عنوان الموضوع : صديقتي مشكلتي تم الحل
مقدم من طرف منتديات العندليب
السلام عليكم ورحمة الله وبركاته هذه مشكلة تؤرقني ولم اجد احد غيركم نتمنى تفهموني وتحاولوا تحطوا نفسكم مكاني باش تنصحوني
عمري 20 سنة و عندي صديقة من سنة سادسة ابتدائي وطلعنا قرينا في نفس المتوسطة وفي نفس القسم طيلة الاعوام 4 والحمد الله كنا دائما متفوقين في الدراسة الاثنين ولكن هي خير مني ما شاء الله دائما كانت تجي الاولى وانا المهم دائما من بين العشرة الاوائل
و تقدروا تقولوا حنا جيران لان منزلها لا يبعد عن منزلي كثيرا يعني نفس منطقة السكن اما منطقة الدراسة فنأخذ الحافلة للذهاب اليها فكنا دائما كيفكيف : في الطريق في المواصلات في القسم وفي نفس الطاولة وفي الساحة في وقت الفطور في الانترنت ، في الغالب نتشارك نفس الاهتمامات ،نفس الهوايات،العائلتين على اتصال وهذا الذي عزز من صداقة الابوين و بالاضافة ان الابويين دائما كانا يتكفلان باعادتنا الى المنزل بعد الدراسة في المساء ولكن بحكم ابي يعمل الفترة المسائية وابوها في غالب الاحيان لا يعمل في المساء فكنت دائما نرجع معاهم في نفس السيارة. المهم كل الوقت مع بعض حتى الاخرين يظنوا اننا توام . كملنا هكذا حتى في الثانوية ولكن في الثانوية الاشياء التي تغيرت اننا :
- كل وحدة اصبحت في قسم .
-المستوى الدراسي تاعنا الاثنين انخفض
-دائرة الاصدقاء الجدد توسعت عناصر كانت مشتركة واخرى خاصة بكل واحدة
- الاهتمامات تغيرت
-حسيت اني كبرت ورجعت نثقل عليهم و نحشم نركب معاهم في السيارة الى المنزل خاصة انه انضم الينا اخوتها الصغار فرجعت نتعذر ونولي وحدي للدار في الحافلةواولكن هذا الامر ازعجها وظنت انني ابتعد عنها.
ثالثة ثانوي رجعنا في نفس القسم
بداية السنة قررت اني نسجل في الدروس الخصوصية وقد اعلمتها بالامر لكن صديقتي هذه صحيح انها متفوقة ولكن مستوانا الاثنين انخفض وهذه حقيقة واشعر انها لم ترد ان تواجه هذا الواقع انا كنت واقعية وعرفت باللي لازم نساعد روحي بالدروس الخصوصية هذا العام ولكنها هي كانت تٌكابر، صح كنا دائما نقولوا انا وهي باللي عمرنا ما نديروا دروس خصوصية ونعتمدوا على أنفسنا ولكن هذا الوضع تغير وهي لم ترد ان تتجاوز الماضي
وفي اليوم اللي خرجت في المساء باش نسجل فيه عيطلي ابوها يحوس عليها لان هاتفها كان فاصل الشحن وظنًا منه اننا مع بعض قتله باللي انا راني روحت نسجل ليكور قالي صحا وخلاص
يوم غدوا قالتلي كيفاش ماتقوليليش باللي روحتي تسجلي ليكور ؟؟ ولم تكن علامات الرضى تظهر على وجهها واشعرتني كانني قمت بخيانة !!
