حائرة في أمر خطوبتي ساعدوني تابع 3
عنوان الموضوع : حائرة في أمر خطوبتي ساعدوني تابع 3
مقدم من طرف منتديات العندليب
السلام عليكم
أنا صاحبة هذه المشكلة:
https://www.djelfa.info/vb/showthread.php?t=1672631
وهذه:
https://www.djelfa.info/vb/showthread.php?t=1673024
حبيت نوضح قالي راني قابل خدمتك ونزيد نسقسي ماما قتلو معليش والي فيها الخير ربي يجيبها ومن بعد وحنا نحكو قالي راني خايف تقول لا لا هنا حسيت بلي ما يقدرش يتخد قراراتو الشخصية وحدو وغضيت النظر وقلت معليش و في اليوم الثاني عيطتلي ختو قاتلي راها تقولك ماما الخدمة أنسايها بهذا اللفظ وقاتلك راها داري كبيرة وما تقدريش عليها اذا كنت خدامة بصراحة حسيت بلي رايحة نكون فام دو ميناج عندهم . سكتت وقلتلها اوك من بعد نردلكم الخبر وانا هكذا حتى عيطلي قالي نوفرلك كل شي وما تخدميش الله غالب ما نقدرش نقول ل ماما تخدم ومن فضلك فكري وما تزربيش وزدت سمعت بلي يماه تتحكم في كل شي على هذا خفت تكون غير هيا الي تحكم لوكان نتزوج بيه وخاصة عندي صديقة تطلقت قبل أسبوع بعد شهر من زواجها فقط وذلك من تسلط ام زوجها و قراراتها الظالمة علما ان زوجها يحبها جدا فما رأيكم هل أنا صائبة في قرار فسخ خطوبتي علما أنه جاء بعد تشاوري مع أهلي
وبارك الله فيكم
جمعة مباركة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يعوض عليك
__________________________________________________ __________
>>>> الرد الثاني :
و خطيبك هدا مزال ميديرش دارو وحدو
__________________________________________________ __________
>>>> الرد الثالث :
هاذا راح يتعبك في المستقبل غير اخطيك منهم ما تضيعيش حياتك معاه الزواج عمر و ليس يوم
لي ما عندوش راي اقراي عليه السلام
كاين شحال من وحدة نعرفها تطلقت بسبب ام زوجها
__________________________________________________ __________
>>>> الرد الرابع :
لم لفهم ما دخل الام في عملك’؟
هذا امر ما يفرحش بزاف لو كان هو وحدو لي ما حبش تخدمي عادي و لكن امو شوي يا اختي
ربي يجيبلك لي فيه الخير
__________________________________________________ __________
>>>> الرد الخامس :
هذا انسان عندو شخصية ضعيفة جدا و حاجة مليحة الواحد يطيع والديه و لكن مشي لهاذ الدرجة
