي يفتحها
ربي يكون معاك
__________________________________________________ __________
>>>> الرد الخامس :
ما تفكريش في الطلاق
ما تزوجيش باش تتطلقي Ok
هذه الفكرة تاع الطلاق انسايها
**************
هذه الحياة صعود و هبوط
مرة ليك و مرة عليك
***************
اصبري على زوجك و انت ادعيلو ان الله يفتح عليه و يرزق بيت و عمل بعييييييد على اهله
و فكري لازم ما تربحيش العيب مع اهله لانك خارجة خارجة من عندهم لازم تبقاي انت اللي مليحة و ما تفكريش بهم و عيشي حايتك باللي تقدري عليه
سلامي
