مشكلة اخي النفسية من فضلكم ساعدوني تم الحل
عنوان الموضوع : مشكلة اخي النفسية من فضلكم ساعدوني تم الحل
مقدم من طرف منتديات العندليب
السلام عليكم
و الله ترددت قبل كتابة الموضوع
لكني لمست في ردودكم على مشاكل الاخرين الموضوعية
باختصار احنا 3 بنات و ولد واحد هو اكبرنا عمرو 28 سنة
احنا البنات الحمدالله كل قرينا انا نخدم و اختي طبيبة كملت هاد العام و الاخرى ماستار
لكن هوا ما حبش يقرا و كره الوالدين بالمشاكل ديالو
كيما درنالو ما حبش يركح
دار فينا الباطل
الخدمة لي نلقاوهالو ما تعجبوش
حاب يخدم في بيرو و هوما عندو حتى مؤهل
المهم قبل 5 اشهر عملنا مشكلة كبير في الدار
و احنا كرهنا من المشاكل
رحنا رحلنا لدارنا الجديدة
و خليناه وحدو في دارنا القديمة
ماما مسكينة كل يوم و هي تبكي
بصح الله غالب ما صبناش حل اخر لانو ما يخافش من الوالد
مع العلم انو هو كان يسحت فينا من الدار يقولنا روحو درك ندبر راسي
المهم طوال هده الفترة قاعد في دارنا القديمة
هو درك ما قدرش يقعد وحدو دارلو انهيار عصبي
هو درك راه معانا في الدار
و اختي داتو عند طبيب الاعصاب
كي شرب الدواء تحسن بكثير الحمداالله
لكن المشكلة انو حاب يحبس الدواء قال انا ارتحت
لكن الطبيب حدر اختي
قالها لازم ما يحبسوش على الاقل عام او عامين
باه يرتاح على قاعدة
احنا في الدار خايفين منو هاد الدواء نسيت اسمو "اكزلانسيا"
من فضلكم حبين نسمع ارائكم لانها تهمني
كاين تفاصيل كثيرة ما حكيتهاش
حبيت نركز سؤالي حول الدواء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انصحك بزيارة موقع طبي والسؤال عن هدا الدواء
__________________________________________________ __________
>>>> الرد الثاني :
اولا ربي يشافيه وانتوما لازم توقفو معاه وزيد اختك طبيبة هي راح تكون ادرى منا او روحي لمختص اخر
__________________________________________________ __________
>>>> الرد الثالث :
جربو تزوجوه يتغير
حاولو تخطبولو شي بنت
و راح يتبدل ان شاء الله
__________________________________________________ __________
>>>> الرد الرابع :
الدواء هذاك يقولوا
لزينكسيا
بصح المشكل ماشي في هذا الدواء هذا الدواء لا يسبب الإدمان
المشكل إذا كان يتناول في أدوية أخرى تسبب الإدمان
المشكل لثم
على العموم لازم ميحبسش الدواء علابالك تصرالوا أنتكاسة ويرجع اكثر من السابق
أديوا انتوما الطبيب بنفسوا ويسمع من الطبيب
بالمناسبة الطبيب لم بخبركم بكل الحقيقة
الدواء هذاك ممكن يشربوا مدى الحياة
هذه هي الحقيقة المرة
__________________________________________________ __________
>>>> الرد الخامس :
هاذ الدواء يجيب مفعول في حالة وحدة فقط
هي انه يتابع العلاج والطبيب ينقصلو عدد الجرعات تدريجيا
حتي يتحسن كليا
اما اذا انقطع عن العلاج دفعة واحدة فلن ينفعه اي دواء ولا طبيب
ومدة العلاج ستصبح ضعف المدة اللتي سبقتها
اي انه اذا اكانت مدة علاجه سنة ثم انقطع عن الدواء
فمدة العلاج ستكون سنتين اذا عاد وتناول الدواء
اخبري امك ان تتوقف عن البكاء وتلزم الدعاء والاستغفار
وان شاء الله سيشفى