انا ياناس والله العظيم قريب العساس تاع الليسي يعرف باللي راح ندير ليكور!! على خاطر اول مرة كنت راح نسجل فيها فكنت اغتنم اي فرصة في الحديث مع اي تلميذة او استاذ لاسأله عن احسن مكان ندير فيه وهي تجي تقولي كيفاش تسجلي مور ظهري ؟؟؟
كما قلت هي اكتسبت اصدقاء في السنوات الماضية ماكانوش اصدقائي وبما اننا رعنا في نفس القسم يعني عدنا نفس الاوقات المنتظر اننا نقضي اوقاتنا كيفكيف كيما كنا.... ولكن الحقيقة انها كانت تتركني لتذهب اليهم ، تفطر معاهم ، تقعد معاهك وتخليني وحدي وانها تعلم انني وحدي وكي تقد معايا تحكيلي عليهم طول الوقت ...ربما أبدوا تافهة ولكن هذا كان يحز في نفسي صراحة ....في البداية لم اكن افعل شئ ولكن رجعت ندير كيما هي ونروح لصحباتي وكان عتابها الذي كنت اقصد من وراء هذ التصرف ..وكما يقال العتاب للاحباب ..لكنها لم تفهم هذا وماذا فعلت ؟؟ كنا نجلس في نفس المقعد تركتني وغيرت مكان جلوسها !! سألتها لما ؟ قالت ان السبورة اوضح من المكان الثاني ! انا صراحة لم اعد احتمل الامر تكرتها تفعل ما تشاء
نحن في نفس القسم ولكننا لا نفعل اي شئ سوية وازدادت الامور تعقيدا حينما كنت احصل على نقاط اعلي منها وفي الاخير جبت الباك بمعدل اكبر
لم نكن الاثنين راضين على المعدل لانا طموحنا كان في تخصص اخر ، دخلنا نفس الجامعة ولكني اعلمتها انني سأعيد البكالوريا حرة وهي لم تقل شئ وكانت تتحاشا مكالمتي سألتها في عدة مناسبات ماذا يحدث بيننا ؟ فكانت تتجاهل الامر او تهزأ بالامر لم تكن ترد على رسائلي في الفايسبوك ولم تكن تهاتفني لم تكن ترد على اتصالاتي اردت الذهاب الى رؤيتها في منزلها ولكن كنت اخشى ان لا يكون مرحب بي او زيارتي تزعجها و تحرجها !!فأغلقت الفايسبوك نهائيا
صديقة لنا لقاتها في الباك سبور ثم لقاتها في نفس المركز تاع الباك
انا شعوري كان يقولي باللي راهي تعاود فيه على خاطر نعرفها وانا وهي حابين نفس التخصص ولكن لم اكن اعلم انها توصل لهذه الدرجة انها تخفي على جميع الناس بما فيهم انا على اقل كنا نعاوده الاثنين مع بعض ؟؟ علاش تخاف تقولي واش راح نديرلها انا؟؟ ان رزق الله لا يسوقه اليك حرص حريص ولا يمنعه عنك كراهية كاره !! عام كامل ما تكلمنيش ؟ كل السنين اللي فاتوا كنا مع بعض كل اللحظات الي مرينا بها كيفكيف كل شئ ضربتو عرض الحائط ؟ كل شئ لا يعني لها شئ ؟؟...وماذا لو درنا التخصص اللي رانا حبينوا ونتلقا بيها كيفاش راح تكون ردة فعلها ؟؟ كيفاش راح نتصرف انا ؟؟ نهدر معاها نتجاهلها واش ندير ؟؟
راني حاب نهدر معاها على خاطر راه داخل رمضان وزدت قريت هذا الأحاديث (لا يحل لمسلم لأن يهجر أخاه فوق ثلاث، فمن هجر فوق ثلاث فمات دخل النار) ، (يطلع الله إلى جميع خلقه ليلة النصف من شعبان فيغفر لجميع خلقه إلا لمشرك أو مشاحن)
فهل هذا هو التشاحن ؟ يعني لا انا لا هي تقبل دعواتنا؟ ما موقفي قدام ربي انا ؟؟ واش ندير؟وماذا لو أحادثها في الامر وتفعل ما اعتادت تفعل تتجاهل او تستهز بالامر كانني نخرف وحدي؟؟
شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم اختي قرأت قصتك كلها و أعجبت فعلا بمدى الصداقة التي كانت تجمعكما فياريت لوكان دامت لأنو قليل مانجد صديق حقيق في هذا الوقت
اختي صراحة المشكل بدأ من تصرف صغير ثم ترتكم الباب لتكبر بينكما الفوهة حتى تصل المور الى هذا الحد
فلو فهمتيها عند تعذر ركوبك معهم السيارة و اعطيتها السبب الحقيقي لما تضايقت و بدأت تتصرف ربما حتى تضايقك فقط فربما هذا التصرف الذي لم تقصديه و هي لم تفهمه زاد المور سوءا
أختي الصداقة أجمل شيء في الوجود و علاقتكم جميلة و لو لم تكن محبتها باقية في قلبك لما طرحتها في قسم مشكلتي و صدقيني فهي تحس بنفس الاحساس تجاهك
فلا أظن أن النفاق يصل لهذا الحد فأكيد هي كذلك تشعر بضيق تجاهك
لهذا نصيحتي لك اذهبي لها و افتحي لها ذراعيك و عاتبيها و دعيها تعاتبك و اطوو صفحة الماض و افتحوا صفحة جديدة ملؤها الحب و التفاهم
و ماتنساوش رقو لأنو هاذي عين و صابتكم
ربي يوفقكم اختي و تنجحو في حياتكم و تحية مني لكل من يحمل في قلبه مشاعر صادقة ليس فيها أي مصلحة تجاه انسان اخر في هذا العالم الذي كثرت فيه الأنانية و حب الذات حتى و لو كانت بطعنة سكين في الظهر
__________________________________________________ __________
>>>> الرد الثاني :
rabiiii m3aaaaakkk
__________________________________________________ __________
>>>> الرد الثالث :
نقولك حاجة أهم الشي الصراحة ........ غير جيك فرصة عاودي احكيلها بالتفصيل الملل قصة صداقتكم فكريها بالذكرياء الجميلة و بعدها صارحيها وين بدا المشكل عااادي جدااا و قوليلها هذا هو السبب لي خلانى نتباعدو و خليها بطريقة ذكية حتى هي تحكيلك .......
و ريييييييييت تستغلي الفرص في الايام المباركة و بالاخص في الاعيااااد ...... باش ما تقدرش تتجاهلك أو ما تحكيش ..........
ربي معاكم و ان شاء الله ربي ينجحكم
7 يظلهم الله يوم لا ظل الا ظله .. من بينهم شخصان تحابا في الله اجتمعا عليه و تفرقا عليه ... يعني حب الاهي بدون مصلحة ......
ربي يرزقنا الجنة يااارب
__________________________________________________ __________
>>>> الرد الرابع :
rabiiii m3aaaaakkk
__________________________________________________ __________
>>>> الرد الخامس :
يا ختي راني وليت كي نقرا مواضيع كيما هك يوجعني قلبي،خاطر أنا كيما نتي ديما نحوس على صحاباتي و نييييييييييييية لأقصى درجة،نحب ديما نغطي على الشي اللي يديروه و نتجاهلو و لكن في الأخير أدركت حقيقة واحدة،أنو مكانش حاجة إسمها صداقة،ماش معناتها مكانش صداقة خلاص و ولكن ما تبقاش كيما كانت لأنها باه طول لازم يكون الدرك على واحد و كي نكبرو واحد ما يحمل يكون الدرك عليه،راح تختلف إهتماماتكم و كللل شي و تزيد تتسع بؤرة و فجوة الفراغ بيناتكم وما يجمعكم والو،إذا قسي قلبك وتوقعي منها أي حاجة منها و من غيرها،غير شوفي صديقة جديدة و مليحة و لا ما ديري حتى صديقة أتعاملي بحيادية و تكبري و تنسااااااااي هاد الشي و تعودي تضحكي على روحك،اللي باعك بالفول بيعو بقشورو علابالي كلامي دك يقيسك و تقولي واش قاعدة تقول و لكن مع الوقت تفهمي يا عزيزتي أوككككي
