مشكلتي ... ساعدوني تم الحل

عنوان الموضوع : مشكلتي ... ساعدوني تم الحل
مقدم من طرف منتديات العندليب

السلام عليكم وصحا رمضانكم
نتمنى تتاملو حكايتي لاني والله انضريت بسمالله فالبداية نقول لكم انا بنت ومشكلتي متعلقة للاسف برجل اللي اقصدني للزواج مكنتش نعرفو وكي قلت لاهلي رفضوه لكن انا بقيت متمسكة بيه ولي أمل انو يقبلو ولحد الساعة راهم رافضين المهم كنت نحاول معاهم وكنت على خطأ لانو هو كان لازم يرضيهم ويجي للدار لانو مجاش وكانو يقولولي احنا حتى واحد مخطبك باه نقبلو وصح لا علينا كان يعطيني وعود باه كل مرة يجي وكل مرة تحدث وفاة عندهم جدو ومبعد جداتو بطبيعة الحال نقفلو كلش هاد كلو العام اللي فات السنا قالي حتى تتزوج عمتي ومبعد حتى يزوجو خواتي زوج ورا العرس نتاع خاوتو زوج ف اوت يجة يعني من جيهت نوفمبر 2015 لكن من 21 يوم تقريبا واحد من هادو خاوتو الله يرحمو ومن داك النهار بدات ماساتي والله العظيم وقفت معاه وقفت راجل رحت لدارهم( هو فاميلتي) يا ناس نهار عيطلي وقالي خويا مات والله فضحت روحي مالخلعة ورحت قلت لماما فلان مات طاحت ماما عيطت لجدي قالها مسمعناش جات ليا قاتلي كيفاه وليد عمي وجوارين ومسمعناش قاتلي مكاش منها عاودي اتاكدي متحصيش غلطة ولا زعاقة ولا مفهمتيهش زصح انا هدرتو مفهمتهاش كي عودتلو واش قالي طيحلي للام نتاعي وقالي انتم مش ناس ومش بنيادم انا واش درت انا ولية نخرج برا نهوم نسقسي معليش راحت ماما عندهم صابتها صح ومبعد لحقتها انا قعدت شوية ومبعد مبعد مرضت انا كانت نعاني لسنين من جرح فالمعدة حتى رجعت نوزن 49كيلو مي بريت وبقيت ضعيفة ونهار الموت عاودت نجرحتلي بلا صوالح وحداخرين صراولي ماالخلعة المهم رحت للطبيب وعاودت رجعت للموت وزدت مرضت ورحت للدار وعاودت رجعت تان علاجالو باه ندير الواجب معاه وداك النهار زعفت ماما لانو عندي خويا صغير مكانش اللي يشدو قاتلي شديه وانا ندير الواجب مرديتش عليها ورحت انا وماما لالا غي علاجالو وقعدت حتى لل10 نتاع الليل تم مع خوالي وجدودي وكنت نظل نعيطلو واش راك راك مليح ريحت كذا كذا و لغدا من ذاك تان عيطتلو واش راك واجبي علابالي نقولو ارقد ريح منحاولش نفكروا عيطتلو مع اليل كانت ل11 رد عليا وفوتلي خطيبة خوه هاد اللي مات وقاتلي راني نحكي معاه قتلها خودي راحتك وهو هاد البنت عمرو ماهدر معاها ومبعد عاودلي سقسيت عليه راك مليح كنت نحاول نحكيلو اي حاجة المهم ميخممش فالموت حتى قتلو السخانة كانت عندكم انا قلتها وسايي حتى قالي انت ماجيتيش للموت جيتي تعسي الناس وهادي هي خدمتك وبزاف هدرة المهم قبلتها على روحي وقتلو اسمحلي وانا الغالطة روح ارقد ريح ومتعمرش راسك وزدت عاودتلو غدا من ذاك ووليت كل يوم هكذاك انا نعيطلو ونحوس عليه ونسقسي عليع وعلى يماه ووليت نسمع العجب السب التطياح والله العظيم موصلتو والله العظيم كان يطيحلي يزعكني يقولي متزيديش تعيطيلي متحوسيش عليا راك تزيديني وانا نقولو لالا نوقف معاك يطحلي ونراضيه والله يسبني ونقولو اسمحلي انا الغالطة والله وااله نحكيلو فكاش موضوع باه نسسيه يقولي انت متحسيش نحاول نضحكو يقلي انت قلبك ميت تضحكي والله العظيم كي نقلو اصبر واستغفر وادعي وخوك راه فالجنة والموت حق وربي بغاه يقلي راك تزيديني وتفكريني واش ندير انا اه والله عييت فاتت سمانة وعيطلي سابني نتفرج لماتش نتاع الدزاير وكي ربحنا رجت طليت على الفرحة نتاع الناس من دارنا وكي عيطلي لقاني فرحانة منكذبش عليكم فرحت رخسني سبني طيحلي كلام والله متتلبس عليه كسوة قالي سايي وحدة كيما منستحقهاش ماكيش بنادم ونلقى اللي خير منك ورحي كذا وانت كذا قالي حكيت لواحد صاحبي واش درتي وقالي هادي قيسها وطيحلي وقالي بعديني متزيديش تعيطيلي متحوسيش عليا وعاودت عيطلو ورخست روحي وقتلو اسمحلي وقتلو اانا الغالطة والله متتعاود وااله منزيد نتتفرج قاع للبلون ونطلب فالسماح ونسمع فالسب زعما مراعيا ظروفو وفاتت وقعدت انا اللي نحوس وانا اللي نسقسي والله العظيم يا ناس كنت نسمعو يغني في دارهم ويضحك ويعيط لصحابو يجمع ويظل فالفايسبوك يتمسخر وانا نعيط نسقسي عليه نهدر معاه عام باش يرد ندخل نهدر معاه