عنوان الموضوع : ماهو الحل ؟
مقدم من طرف منتديات العندليب
السلام عليكم ورحمة الله تعالى وبركاته
قولولي كيفاه نديرة جوك نحكيلكم حكايتي وانتوما نصحوني واعطوني الحل الصحيح
حكايتي بدات العام لي فات ... دخلت لفايسبوك ليت طلب صداقة واتنا مانقبلش ذكورا مي اللي بعتلي كان ابن عمي وعمرنا ما حكينا نتلقاو صحا لاباس وخلاص ... مالا قبلتو كيلقيتو تاع لافامي ومبعد حتى ملقاه حكا معاي سافا لاباس ومبعد قالي شكون نتي ماكانش علابالو بلي بعتلي لي انا بنت عمو وانا دمي خفيف قعدت نتمسخر بيه ومبعد عرف بلي انا هي .... ومبعد بحكينا وضحكنا وانا كنت هازا عليه نشرة بلي كايحكيش وجابد روحو وهو تاني حاكني هكاك وكيحكينا لقينا بلي ماكاين والو ونحكيو وكلش
مالا ولا كل مايالقاني يحكي معاي .. و انا مالقيت حنى مشكل معاه من اول مرة حكينا لقيت روحي نحكي معاه عادي بورطو جامي حكيت مع طفل وهو الاول ودخصنا في ساع على بعضانا وولا يحكيلي كلش وانا تاني ... ممع الوقت تعلقنا ببعضانا وانا كنت نتهرب من روحي منحبش نعترف مع روحي وهو مايقدرش يقولي وانا ماحبيت نبينلو والو وكنت نحسو بلي كي خويا وماما عابالها بلي نححكيو ما كنت نخبي عليها والو وكنت نقولها واش نحكيو وكانت متحبش كينحكي معاه وتقولي متحكيش بزاف تزيدي تعلقي بيه وانا قلتلها محال مي كان عندها هي الحق . .... المهيم وحد النهار كنا ف لمتيحانات لخرين وبشوية حتى حكالي على وحدة حكموهالو وهو كان ماحبش وفي هذاك النهار قالي بلي كي يعقب الباك يعني بعد 21 يوم يعيطلها ويحكي معاها ويشوفها اذا كانت متعلقة يديها واذا لقاها نورمال يقولها ماتحوسيش علي ... وانا كيقالي هكا تشوكيت وقلتلو ياخ قولتلي ماتعجبنيش وحتموهالي قالي صح مي انا ماحابش نجرحا ... و انا ماحبيت نبينلو والو وقلتلو ربي يسهل وخرجت وهو حسلي بلي مانيش سافا قالي اسناي وانا نسيت كيفاه المهيم فهم من كلامي معاه بلي ماعجبنيش الحال وبقى يقولي كاينة وحدة داتالها بلاصاتها وانا قلتلو مايهمش المهم نت رحت للي حبيت وهو يقولي اها وخيري نتي لولا ولا 2 قلتلو مايهمش قالي واله تجاوبي قلتلو نحب ديما نكون 1 في كلش قالي هيه والله نتي لوولا ويجي نهار وتشوفي وانا خرجت ماحبيتوش يغلط معاي وانا كما خرجت بديت غير نبكي درت حالة تما عرفت بلي حبيتو وانا منرقدش ليل كما قالي هكاك وماقدرتش نسخايلو مع وحدة خلاف ... وكانو عندي امتحانات ماقريتش مليح وباقية نبكي برك ومبعد دخلت للفايس لقيتو وهو فهمني بلي اني في حالة نلقاه حكا معاي وقالي للي ليك ليك ومايروح لحتى وحدة خلاف وكما خرجت خلالي ميساج قاليبالمعنى نخطبك نتي مي نتي برك ماتهربيليش وانا كما لقيتو فهمني ما قعجبنيش الحال ورحت نقوللو مافهمتكش مي كي قالي هكاك فرحت وحبيت نخليه مايزيدش يقولي هكا ويخليها في قلبو حتى يوصل الوقت ساع فهمتو بلي انا ماش على هذيك وبلي مافهمتوش على واش قاعد يحكي وهو مسكين ويس وقالي لالا وماكان والو ... وانا كنت عالبالي بلي احتمال والدي مايقبلوش بيه على خاطر حبس فالباك ماداهش وانا قارية بزاف ندي 16 ومع لبكي هذاك والشك هبت فالفصل لخر لخمسطاش ومبعد قولتلو اهدر برك وكي صارحني قلتلو اوكي ومارديتش عليه وبقيت نحكي معاه نورمال وهوبشوي حتى دخلي فلحكايا تاع نجي نخطبك وبدا يوجد وانا ماعطيتلوش امل وماما كانت علابالها نحبو ولات تقولي غير هو لي ماتديهش وانا ولي نبكي وتشوكيت بعد وقلتلو مسكيت 3 ايام وهو في حالة ماياكل ما يشرب ويقولي نموت بلا بيك ويحبني لرجة ماتصوروهاش ... ساع قلتلو اذا حاب صح ويقبلو بيك دوك نقولك واش در قلتلو اول حاجة تدي