يا من يريد الزّواج لا تدخل هنا ...!! حياة اسرية
عنوان الموضوع : يا من يريد الزّواج لا تدخل هنا ...!! حياة اسرية
مقدم من طرف منتديات العندليب
بسم الله الرحمن الرّحيم
يا من تريد الزواج
إن أبيت إلا الدخول
فأعذرني ولا تعذلني
الزواج وأي زواج
في زمن
اختلطت فيه الأمور
وانقلبت فيه الموازين
وصدق فيه الخائن
وكذّب فيه الأمين
أين هي الزوجة الصالحة...؟؟
يا من تريد الزواج
هاذي بنت الجامعه
كن منها على حذر
صواحبات الفايسبوك والتويتر وiphone
طالبات البيام والمرسيدس
لا تأمن ولا تستأمن
معروفات السيرة والمسيرة
وهاذي على النقيض
سلفية متعصبة
دايرة خيمة على رأسها
لا جمال ولا شيء
ترجعلك حياتك كلها
جديّة لا ضحك ولا قصرة
وهاذي طويلة
هاذي قصيرة
وهاذي سمينة
هاذي رقيقة
وهاذي باباها
وهاذي خوها
وهاذي جدّتها
أخطيك راني نوصيك
الشباب و التاويل
يا من تريد الزواج
أنا لست مثلك
أنا حتى نشري السيارة
ونزهى شوية بزهرة الشباب
ونحوس ونديفولي
وبعدها نفكر في الزواج
طبعا أصفر ليموني أزرق سماوي
وفي انتظار ذلك
نديباني بآمال و سوسو
راك تعرف الحبّ واش دار فيّا
طير لي النوم من عينيا
الزيت والسكر
يا من تريد الزواج
واشبيك تخمم في الزواج
الزيت بستين ألف
والسكر بعشرة ألاف
والبطاطا بسبعة ألاف
وأنت لا تستطيع أن تطعم مقنينا
حتى لا تنسى الكيكوز والبومبارس
أخطيك راني نوصيك
يا من تريد الزواج
المسكن
العمل
الدراهم
السيارة
الغرفة
المهر
العرس
الكبش
الجهاز
الخاتم
La Parure
الكوستيم
الكورتاج
الدبلة
الحنّة
الديسك جوكي
العشاء
القازوز
الغداء
القهوة
الحلوى
الناس
الهمّ
أخطيك راني نوصيك
أحلام سعيدة
والسلام عليكم ورحمة الله
أخوكم في الله
ج م ق
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هههههههههههههههههههههههههه
بارك الله فيك اخي الصغير
من اين لك بهذا
ربي يعطيك الزوجة الصالحة عاجلا غير اجل ويرزقك الرزق الوفير انشاء الله
__________________________________________________ __________
>>>> الرد الثاني :
هههههههه مليح
بالصح و الله غير نتزوج
إن شاء الله
__________________________________________________ __________
>>>> الرد الثالث :
khouya wach bik rabi yakhdam tawil hawas ahda takbal bik bjami3 lmawazin machi draham koulach w machi zin awal haja hya din matkounch talkatha wmatkounch mout3assba fdin w rabi ymadlak matatmana wli yatmanwha jmi3 nas rahat lbal w lmra li matacheratch bzf la rani ghalta
__________________________________________________ __________
>>>> الرد الرابع :
كلنا سنسلك هذه الطريق شئنا ام أبينا.باين عليك راك حاب تتزوج يا سي جلبيب
__________________________________________________ __________
>>>> الرد الخامس :
ههههههههههههههههه
كنت رايح نرقد بصح راك طيرت النوم من عيني
راك خلعتني الله يسترنا
