عنوان الموضوع : راني هبلت تم حل المشكلة
مقدم من طرف منتديات العندليب
السلام عليكم ::: منين نبدا لكم قصتي أنا تزوجت براجل حسبته راجل ونص في البداية عشنا في بيتهم في غرفة وبحكم الحجاب كان مانعني نهائيا نطيب ولا نغسل ولا ندير أي حاجة وأنا وليت ما ناكلش بسباب شفت روحي علة مع أني في بيتنا كنت شاطرة ومعروفة بالطياب ناهيك عن عاداتهم لي تختلف نهائيا عن دارنا معليش صبرت وقلت ماعليش
وبسبب مشاكل كون نحكيهالكم ما رايحينش تصدقوني
المهم كرالي في دار مجرد غرفة في السطح لا حمام أكرمكم الله ولا شيئ وباش نتوضأ للصلاة نضطر نلبس حجابي ونروح لدارهم لاخاطرش ماعندي حتى مرفق ونهار لي تصب الأمطار كلي راني برا الغرفة تسيل من كل جوايه ومع هذا صبرت وقلت ماعليش وهنا بدات المشاكل لأجل أتفه المشاكل ولا يضربني السيد ولما يشوفني نبكي يبكي ويطلب مني السماح وأنا نسامح بحكم عدة إعتبارات أني زوجي وأني بعيدة على دارنا مسافة كبيرة بزاف ووو
أمه كانت تتدخل بزاف وصلت يا ناس أنا وفي هاذ السكنة طلبت منو يشري العيد الكبير وانا رفضت لأنو مستحيل نعيد وأنا ما عنديش حتى حمام لقضاء الحاجة ربي يعزكم ورغم ذلك شراه وتصرفو فيه دارهم كيما يحبو وأنا بقيت هذاك النهار وحدي لاخاطرش لما لقاني لابسة خمار وجبة زعف وخرجني من دراهم وزاد ضربني لاني في رايه رايح خوه يشوفني وديت نهاري كامل نبكي بعد ضرب شديد منه
بعت كامل ذهبي وبنا غرفة صغيرة في قطعة أرضية نتاعه وتحت الضغوطات سكنا فيها هاذ الغرفة طوب فقط مافيها حتى شيئ وكنت طيب على طابونة برك والفئران قاسمة معاي المعيشة نرقد وأنا خايفة حتى باب ماكانش في هاذ الغرفة وظروفي الله لا يوريكم وقلت ماعليش نصبر لكن هو ما قدرش ظروفي ولى يضربني بزاف ودايمن الضياف يجيبهوم ومستحملة ونقول ماعليش وصل وين بغا يدير عرضة نتاع ثلاثين شخص وأنا طيب على طابونة وغرفة واحدة ولما قلت لأمه قاتلي الفحلة لي تفرح راجلها قتلها ايه بصح وينهم الإمكانيات ؟؟؟؟؟؟؟؟
السيد فهم سكوتي ضعف وتمادى وصل وين بدا يلم يشري لوطو وأنا يا ناس الغرفة اللي فيها ما فيهاش حتى باب يسترني ؟؟؟؟؟؟
أنا راني رايحة نهبل وخلاص مرضت من راسي كل يوم نعاني منه قوليلي يرحم بابكم
السيد إمكانياته كبيره راه مهندس ومستوى دكتوراة وراسه يابس اللي في راسه يديره
واش ندير دبرو عليا .....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
انا متأكدة من ان كل من قرأ مشكلتك يريد لكي حلا ولكن عجزوا عن المساعدة
لان ببساطة الحل هو الصبر واهم حل يجب ان يتغير زوجك نحو الافضل
اختي ان كان لديكي والد او شخص لديه وقار وحكمة يجب ان يتدخل
__________________________________________________ __________
>>>> الرد الثاني :
لا حول ولا قوة الا بالله الله يكون فالعون
__________________________________________________ __________
>>>> الرد الثالث :
ربي يفرج عليك في القريب العاجل. يارك الله فيك على كل م تحملته
__________________________________________________ __________
>>>> الرد الرابع :
انا هنا ما لقيت ما نقولك اختي من غير نسمعلك و ندعيلك ان شاء الله ربي يفرج عليك ، زيدي اصبري و كان نشوفو من الجهة الايجابية كنتي ساكنة مع عجوزك و ماكنتيش تفرحي لا فماكلة و لا ف شراب مبعد خرجتي من عندها معتاها ريحتي من مشكل على الأقل ، و دوكا صح بالاك ما كيش مريحة بصح راكي عايشة وحدك بلا مشاكل العجوز و السلايف اللي ما يكملوش لهنا لازم نحبسو باه نيريحو و نقولو الحمد لله ، مبعد نروحو لمشكل زوجك الي يضربك بصح ما قلتيناش علاش؟ وشنو هي السبة ؟ ادا الأرض ارضكم حاولي تقنعيه انتي و لا اي واحد تعرفي الي يسمعلو الكلام يقولو لي دارك أولى ،
و ربي يقدملك لي فيه الخير يا أختي ، و والله و الله غير من كثرة ما هاد المشاكل راهم يفوتو عليا صباح و عشية انا ما شكيتش راح ندير الدار https://3andlib.xplainer.net/images/smilies/frown.gif و كان اتشوفي بنات واحدوخرين بلاك عايشين اسوآ منك بصح بالصبر و بالمحبة كل شي يجوز ،
__________________________________________________ __________
>>>> الرد الخامس :
ربي يفرج عليك تالمت كثيرا لكن
يابنتي للصبر حدود اين هم اهلك من كل هذا الا يعلمون بما يجري لك