فالفايسبوك عام باش يرد يكون يحكي مع صحابو وكي انا نحكي يولي كاره واللي نقولها متعجبوش حتى ولا يقولي انت مصبتكش صبت صحابي ووليد عمتي هاد وليد عمتو والله ما جا حتى يعزيه وهاد صاحبو نهار الموت قاعد يدغدغ فيه ويضحكو وكي انا نحاول نضحكو يقلي انت قلبك ميت وعقلك فارغ يا ناس انا حسيت بمصيبتو والله العظيم بغيت نضحكو مقبلش حكيتلو مقبلش راييت عليه رفض قتلو اخدم اتخرج الها قالي انت باغية تقتليني وااله العظيم حكيتلو على الجنة على الموت بطريقة تفاؤلية قالي رميتني في حفرة نتاع النار والله وليت نحكيلو اي حاجة تلهيه ولا يقولي انت تافهة ونزيد حاجة كنت نهدر ونكونكتي فالفايسبوك حتى وحد النهار على 1نتاع الصباح نسمعو يحكي هو وخطيبة خوه اللي قعدت عندهم مروحتش لدارهم مور الموت على التصاور ويوريلها ايا زعفت ومبعد سكت وحدي وانعلت ابليس بفوتو ليام حتى جابلي قصة جديدة اللي هي روحي اتزوجي وعيشي حياتك انا انسان قلبو مات وكرهت الدنيا ونا نقولو لا لا نقعد معاك وااله كيما راكم تشوفو قتلو تهبل انا نرجعك تتعوق نرفدك انا نبدلك ليكوش والله العظيم ينقطع رجلك ديرني عكاز منسمحش فيك متخدمش نعطيك كلش والله العظيم قتلو نقارعلك سنين ولكان ساعفتو والله لكان راح ومبعد ولا يسهرني وانا نقعد معاه والله منرقد قدام السحور هو قاعد فالميكرو ويقلي مترقديش ويلا رقدت يزعف ووليت نصبر ونصبر من يومين مرضت مرضة صحيحة وااله مسقسا واش بيا انا قتلو والله ومنعيطش انا نسقسي والله ميحوس يا ناس انا مرضت كي قتلو علاه قالي مرضك وين يبان مع واش صرالي ياك خوه مات انا مزالني حية انا كي نوت ويقيمني مبعد لاه كنت نقولو كي متحكمنيش فالتليفيون تلقاتي نقارعلك فنات ويدخل والله ميتكلم حتى انا نقول سلام وولا تان مو صلاة الفجر يقلي مترقديش حتى انا يجيني الرقاد وكنت نكابر ونقعد وكي تروح عليا رقدة يقلي انت قلبك وعقلك فارغ وانت مصبتكش والله العظيم نوض زنكلمو ونواسيه ونحكيلو وخطرات كي نلومو يقلي كرهتك وكرهت هدرتك راكي تزيديلي ومانيش حاملك نيميروك كي راني نشوفو يهبطلي المورال و انا قاع واش قالي قاعدة ونقول مراهش مليح ومعليش ازمة وتفوت ونمسحها فيا ونطلب السماح على حاجة والله ماني غالطة فيها حتى مرضت مرحمنيش بيتني قاعدة ونبكي وكان نهار عيد ميلادي والله مخرحم مرضي وحتى داك النهار فوتها وقتلو اسمحلي وهو يقلي كل واحد يروح ف طريقو وانا شادة فيه ونقولو لالا ويقلي متستاهلي والو بحر عليك وروحي وااله منحوس عليك وكاين اللي يسهاتل وصحابي خير منك وكاين اللي صبتهم وانت مصبتكش وانا قاعدة نساعف فيه وفوتها وقتلو انا الغالطة واسمحلي يلا غلطت وكي دار الصباح قالي مترقديش ومرقدتش وكي وليت نحكيلو وجاه الرقاد سكتني وقالي سايي اسكتي ارقدي ولغدا من داك اصبحت انا نعيطت ونسقسي عيله حتى ادخلت للفايسبوك نلقاه هادر عليا درت جام لوحد الفوتو راح قال لواحد ماهيش بنادم تقول نصدقها انا عييت منها وماهوش علابالي بيها ولازم ننساها ونحيها من راسي تم وين فطنت ووين حسيت وحلفت مان زيد نحوس ولا نعيط وكي دارت لعشية عيطلي محكمنيش قالي راه مغلق قتلو م ريزو ومن ديك الدقية محوسش عليا وانا حلفت منحوس يا ناس انا والله ذليت روحي اتحملت السب التزعاك كلش يا ناس هاد بنادم مع الناس عادي وانا يبخس بيا والله اتحملت فوق طاقتي والله با الكلمة الزينة مسمعتها فاه غلطت انا واللله والله والله سمحت في حقي وعييت انذليت امسح بكرامتي لارض فاه غلطت فاه بالغت فالاهتمام فاه انا حلفت والله والله والله منزيد نذل روحي ولا نحوس على انسان راه ياعني في كافة الاحوال هاد استغل ظرفو باه يذلني هذا مرحمنيش في مرضي هدا يسافر وانا معاه خطوة خطوة وهو فوت مسابقة والله مكلف خاطرو حتى يسقسي عليا رايو عليا يا ناس لكم الحرية في التعبير لومو عليا وجهوني انا عييت وانضريت وراني متمنية موتا انا قلت ذل على جلو ونربحو ذليت روحي ومربحت والو ريحوني الله يريحم واسفة على الاطالة قلبي راه معمررر .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي يا اختي ربي بهديك
دخت وانا نقرى قصتك
ذليتي روحك وجعلت من شخصك من شخص لا يكون حتى خطيبك

