عنوان الموضوع : زواج سحر جهل تم الاجابة
مقدم من طرف منتديات العندليب
السلام عليكم
زواج سحر جهل
من العنوان نظن البعض فهم حكايتي
احبتي قررت اليوم نحكيلكم و نخرج ما بداخلي و كل ما يدور في ذهني هاذ الفترة بحكم سني اصبح سن زواج لكن مازال الوقت 25سنة ككل فتاة في سن معين تصبح الاعين مصوبة نحوها خاصة الا كانت كملت قرايتها و هي الكبيرة تاع دارهم في العايلة الصغيرة مثل امي و العايلة الكبيرة من خالات و عمات بنات خالات.... شغلهم الشاغل زواجي عن نفسي مش موالياتوا اهتمام كبير لانو مكتوب من عند ربي يجي كي يحين الوقت بدون سابق انذار من فترة كل مرة كاين ناس يحبوا يتقدمولي ناس دل عليا ناس تعرفني العايلات يشوفوني في مكان 4 5 مرات ما نتذكرش يهدرو انهم رايحين يجو يتقدموا لكن من بعد ما يجوش تطفى الحكاية في كل مرة بدون مقدمات ربي مش مكتب كنت في وقت مخطوبة لواحد من العايلة لكن بالكلمة فقط كي وصلت باه يجو للدار و يديرو حاجة رسمية من جهتهم دارو مشاكل تفسخت الكلمة حبوا يرجعو من مدة لكني رفضت و مرة نساء شافوني قالو لابنهم عليا جاء شافني في مكان عملي لكن ماعجبتوش مع اني الحمد الله خلقة كاملة لا عيب المهم كل واحد حر في اختياراتوا ذرك الوسواس اللي حابين الناس يديروهولي انوا كاينة حاجة معطلة سحر او ماشابه مع العلم اني في وقت كنت نعاني و الحمد لله ارقيت كان كاين سحر ماكول كانت حالتي مدهورة دارنا جابولي راقي هوما تبانلهم مي انا كنت نحس مكان والو الحق مانيش حابة ندخل في دوامة عن نفسي نحس اني الحمد الله صح نامن بلي كاين سحر ناس ما تخافش ربي ولات ذرك اي ناس حابين يتقدموا ترجع نفس الحكاية تتعاود كاينة حاجة مش عادية لا اجري على روحك توصلوا يدلوني على مشعوذين الحمد الله مارحت حتى لبلاصة تعبت نفسيا مع اني نحاول مانسمعش للهدرة نقول ديما في نفسي انتي قارية تعرفي الصح من الخطا هاذا مكتوب ربي اللي يتحكم فيه خلى الناس تهدر و عيشي حياتك في لحظة ضعف نلقى الافكار سيطرت عليا زواج
دلوني واش ندير نخرج من القوقعة ونواجه الافكار السيئة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكلتك انت وامك - التوسويس - وهدا امر طبيعي
كل ام تتمنى لبنتها تشوفها متزوجة ومبعد تموت وتضمن مستقبلها
بصح يا اختي الرجل ليسو بالضرورة لما يشوفك جميلة يتزوج بيك !!
