عنوان الموضوع : ساعوني على وجه ربي مشكلة
مقدم من طرف منتديات العندليب
السلام عليكم.. موضوعي طويل لكن استحملوني فانا في امس الحاجة للمساعدة
اخوتي لقد طرحت هنا اكثر من مشكلة و استفدت لذلك اردت أخذ آراءكم وخاصة اهل العلم بهذه المواضيع
اريد التحدث بالعامية فأستسمحكم
انا فتاة كنت سعيدة في حياتي صح كاين مشاكل و حوادث نتعرضلها ككل الناس لكن الحمد لله
جميلة متخلقة ومتربية ناااجحة الحمد لله على نعمك يا رب الناس كامل نعجبهم و خرجاتي قليييلة بزاف نحب خدمة الدار و قايمة بدار اهلي حتى مع قرايتي حتى كي نخرج كيما الفال الناس كامل تفرح بيا و يحبوا يحكوا معايا و يشكروا فيا عند ماما تروح راسها مرفوع حتى انو بزاف بنات يقولولي تمنينا نكونو كيفك حتى نحشم نقولهم راكم خير مني وبطبعي مانيش مغرورة ولا متكبرة
من مدة تغير حالي رجعت وحزينة و تخيلوا توقفت على الدراسة الجامعية 3 سنوات كي نروح للجامعة نشوف في الورقة نشوفها ظلاااام والله مانقدر نقراها نعيا ما نثبت في الارقام و الحروف بلا جدوى توقفت و قلت لاهلي يجبدلي واحد سيرة الدراسة و النجاح نقتل روحي
رجع وجهي يشيان و ديما عينيا منفخين و بليساغن من تحت حتى هديك الاشراقة لي كانت فيه والو رجع مظلم و صحتي تطيح كل ما نورن راني نقصت كلغ و زوج وكثر مابقاش مرض ماممرضتش بيه حتى ناس ديما تسقسي عليا رتحت ولا لالا؟ وهكذا حتى غرقت في ظلام و في غرفتي لي نرفض نفارقها وتكاسلت على شغل البيت ومانرقدش بالليل وكي نرقد نشوف احلام مرعبة ناس تحاول تقتلني و دماء وغيرها
بعد سنتين والديا قالولي لازم ترقي داوني عند ايمام ريحواا على يدو بزاف ناس رقاني عدة جلساات بالقران الكريم و دارلي ادوية اعشاب و زيوت و عسل لمدة سنة و انا نعالج بالقران و يقولي يا بنتي نفسك طيبة وثقي بالله
الحمد لله بعد سنة قالي رتحتي كنت اعاني من سحرو العيذ بالله بالاضافة الى عين و قالي عندك مشكلة ربط على الزواج الحمد لله بعد الشفاء رجعت مرتاحة و نرقد بالليل و رجعت نخرج و رجعت الناس تشوف فيا و يطلبوا خطبتي يعني كيما كنت بكري و احسن الحمد لله
وليت ندير قيام الليل و نحفظ قرأن و الحمد لله افادىتني الرقية كثيرا و نكثر الاستغفار و الدعاء
و من ايام حسيت اني بديت نرجع لحالتي و نفس الاعراض بدأت بوجهي حتى في نهار رحت زيارة جات وحدة قالولي هدي عندها خوان او صلاح صراحة انا لا اعرف هذه الاشياء و مانمن غير بربي و نكره الجهل
بصح هدي البنت قالت عني اشياء صحيحة حقا حدثت سابقا و اشياء بداخلي او اسرار بعائلتي لا يعلمها احد بعد قاتلي انت دايرينلك السحر الاسود و انا منعرفش وش معناها السحر الاسود و قاتلي دايرينو بعظم ميت و مدفون بقبر ولا اعلم كيف و انك لن تنجحي و كل من يخطبكي سيذهب ولا يرجع لم اصدقها و ذهبت بعيدا و قلت انني لم اصدقها وعندما عدت قالت لي لقد قلت كذا وكذا صدمتني
يا ناس مع اني رقيت و تعذبت بزاااف حتى ريحت الان انا خاائفة جدا فحقا لم استطع النجاح ثانية ولا العمل و ايضا كل من يتقدم لي عن طريق اهل اومعارف يتحدث في الموضوع ثم يذهب بلا رجعة قبل حتى ان يراني
ليست مشكلتي في الزواج فانا صغيرة 23 سنة لكن لا اريد العودة لتلك السنوات الظلماء و ما حدث لي
وهل وسوست فقط من كلام هذه البنت التي تقول ان لها صُلاح يخبرونها ام فعلا بدأت العودة لحالتي ؟ وهل هؤلاء الناس حقا موجودون ام هم منجمون؟ و هل حقا مثل ما قالت سيتقدم بي السن و لن اتزوج الا اذا ازيل هذا ما تسميه السحر الاسود؟ وكيف سابحث عنه بالقبور مثلا؟؟؟هل هذا صحيييح ام تنجيم و كذب اذا كيف عرفت ومن اخبرها ولما أتتني انا خصيصا
يا ناس انا تعبانة واريد ان ارتاح فعالم السحر هذا و الشعوذة لا اعرف عنه شيئ فانا اسعى دائما لاتثقف في مالعلم وديني لا اعرف السحر وهذه الامور الا عندما تعرضت لسحر كاد يودي بحياتي حقا
انصحوني راني رقيت و تحسنت وعلاه عاودت هكدا في فترة اقل من سنة غايضتني روحي بزااف كيفاش كنت وكيفاش وليت و احلى سنين شباب في عمري راحتلي خسارة في ظلام مع هذا راني دائمة الصلاة و الدعاء لرب العالمين
واذا كان كل شيئ وسواس فلماذا يحدث مع هذا سواء الدراسة او حلاوة الحياة او العمل او الزواج الشيئ لي نقدملو يبطل
وش ندير راني نكتب و نبكي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كثري من الصلاة والاستغفار وقراي الادكار يوميا والله لن يصيبك شيئ بادن الله فقط دعك من كل كلام هدا وق في الله
__________________________________________________ __________
>>>> الرد الثاني :
إقرأي سورة البقرة و داومي عليها و ربي يشفيك.
__________________________________________________ __________
>>>> الرد الثالث :
داومي على سورة البقرة و ماتنسايش
كذب المنجمون ولو صدقوا
__________________________________________________ __________
>>>> الرد الرابع :
نقولك ؟ اخطاك من جماعة التنجيم و ارجعي لجامعتك اقراي على روحك
و في الليل ديما رقي روحك
راكي حتى نتي تحطمي في نفسك بيدك انك تبقاي تخممي في وش يقولو و في الامور اللي فاتت
اللي مكتوبك او يجيك
لكن ماكانلاه تسمعي لهدرتهم
اقراي تطلعلي لخدمتك راهي عين فرات
ديري رقية كل يوم في الدار و سورة البقرة يوميا تطرد الشيطان
__________________________________________________ __________
>>>> الرد الخامس :
عن عبد الله بن محمد بن عقيل عن الطفيل بن أبي كعب عن أبيه قال للنبي صلى الله عليه و سلم : ( كم أجعل لك من صلاتي قال : ما شئت . قال : الثلث . قال : ما شئت و إن زدت فهو أفضل . قال : النصف . قال : ما شئت و إن زدت فهو أفضل . قال : اجعل لك صلاتي كلها قال : إذاً يكفيك الله همك و يغفر لك ذنبك .).
كلمة صلاتي هنا تعني دعائي
