عنوان الموضوع : سؤال للرجال فقط ؟ مشكلة
مقدم من طرف منتديات العندليب
وجهت سؤالي للرجال لأني اعلم جيدا لن يفهمني إلا رجل و المرأة بالنسبة لها هذا ليس بمشكل يذكر لكنه بالنسبة لي ذا اهمية و يمس إستقراري مع زوجتي
قبل ثلاثة سنوات كنت أبحث عن الزوجة الماكثة بالبيت و وفقني الله الى أن أجدها بالمعايير التي تمنيتها لكن المضمون الداخلي ليس لي سبيل لمعرفته ، زوجتي لا تعمل لكن تمدد هذا المفهوم حتي الى بيتي فهي لا تحب العمل المنزلي و بالذات المطبخ تصورو معي لا تحب الطبخ يعني أنا يا رجال وش راح نعمل معاها دوامي من 8 الى غاية 12 زوالا ثم 14 الى غاية 17 مساء أعود لمنزلي بعد تعب و جهد و بعد مسافة تقابلني برفضها للقيام بالواجب المنزلي و اليوم الوحيد الذي تطبخ فيه هو يوم السبت و تطبخ فيه أكل كل الأسبوع قوقولي يا رجال في أي مدرسة تعلمت هذا الدرس قلتها و فهمتها انا مانحبش أكل الثلاجة ردت علي كول من هذا الحوت ولى موت و لي معها طفل
يا صاحبي راني مديقوتي للحد لوكان جات خدامة كنت اتقبل الفكرة لكن هذه ماكثة في البيت و اليوم كل تقضيه على التلفاز في الفترة الأخيرة أصبحت أشتري أكلي من الخارج أجده كما أحبه طبخ على الأقل في نفس اليوم
راني نادم على اليوم لي تزوجها فيه و خيرتها أنا مرانيش متزوج مع مرة فكرت في إعادة الزواج لكن مرانيش قادر نفتح دار اخرى
حكيت مع والديها مكان والو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
[center في رايي وجه سؤالك للنسا خير
باش يقولولك وش في راسها المرا هاذي
وش الهدف تاعها
يعني أنا نفهمها بلي سماطة معنتها أدي ولا خلي
ماعلاباليش بيك
اني نستفز فيك حتى نتخلص منك
؟؟؟؟؟؟؟
هدرة برك لاني ماش عايش القصة
المهم انا قل منك ما نقدرش ننصحك بصح علابالي المرا لازم تسمع هدرة راجلها
و كل بالمفاهمة
الواحد تزوج باش يرتاح مش باش يزيد على روحو[/center]
__________________________________________________ __________
>>>> الرد الثاني :
هذي فنيانة و زادت لقاتش ساكت شوية يعني كون ليوم لول حمرتلها جنابها بالعصى كون راهي تخاف منك و قبل ماتلحق للدار يكون الأكل واجد ... أنا نقول أستعمل معاها أسلوب الترهيب و الا مانفعش طلقها و تزوج غيرها أما الطفل راه يتربى كيما تربات كامل الناس
__________________________________________________ __________
>>>> الرد الثالث :
النساء ماشي مليح تكون معاهم عاقل بزاف خويا هددها بين القيام بواجباتها او اعادة الزواج وتطليقها هادي ماشي مرة مالا لاه تزوجت وكان بقيت باير وخلاص والله نومارمون كل يوم طيب العجاين وخبز دار وحاشة ادا كانت تعبانة مينداك وتقلشا باكل من الخارج بيتزا او اي شيئ ومرة على مرة قال مديريش فطةر نجيب معايا اواه زيرها خوييا
__________________________________________________ __________
>>>> الرد الرابع :
اسمحلي خويا على ردى رغم انى مرا مى قلبي كلانى حنا وسي النسا نعتبروها مشكلة والحقيقة منقدرش نفهمها مرتك بيدها تخرب فى دارها اخى الكريم نتمنى صح تكون نصحتها بالتى هى احسن باه نقدر نقلك انو لمنفعتش انتقل للخطوة اخرى كون معها شوى قاسي ولكن الضرب لا ممكن التهديد بالزواج من اخرى يجيب معها فايدة ربي يهنيك ويصلحهالك
__________________________________________________ __________
>>>> الرد الخامس :
عليك بالعين الحمراء هددها بالطلاق أو بالزواج من أخرى وترى العجب العجاب