فيه رجال وسيمون جدا وتزوجو مع نساء ماشي جميلات لعدة اسباب
ممكن اعجب بشخصيتها
او ببشاشتها
او بعقلها الكبير ودكائها
او لجمال عيونها
او لان لسانها حلو
او لجسمها الفاتن ولو ان شكل وجهها ليس بجميل
او لانها من عائلة معروفة
او لان موظفة وراتبها جيد
او لانها متربية ومتخلقة
او لانها انيقة في لباسها
او
او
او
فيريدها زوجة له
يعني كل رجل يختلف عن بقية الرجال
وبالنسبة للرجال لي خطبوك ثم فسخو الخطبة ليس بالضرورة يكون سحر او عين
كل يوم 1000 خطبة يتم فسخها وكل يوم 1000 حالة طلاق في المحاكم
والاسباب متعددة ومرات لاسباب عادية وبسيطة جدا
مممكن لي خطبك تلاقى بطفلة اخرى لقى فيها مواصفات احسن منك فنساتو فيك
وممكن كان عندو ظروف
وممكن كان مشغول
وممكن عندو مشاكل اسرية
وممكن بطل يتزوج اصلا واجل المسالة لوقت اخر
وممكن
وممكن
وممكن
كون تبقاي تفكري هكدا رايحة تمرضي وتتعقدي
__________________________________________________ __________
>>>> الرد الثاني :
السلام عليكم
أنت اصلا ليس لديك مشكلة. مشكلتك الحقيقية هي انك بدأت تنصاعي لافكار المجتمع الجاهل الذي يطبق كل قدر الله على السحر والربيط والتعطيل والترهيج. صحيح يوجد سحر لكن كل فتاة تظن نفسها معطلة بحسر عن الزواج فهل السحر يوفق قدر الله تعالى؟ المهم باختصار، ديري رقية ولكن لا تفكري كثيرا انك مسحورة. إذا كان هناك سحر سوف يفك باذن الله تعالى وإذا لم يكن سحرا فأنت مت شاء الله عليك متعلمة مؤمنة قوية الشخصية تردكي أن " ما أصباك ما كان ليحطئك وما أخطأك ما كان ليصيبك ولو أن الانس والجن اجتعوا على ان يضروك بشيء لم يضروك إلا بشي قد كتبه الله عليك".
لا تراعي لكلام النسا والمجتمع بل ابتعدي عنهم قدرما تستطيعين إلا في صلة الرحم لا،هم سوف يركبون لك الوساوس.
__________________________________________________ __________
>>>> الرد الثالث :
السلام عليكم :
.
يا أختي الكريمة , مالك و مال الناس , هذه حياتك الخاصة أنت من يعيشها , و ليس هم من سيعيشونها معك ,
الزواج مكتوب و رزق من الله , لا تدري الفتاة كيف يأتي و متى سيأتي ,
الزواج ليس غرضا مثل باقي الأغراض يشترى بالمال , لابد من السعي لأجل شرائه ,
أختي , دعك من كلام الناس , فالناس لن ترضى عنك حتى و لو تزوجت , فسيتمرون في الحديث , و ربما الموضوع القادم لهم عدم الإنجاب ,
و إحذري أختي من خزعبلات السحر و الشعوذة و العين , لأنها ستدخلك في متاهة أخرى , تنسيك في الزواج .
__________________________________________________ __________
>>>> الرد الرابع :
السلام عليكم
أنا خايف تكوني أنت ثاني بديتي تتوسوسي و يركبك الشك في أنك بايرة و فاتك قطار الحياة. حابك تعرفي أختي الكريمة أنّه مهما فاتنا من خير كنا نبغوه ثم تذكرنا ربنا، و أدركنا أنّه ماكانش حاجة تصيبنا في الدنيا إلا كتبهالنا الله و قدّرهالنا لأنّ الله إذا كتبلنا الخير ماكانش في الإنسو لا الجن من يقدر يرد قضاءه. حابك تديري في بالك أنّ ما فاتك لم يكن لك ، وإلى أنه لو كان لك ما فاتك. هكذا تقدري تتجاوزي الهم و الحزن و السخط من هذا القدر. قال تعالى : { مَا يَفْتَحِ اللَّهُ لِلنَّاسِ مِنْ رَحْمَةٍ فَلا مُمْسِكَ لَهَا وَمَا يُمْسِكْ فَلا مُرْسِلَ لَهُ } [ فاطر : 2 ] .
أدعو الله أن يخفّف عنك عبء ما تكابدينه مع عائلتك و جميع من يرمقك بنظرة ازدراء أو شفقة. كما أدعوه أن يوفّقك لما فيه خيرك و فلاحك، و أن نسمع قريبا بخبر زواجك... قولي آمين
تحيتي
__________________________________________________ __________
>>>> الرد الخامس :
قال عز وجل في سورة نوح
( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا
يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) )
