أبي غاضب مني (2) مشكلتي

عنوان الموضوع : أبي غاضب مني (2) مشكلتي
مقدم من طرف منتديات العندليب

ارجو من المشرفين اضافة هذا الجزء ل ابي غاضب مني (2) ودمجه بموضوع واحد قبل عرضه وعذرا

انا لم ارمي اي فتاة درست بالجامعة او اشوه سمعتها فهن شريفات عفيفات وان رميتهن فانا رميت اختي التي درست وتخرجت وتكمل الان الماجيستار وقريباتي ايضا درسن وتخرجن بشرفهن انا لا ارمي احدا لكن كل شخص وقراراته في هذه الحياة ولم اقل انني ان درست بالجامعة سأكون سيئة السمعة لدى الناس لا كلنا نستطعن الدراسة والتخرج و رؤوسنا مرفوعة

اسفة من كل من وصلتها فكرة كهذه

هذا كان اختياري وارجو ان لا يغلق الموضوع فضلا لاني اريد ان اخذ ايضا رأي اباء وامهات كيف ارضي ابي وامي التي لا تريد ان احتاج كما احتاجت وان اعمل ويكون لي استقلال مادي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي مقدرتش نشارك في موضوعك الاول لانو مغلق
انا في العادة لا اشارك و لا اعطي ارائي في مشاكل الغير وان كنت اطلع عليها و اقراها
لكن مشكلتك لم استطع ان امر عليها مرور الكرام دون ان اتكلم و اقول رايي
اختي نصيحة ربما وجهوهالك من ردو على موضوعك قبلي اعيدها و اقول
راكي غالطة مليار في المئة لذلك عاودي حساباتك مليح مليح
خمي في مستقبلك جاتك الفرصة حتى لعندك ووصلت للعين و مشربتيش
والله تندمي عليها
اقراي ادي ديبلومك سلاح في يدك و حتى ولو تقعدي في الدار و متخدميش
و الاهم باباك فرحيه اعلاه هكا
و زيدي الاسباب اللي ذكرتيها كلها واهية و غير منطقية عاودي خمي و خمي
و خودي راي باباك و الاغلبية هنا

__________________________________________________ __________

>>>> الرد الثاني :

تقولي يا اخيتي انك يكون عندك استقلال مادي
وتعملي؟؟
لازم يكون عندك ديبلوم حتى وان اردتي اي مجال في الحيال مثل الخياطة او الحلويات او الحلاقة
لازمك ديبلوم وكل شيء يجي بالعلم والتعلم
هذا العام لازم توقفي على رجليك ...لازم تنوضي مادامك صغيرة وما تخليش العام يروح عليك
لازم تخيري يا تروحي للجامعة وتقراي يا تختاري احد معاهد التكوين ياا تختاري حرفة نسوية وديري شوية كوراج
وتاني لازم ترضي نفسك ما يلزمش تكوني بدون هدف في الحياة
وقت تفرحي نتيا وتفرحي نفسك وتنجحي راح يفرحو والديك بيك ويبقاوش مقلقين على مستقبلك
انيا هادي واعرة ...لازم شجاعة في كل شيء باش نقدرو نعيشوها

__________________________________________________ __________

>>>> الرد الثالث :

المشرفة اغلقت لكِ موضوعك لان عدد الردود فاتت 20 رد
واي موضوع تصل الردود ل 20 رد يغلق
حتى تعطى الفرصة لمواضيع جديدة

__________________________________________________ __________

>>>> الرد الرابع :

اختي.....................وعلاه اتعفسيش على قلبك وتروحي تكملي قرايتك؟؟؟
استخيري ربي واطلبي منو يعينك....................واجعلى صبرك على معاناة الجامعة هدية لابيك الدي يحترق قلبه عليك
يااختي ...كلنا درسنا بالجامعة وكرهنا حياتنا فيها........لي يعصي ربي راهو يتمرمد فيها ولي خاطيه راه يحس بروحو في مكان غير مكانه.............................صحيح اصبحت الجامعة مكان للاشياء قدرة كثيرة ...لكنها اختي مكان للعلم.ابى من ابى واحب من احب.....................ادا كان كل عفيفة وعفيفة يتهربون من اكمال دراستهم...........................وتركنا من هب ودب يتعلم ويحتل المناصب العليا...................فكيف يكون حالنا.والي اي هاوية نقود مجتمعنا.
اتمنى لكل تقي وتقية ان ينالو الشهادات العلا .وان يحتلو مناصبا حساسة في مجتمعنا وان يغزو جميع المجالات......حتى يستفيد المجتمع من اخلاصهم وطهارتهم.

براي اختي .ادهبي للجامعة.................هي حقا مكان للفتن..........لكن بها اقدس شيء بالوجود......هي منبع من منابع العلم..................تعلمي...................ولا تلتفتي لمن لايقدس العلم....ويجعله مجرد شهادة........او له وقت وزمان .

اسعدي والدك.......اسعدك الله.
اتمنى ان تسعدينا بخبر تسجيلك بالجامعة قريبا.

__________________________________________________ __________

>>>> الرد الخامس :

او اعترفي وقولي شفتي صحباتك تخطبو درتيها سبة بالقراية وقالك شفت العفن في الجامعة وقلبي حساس و الخرطي
كااااامل شفنا و راكي كبيرة يعني لي فالجامعة ضرك راهم وليداتك انتي توريلهم بلي هادا عفن !!!!!!!!!!!!!!!!!!!!!!
ما تقوليليييييييييييييش كلاك قلبك و راكي حابة تولي كيما هما ؟؟؟؟؟؟؟؟!!!!!!!!!!!!!!!!!!!!!!!!!!!!!