من هذا الرجل الذي يستدعي منكي ان تتقبلي شتمه وتجاهله وعنفه
يا اختي فيقي
بعمرك
الراجل راه يجوز بيك الوقت
واذا كملت معاه راح تروحي لطريق الجنون
استغفري مولاك وتوبي الى الله
وغيري شريحتك واخطيك من مواقع التصال الاجتماعية لي راكم تستعملوها الله غالب اير فالجانب السلبي
توبي الى الله توبة نصوح
وادعي ربي يرزقك زوج صالح لي يخاف ربي فيك ويقيمك
صدقيني الرجل راجل بدينو واخلاقوومعاملتو الحسنة

__________________________________________________ __________

>>>> الرد الثاني :

.

دوختيني و انا نقرا في القصة تاعك .واش بيك يا اختي علاش ذلي في روحك لدرجة هادي

والله ما لقيت ما نقول غير ربي يهديك و يهدينا و يعطينا لعقل

__________________________________________________ __________

>>>> الرد الثالث :

خسارة عليك ديري في روحك هكدا .

مايستهلش انسايه راهوووووووووووووو مايحبكش مايبغيكش لازم تتعلمي كيفاش تكرهيييييييييه

__________________________________________________ __________

>>>> الرد الرابع :

والله مايستاهلك هبلتيني انت ماشي هو
اجدك عفسي على قلبك

__________________________________________________ __________

>>>> الرد الخامس :

والله يااختي شفيتيني والله ذليتي روحك بزاف اتقي الله من كلامك هذا السيد لوكان راه حابك كان تقدملك وانت بهذا سمحيلي راكي تقومي بعمل محرم تهدري وتذلي روحك لانسا ن غريب
وزيد يهينك دائما ويذل فيك ويسب فيك وفي اهلك وانت لاصقة فيه اسمحيلي يا اختي ديري لروحك قيمة واستغفر ي ربي وهو لوكان رايدك كان تقدم وماتعاملش معاك بهذا الاهانة وهذا الذل
وهذا من كلامك غير متخلق ابدا واش تديري به
استغفري الله وهذا رمضان وادعي الله يرزقك ابن الحلال الطيب الخلوق المتدين
لانك والله على حسب كلامك انت طيبة ونية وماتستاهلي غير الطيب مثلك
والله يوفقك لما يحبه ويرضاه