الباك تاعك وتقرا الجاميعة ولازم تخدم وتبدا تلم فدراهم باه كتجيي ان شاء الله تكون بدار ولاباس بيك ئهو وافق قالي ندير اي حاجة المهيم تبقاي معايا ... وبقينا حنا نحكيو وانا العام هذا عندي باك وبيناتنا 3 سنين وهو قلتلو عاودو وديه وبديت بلعقل رديتو يصلي ... نحيتلو دخان ولا مايحكس مع حتى طفلة وعطالي رقم سر تاع فايس تاعة دخلت نقرا لي ميساج تاع صحابو مرة وهوما يقولولو وهاذي غيبة ... راح حطني انا برك عندو ف الشات وحط الباقي اوغ ليني وانا بقيت نحكي معاه وماما كانت ديما تخاصم معاي وانا مانقدرش مانحكيش معاه وهي عند بالها دوك نخلي قرايتي ونجيح مي انا ماش هكاك خلاص ساع قريت مليح وكنت حاباتو ينجح المرة هاذي انا الحمد له نجحت ب 16 ورحت مدسين )طب( وهو ماداهش ومازلنا نحكيو وانا كرهت روحي كيقاعدة نحكي معاه على خاطر نغضب في ربي وكي نقولو يقولي نجي نخطبك مي علابالو وعلابالي بلي ماكانش منها حنا صغار وماما وبابا مستحيل يقبلو بيه هكا وهو والل نغيب عليه نهار يهبل وساعات نتخاصمو ميرقدش ليل ويروح يتكيف هاذي فالاول مي مبعد تخاصمت معاه قلتلو نسمع بيك تكيفت والله ماعديتهالك من تم لدرك مازادش تكيف ولا هو يكره ريحة الدخان وحنا ضرك في رمضان وانا نقصت دخول ولا يدير القيام ويقولي نضل ندعي في ربي باه يكتبلي ونديك ومو فاقتلو وقالتلو وجد روحك وكي يلحق الوقت نروحو ننخطبوهالك وماما كون تسمع تتغشش مني بزاااف وانا كرهت خايف من ربي كينحكي معاه وخايفة ربي ينتقم مني كون نخليه وعلابالي كون نخليه تصرالو كاش حاجة ويضل يقولي قاعد نخدم ونوجد ويضل يحلم ويسنس في وقتاه يوصل الوقت لي يديني فيه ة ولا مهبول بي خلاص ميقدرش يخليني وكون نقولو كون يبقاو ما وبا رافضين شوف وحدة خلاف باه تنسى يولي يتخاصم معاي على الهدره هاذي ويقولي والله مانديكش يا اما نموت ولا نحرق والله ماديت وحدة وكينتلقاو كما نروح عندهم يضل يشوف معاي مايقدرش ينحي عينيه مني ... وصل لدرجة العشق ... وانا نضل نخمم فالحكاية هاذي .. ماما وبابا كةن يبقى هكا عمرهم ما يقبلو ودوك يدبرو علي ندي طبيب كما انا وهو كون نخليه وندي واحد خلاف عمري ما نهنا على خاطر والفتو ووتاني علي خليتو وهو هكا وخايفة تصرالو كاش حاجة ونتسمى انا سبة وعمري مانسامح روحي .... قولوي اله يستركم واش ندير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السلام ورحمة الله وبركاته
نقصو الهدرة يا اختي
و توكلو على ربّي
خليه يجي يخطبك
هكا باه تتهناو من الفتنة
جعله الله زوجا صالحا لكِ
__________________________________________________ __________
>>>> الرد الثاني :
حب مراهقة فقط
ستنتقلين للجامعة وتشوفي الشباب لي يشبهو لمهند وعندهم سيارات فخمة وشقق وكبار عليك ....... وتنساي هدا ابن عمك المراهق ... بل وتصيري تحتاقريه وتحتاقري افعاله الصبيانة ... هههههه يعطيلك الرقم السري تاع الفايسبوك حتى تحرسيه ؟؟؟
ههه مزلك كتكوتة ومزال ماشفتي والو يا بنتي
احسن شئ اهتمي بدراستك ولما تخلصي الجامعة لكل حادث حديث
__________________________________________________ __________
>>>> الرد الثالث :
قصة طويييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييلة
امك وابوك عارفين الحكاية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
__________________________________________________ __________
>>>> الرد الرابع :
هدي مشكلة و ل مقال فلسفي ؟
__________________________________________________ __________
>>>> الرد الخامس :
صلي صلاة الاتسخارة و الله ولي التوفيق
